1 ဒေါ အန် တီ အာဘီလာဒတ် အီ မုး ဒူအီ အာမျုဝ် ဆူဟိတ် ဝီ ကာလာင် ဂြုဝ်း။

2 အန် တဝ်း၊ “ဇဝ်ဖြာ မိုဝ်း အာဖုင် ဒင်ခုဝ် အီ တဲး အန် အိုပ် တူတ့် ဒွန် မျုဝ်။ အန် ဘော မိုဝ်း ပွုန် အီ မွှိုမ် အာမ်၊ မွှိုမ် ယုဝ် ကာဆဝ်။ အန် ဘော ယွတ် လိုမ်လာ တဲး န့ ယေန် ဒါခိုယ် ဒူင် ကွယ် အန် ခဲင် ဂါင်ဟြာဝ်။

3 ဒါ ဆိုက် အန် ဇဝ် ဟဲ့ ကိူန် ကာဆဝ်၊ အာဝ် မိုဝ်း အာဆေ အီ ပဲ ဒီ တိး။ ဘ့လာင် ဇဝ်ဖြာ ဘော ပွိုန် ထွင် ဒွန် နာ ဒွန် ပ့လုဝ့်၊ အာဝ် မိုဝ်း ခေါ အူ ပ့လုဝ့် ဒူင် တူ ပွိုန် ထွင်။

4 ကူပ် န့ ပါယ် တီ ဒူအီ အေ နီ တူ ပွိုန် တဝ်း၊ ဟဲ့ မိုဝ်း နဝ်း ဆိူဝ် နဝ်း မှာန် ဒီ အာတ့် အန် ဇဝ်။ အေ အာမျုဝ် ဒူအီ တူ ဆီငါ ဘွတ် ဒေါ မှဝ်။

5 မာဂျီန် မိူဝ် ဇဝ်ဖြာ ညှမ် မာတ် ဟဲ့ ဘ့လာင် ဆီငါ။ ဆီမန့် မိူဝ် ညှမ် ဘ့လာင် ရာဝ် ဒီ အာတ့် အန် ဇဝ်။

6 ဆေ ဟီ ပါယ် တီ အာဝ် ဟူ နပ် ဒီ ကာလာင် ခဲ့ တူ ဆီငါ ဂေ ဒူအီ အီ ပီ ဝလွာ ဂေ ဝရျီ။”