1 ဝါယ် တီ နာင် အေထာလီ အီ မုး မာ အာဟာဇီယာ တွိုန်၊ အန် ဘော ဝီ နပ်၊ ဂွန် အန် ဟဲ့ ဟွတ့် ယမ်၊ အန် ဘော ဝီ ငဝ်း ယမ် တူတ့် ခဲ့ ကွယ် ဂေ ဂွန် ခုန်ဒီခမ်၊ ကွဲ့ တဲး န့ မိုဝ်း အီ ဒီ ပွိုန် ပ့လု ခုန်ဒီခမ်။ ပန် တီ နာင် အေထာလီ ဝီ အိုပ် မိူင် ယူဒါ။ 2 န့ ယီ မိုဝ်း နာင် ယောဆေဖ အီ မုး ဂွန် ခုန်ဒီခမ် အာယေဟုဝ်ရမ်။ အန် ဘော မုး ဝါ အာဟာဇီယာ တွိုန်။ အန် ဘော ဝီ ပြာ ဒီ ဒိုဝ်း ချြီင် အာယုဝ်အာတ် အီ မုး ဂွန် ခုန်ဒီခမ် အာဟာဇီယာ၊ ကွဲ့ တဲး အန် ကွယ် ရိုမ် ဒူပ် ဂေ ဂွန် ခုန်ဒီခမ် ဒွန် အီ အီ ကာဒုး ဒီ ယမ်။ အန် ဘော ဝီ ဒိုဝ်း အာယုဝ်အာတ်၊ တဲး ဘော အန် ဘော အီ ရတ့် အန် ဟာဝ် ကွယ် ခဲင် ဟူင် အိတ် ဘူင့် ခဲင်၊ ကွဲ့ တဲး နာင် အေထာလီ ပွိုန် ဒီ ငဝ်း ယမ် ဘော အာယုဝ်အာတ်။ 3 ဝါယ် တီ၊ အာယုဝ်အာတ် ဘော ကွယ် ဒူပ် အီ ရတ့် အန်၊ ကွယ် ချြီင် ခဲင် ဟုဝ် ဇဝ်ဖြာ အာဒါ ဒဝ် ဆီနမ်။ ဒေါ အန် တီ နာင် အေထာလီ တွိုန် အိုပ် ဘိုင် မိူင်။

4 န့ ဘော ဇမ် ဘူ ဆီနမ်၊ န့ မိုဝ်း ဒါ အီ လှူ ဒီ ဇဝ်ဖြာ အီ စိူဝ် အာယေဟောယာဒါ။ အန် ဘော ဒဲ့ ဒါ ဆိုက် အီ အိုပ် အူ မာယဝ်း ဘော ဒါ တာင် ဒါ ဆိုက် ဘော ဒါ ဆိုက် အီ ဘ်ု ဟုဝ် ခုန်ဒီခမ်၊ တဲး ဂေ တး ဒူင် ကွယ် အန် ခဲင် ဟုဝ် ဇဝ်ဖြာ။ အန် ဘော တဲး ဂေ လာယ် ဒိူင်၊ ကာဆဲန့် ဒီ အန် ခဲင် ဟုဝ် ဇဝ်ဖြာ တီ။ ဟဲ့ ဟွတ့်၊ အန် ဘော ဘျ တဲး ဂေ ယိုဝ် ဂွန် ခုန်ဒီခမ် တွိုန်။

5 အန် ဝီ တဝ်း ဒီ ဂေ၊ “တဲး ဘေ နပ် ပီ လုဝ် ဘူင် ဘေ။ ဘေ အူယ် ဖိုင် လုဝ် ဘ်ု ဘဲန် ပ့လုဝ့် ဘဲန် ပ့လုဝ့် ဒေါ မုး ဆီငဲ ဒီလှဝ်။ အူ ဖိုင် အီ မုး အူယ် ဘုန် အူ ဘုန်၊ တဲး ဂေ ဘ်ု ဘာင် မာလုဝ်း ဟုဝ် ခုန်ဒီခမ်။ 6 ပေါ အူယ် ဘုန် အူ ဘုန်၊ တဲး ဂေ ဘ်ု ဘာင် မာလုဝ်း အီ စိူဝ် ဆူရ။ ပေါ အူယ် ဘုန် အူ ဘုန်၊ တဲး ဂေ ဘ်ု ဘာင် မာလုဝ်း အီ ကွယ် နာ ပန် ဒူင် ကွယ် ဂေ ဒူအီ ဘ်ု။ ပါယ် တီ ဘေ လုဝ် လာယ် ပ့လု ဘ်ု ဆီချာ ဟုဝ် ခုန်ဒီခမ်။ 7 ပေါ အာ ဖိုင် အီ ဆီ ကွယ်၊ အီ တူ လုဝ် ဘ်ု ဆီငဲ ဒီလှဝ်၊ ကွဲ့ တဲး ဂေ လေး၊ တဲး ဂေ ဘ်ု ရူပ် ဟုဝ် ဇဝ်ဖြာ၊ ဘ်ု ခုန်ဒီခမ် အီ ကွယ် ဒီ တီ။ 8 ဘေ လုဝ် ဂူင့် ခြိုင် ကာဂုဝ်း ဘေ ဒွန် အီ၊ ဘ်ု ခုန်ဒီခမ်။ အာဆေ တး ချြီ့ ဘေ၊ ဘေ လုဝ် ငဝ်း ယမ်။ ဘေ လုဝ် ဒူပ် ဒီ ယွတ် ဒူင် လိုပ် ဒူင် လေး ခုန်ဒီခမ် တီ။”

