အာယုဝ်ဘာ ကာလာင် ဟာဝ် တဝ်း၊ “ဒူအီ အေ နီ ဘော ကာဒုး ဒီ ဘူင် ဂါန် အီ ညှာပ် ကာဆဝ် ဒဲင် ကာဒါယ် နီ။ န့ ဘော ပီ ဒူအီ အီ ဂိန် ဇာင် ဒီ ဟူမ်။

2 န့ ဘော ပီ မှာယ် မွင် မီ တဲး ပြဲ အပ်။ ဘော ဒူအီ ဇာင် ဒီ အီ နှဝ့် န့ဒဝ့် ရုး ပီ ဒီ ပွိုန် အန်။

3 အူ မာဂျီန် ဟဲ့ ပွုန်၊ ဇမ် ပေါ အူ မာဂျီန်၊ အုဝ် ဘော ကာဒုး ဒီ ကွယ် ပီယေန့်။ အူ မှိုဝ် ဟဲ့ ပွုန်၊ ဇမ် ပေါ အူ မှိုဝ်၊ အုဝ် ဘော ကာဒုး ဒီ ခမ် အီ ဒုက် အီ ညှာပ် ဒီ နဝ်း အုဝ်။

4 ဒေါ အိတ် အုဝ်၊ အုဝ် ဘော တဝ်း၊ ပန် မှဝ် အုဝ် ဒီ ပွိုန် ဒီ ယိတ့်။ အုဝ် ဘော အိတ် ကာဘ့လျီ့ ကာဘ့လ၊ ကာဘ့လျီ့ ကာဘ့လ ဒွင် ခိူန် ကော ဇမ် ပြဲ ဝး။

5 ဒုဝ် အုဝ် မိူဝ် ဟဲ့ မုး မင်ပြတ့် ဒီလူယ်။ မ့ဘုတ့် ဒိမ် အုဝ် မိူဝ်၊ ဟဲ့ ဝီ ဒိုက် တူတ့် ဒီ ဟုန် အုဝ် ဒွန် ပ့လုဝ့်။ အိုမ် ကာတိုမ် မိူဝ်၊ ဟဲ့ လှဲ လေး ဒီ ဘိုပ် အုဝ်။

6 ဆီငဲ အုဝ် ဘော ပွုန် ဟာဝ် ခြန် လွှိုမ် အီ ဘ့လိုပ် ဟာဒီနှန် ခဲင် ဒဝ့်။ အာဆာက် အုဝ် ဒီ တူတ့် ဒေါ တူ မိုဝ်း ပီ နှဝ့် န့ဒဝ့်။

7 အိုယ် မဲ ဇဝ်ဖြာ၊ တဲး မဲ လှုဝ်း အာဆာက် အုဝ် နီ၊ န့ ဘော ပီ ဟိုတ့် ဂေ ခုန် ဒီလူယ်။ ငါယ် အုဝ် မိူဝ် အာဝ် ဟူ ပွိုန် ဒီ ယိုဝ် နာ မွှိုမ် ပေါ အူ ဇေန့်။

8 ဒေါ တီ နီ မဲ ဇဝ် ဟဲ့ ပွိုန် ယိုဝ် အုဝ်။ ဝါယ် နီ အာဝ် ဟူ မိုဝ်း ဒီ ဝီ ယိုဝ်။ ပန် ဒီ ယွတ် မဲ ဇဝ် ဒီ အုဝ် ပေါ အူ ဇေန့်၊ အုဝ် ဟဲ့ ဟွတ့် ဟြာယ်။

9 န့အု ဟဲ့ ဟြာယ်၊ အာဝ် ဟူ မိုဝ်း။ ပါယ် တီ ဒူအီ အီ လူင် မိူင် မာရာန မိူဝ် အာဝ် ဟူ ပွိုန် ဒီ ဝီ တး။

10 အန် အာဝ် ဟူ ပွိုန် ဒီ ဝီ တး ဒီ ကာင် အန်။ ဒူင် ကွယ် ဘြိမ် အန် တီ မိူဝ် အာဝ် ဟူ မိုဝ်း အီ နပ် အန်။

