1 ဒေါ အန် တီ အာယုဝ်ဘာ ဝီ ကာလာင် ဂြုဝ်း။

2 အန် တဝ်း၊ “ဂြုဝ်း ပီ ကာလာင် မဲ တူ စွယ် ဒူအီ အီ တူ မိုဝ်း ပ့လူမ် ဂေ ဟဲန့်။ မဲ မိူဝ် တူ ပွိုန် စွယ် တူ ပွိုန် ဂမ် ဒူအီ အီ ဟဲ့ ဒီလှး။

3 မဲ မိူဝ် တူ ပွိုန် နှဲ အာကျာမ် အာငျာန် မဲ ဒီ ဒူအီ အီ တူ မိုဝ်း အာငျာန်။ ခဲ့ ဘွတ် အာငျာန် မဲ မိူဝ်၊ န့ တူ လိုဝ်း။

4 အာဆေ ဟဲ့ စ်ု မဲ ကာလာင် ဂြုဝ်း တီ။း နဝ်း ဖွိုမ် အာဆေ ဟဲ့ တဲး မဲ နပ် ဒီ ကာလာင် ဂြုဝ်း ပါယ် တီ။း”

5 “နဝ်း ဖွိုမ် ဂေ အီ ဟဲ့ ဟွတ့် ယမ် ဘော ဂေ အီ ကွယ် ခဲင် မိူင် ခြိုမ်၊ ဂေ ဟဲ့ ယုဝ် ဒီယုး ဒီယေန့် ကူပ် ဟဲ့ တာင် အာဖုင် ဒင်ခုဝ် ဇဝ်ဖြာ။

6 ဇဝ်ဖြာ ဘော ယိုဝ် တူတ့် ခဲင် မိူင် မာရာန။ အာဝ် မိုဝ်း မာဆေ အီ ပွိုန် ကာဘိတ်၊ ပွိုန် ဆီဘ့လိုက် အီ ကာပျာတ့် လိုဝ်။

7 အန် ဇဝ် ဟဲ့ ဘ့လး အုန် ဂါင်ဟြာဝ် ဘ့လာက် နာ ကွာ ဒူင် တူ မိုဝ်း မာဆေ။ အန် ဇဝ် ဟဲ့ ဝီ ဒိုဝ်း ကာဒါယ် နီ၊ ဟွယ် အုန် နာ ခဲင် ဒူင် တူ မိုဝ်း မာဆေ တီ။

8 န့ ပီ အန် ဇဝ် ဟဲ့ န့ဒိပ် အုန် အိုမ် ခဲင် န့အု အီ ဟဲ့ ဟေတ့် ကာဆဝ်။ အိုမ် တီ ယီ တူ တဲး န့အု တီ ဒး ကာယာတ့်။

9 အန် ဇဝ် ဘော တာ န့အု၊ ပ့လိုက် ကာဘန် ဘ့လာင် လိူန်မူန်။

10 အန် ဇဝ် ဟဲ့ ကာယဝ်း ဘ့လာင် ဂါယ် အပ်၊ တဲး န့ မိုဝ်း ကာအုန် အီ ကာဘတ် ဒဲင် အိုမ် နမ်မုက်ဆာရာ။

11 ဒေါ မာနုဝ် အန် ဇဝ် အူ မျုဝ် အူ မျုဝ်၊ စေန့် ရွင့် ကာဒါယ် ဂေ ဘ့လေန့် ဘော ဒီယုး ဒီယေန့် ဘော ယုဝ် ကာဆဝ်။

12 အာဖုင် ဒင်ခုဝ် ဇဝ်ဖြာ မိူဝ် တဲး အိုမ် နမ်မုက်ဆာရာ ဆီလွယ် ဆီလွယ်။ အာငျာန် အန် ဇဝ် မိူဝ် ဟဲ့ ပျာတ့် ဝဲန် မာကြာယ် အီ စိူဝ် ရာဟာပ် တွိုန်။

13 အန် ဇဝ် မိူဝ် ဟိုဝ်း ဖွိုမ် အန်၊ ဘူင် တဲး ဘ့လေန့် ဆာဘ့လာင် ဒါခိုယ်။ န့ ပီ အန် ဇဝ် ဟဲ့ တာ မာပွါ့ လာင် အန်၊ ငဝ်း ယမ် မာဟန့် တာင် ဒေါ တဝ်း အန် ဒီ လှန် တဝ်။

14 အာနီ န့ ယီ ဆီ မုး အီ စဲက် အီ စဲက် ပီ နပ် အုဝ် လွင် အာဖုင် ဒင်ခုဝ် အန် ဇဝ်။ ခဲ့ နပ် အေ လွင် အန် ဇဝ်၊ န့ ပီ ခဲ့ ဂြုဝ်း ဖူဖာပ်။ ခဲ့ တာင် အာဖုင် ဒင်ခုဝ် အန် ဇဝ်၊ န့ ပီ ဂြုဝ်း တာင်၊ အာဝ် မိုဝ်း အာဆေ အီ ပွိုန် နပ်။”