11 ပါယ် တီ အုဝ် တူ ကွယ် ပီယေန့်၊ အုဝ် လုဝ် ကာလာင် ဂြုဝ်း။ အုဝ် ဒီ ကာလာင် ကူပ် ဟဲ့ ဒုက် ညှာပ် ကာဆဝ် ဒီ နဝ်း အုဝ်။ အုဝ် ဒီ ဘော ပိုန့် ကူပ် ဟဲ့ ဆွင့် ကာဆဝ် ဒီ နဝ်း အုဝ်။

12 အုဝ် တူ မုး မာကြာယ် အီ ကွယ် ခဲင် အိုမ် နမ်မုက်ဆာရာ။ ခုဝ်၊ မဲ ဇဝ် တူ လုဝ် တဲး ဒူအီ ဘ်ု အုဝ် ဆေဆေ။

13 အုဝ် အိတ် တဲး အုဝ် ပွိုန် ဒီ ဒီလှဝ်။ အုဝ် ဘော နှဝ့် န့ဒဝ့်၊ တဲး ဆဝ် ဂေ ဒိမ် အုဝ် ကဲန်။

14 မာလဲ၊ မဲ ဇဝ် ယီ ဝီ တဲး အုဝ် မ့ဘာဝ် အီ မွှိုမ် ယုဝ် ကာဆဝ်။ ပီ ဘျ မဲ ဒီ အုဝ်၊ န့ မိူဝ် တဲး အုဝ် ကာစွာ။

15 ခဲင် နဝ်း အုဝ် အုဝ် ဟဲ့ ဆီ တဲး ဒူအီ ဆာနျီ့ ဘော ပက် မဲင် အုဝ်၊ တဲး အုဝ် ယမ်၊ ကွဲ့ တဲး ဒုဝ် အုဝ် ဆီ လုဝ် ခမ် ဒုက် တာင် နီ။

16 ပ့လူမ် ဂေ ဟဲန့် အုဝ် မိူဝ် ဟဲ့ ဟွတ့် ယူမ်။ အုဝ် မိူဝ် ဟဲ့ ကာအိး ဟဲ့ ပိုဝ် အာဆာက် အိမ် အုဝ် နီ။ အုဝ် ဟူ မိုဝ်း နဝ်း ဆီ ကွယ် ဆေဆေ။ အာဝ် လုဝ် ယွတ် လိုမ်လာ အုဝ်။ အာဆာက် အုဝ် အာဝ် မိုဝ်း ဒီခုဝ်။

17 အာမျုဝ် ဒူအီ ဟဲ့ အာရေ တာင် ခဲ့ မှဝ်၊ တဲး မဲ ဇဝ် ယွတ် မဲန် ဘော လှုဝ်း ဂေ ဆေဆေ။း

18 ကူပ် မာဆေ မဲ ကော လုဝ် တး ဇဲတ် ဒီ ယွတ် ဒူအီ ဒွန် ညှာ ဘော ထေဝ် ဒီ ယွတ် နဝ်း အန် ဆေဆေ။း

19 ပန် မှဝ် မဲ ဇဝ် ဒီ တူ ယွတ် အုဝ် ခေါ အူ ကာစန်။း

20 အိုယ် မဲ ဇဝ် အီ ဘ်ု ဒီ ယွတ် ဒူအီ၊ ဆေ အုဝ် ဘူင် မှာပ်၊ န့ ပါယ် မှဝ် ဒီ မဲ ဇဝ်။း မှဝ် န့ ပါယ် ပီ ဘူင် မဲ ဇဝ်၊ တဲး အုဝ် ဘဲန် ပီ မှာယ် ပီ ဒီ ထေဝ် မဲ ဆီနုဝ်း။း မှဝ် န့ ပါယ် ပီ တဲး မဲ ဇဝ် အုဝ် ဘဲန် အီ ဒုက် အီ ညှာပ် ဒီ မဲ။း

21 မှဝ် န့ ပါယ် ပီ တူ ဂဝ်း ဝဲန် မဲ ဇဝ် မှာပ် အုဝ်။း မှဝ် န့ ပါယ် ပီ တူ ဘ့လွာ့ ဝဲန် မဲ ဇဝ် ပီ ကာလိုပ် အုဝ်။း ခုဝ်၊ အာဝ် ဘော လှေန့် အုဝ် ဒီ ဘော အိတ် ခဲင် ကာပုး။ မဲ ဇဝ် ပီ ဘော ဝီ ဟြေတ့် အုဝ် မိူဝ်၊ အုဝ် အာဝ် ဟူ မိုဝ်း။”