9 ဂေ ဒါ ဆိုက် အီ အိုပ် အူ မာယဝ်း ဘော ဘူင် ဒူပ် ပီ တဝ်း အာယေဟောယာဒါ အီ မုး ဒူအီ လှူ ဒီ ဇဝ်ဖြာ တွိုန်။ ဂေ ဘော ဒဲ့ ဒူအီ အီ လုဝ် ဘ်ု ဆီငဲ ဒီလှဝ် ဘော ဂေ အီ ဒီလှဝ် ဆီငဲ ဒီလှဝ်၊ တဲး ဂေ ဒွန် အီ တး ဒူင် ကွယ် ဒါ အီ လှူ ဒီ ဇဝ်ဖြာ အီ စိူဝ် အာယေဟောယာဒါ တွိုန်။ 10 ဒါ အီ လှူ ဒီ ဇဝ်ဖြာ ဘော ဒိုဝ်း ဘ့လာ လျီး ဂေ မင် ဂွင့် အီ မုး ခြိုင် ပီ ဒွိုမ် တာ ခုန်ဒီခမ် အာဒါဝိတ်၊ ခြိုင် အီ ကွယ် ခဲင် ဟုဝ် ဇဝ်ဖြာ တွိုန်၊ ဝီ ဒွါ ဒီ ဂေ ဒါ ဆိုက် အီ အိုပ် အူ မာယဝ်း တွိုန်။ 11 ဂေ အီ လုဝ် ဘ်ု တွိုန်၊ ဂေ ဘော ဂူင့် ခြိုင် ကာဂုဝ်း၊ ဘ်ု ဒီ ကာစှူင့် လှူ၊ ဘ်ု ရူပ် ဟုဝ် ဇဝ်ဖြာ စုး ဒီ နာ တေတ့် ကော ဇမ် နာ ကွာ ဘော ဘ်ု ခုန်ဒီခမ် တီ။

12 ဒါ အီ လှူ ဒီ ဇဝ်ဖြာ ဘော ဒိုဝ်း လေး ဂွန် ခုန်ဒီခမ် တီ၊ ဘော ဒိုဝ်း မင်ဂိုမ်၊ စှိုပ် ဒီ အန် ဘော ဒိုဝ်း ဘပ် ဒါရာ ဇဝ်ဖြာ၊ အာပ် ဒွါ ဒီ အန် ဘော စုဝ့် အန် ဘဲန် ခုန်ဒီခမ်။ ဂေ ဘော ကာဖြူမ် ဒီ ကာထ ဒဲ တဝ်း၊ “တဲး ခုန်ဒီခမ် ကွယ် ဒါခိုယ် ဆေဆေ။”

13 နာင် အေထာလီ ဘော ယိုဝ် ပီ ဘူင် ဂေ ဒါ ဆိုက် ဘော ဂေ ဒူအီ အီ ဘ်ု ဟုဝ် တွိုန်၊ အန် ဘော ဟာဝ် ဒူင် ကွယ် ဂေ ဒူအီ ကိူန် ဒီ ဟုဝ် ဇဝ်ဖြာ တွိုန်။ 14 အန် ဘော ယိုဝ် ခုန်ဒီခမ် ဟဲ့ ကွယ် ခူပ် ရွင့် တွိုန်၊ တဲး န့ ဒူပ် ထုင်ဂျာမ် ဂေ။ ဒါ တာင် ဘော ဒါ အီ ဘုတ် ဝဝ် ဟဲ့ ကွယ် ခူပ် ခုန်ဒီခမ် ဒီ တီ။ ဒူအီ ဘော ရဝ် ဘော မိူင် ဘော ခူယ် ဘော ကာဖြူမ် ဒီ ဘုတ် ဝဝ် တွိုန်။ နာင် အေထာလီ ဘော ယိုဝ် တူတ့် ဒွန် မျုဝ်၊ အန် ဘော ကာယာတ့် ခြိုင် တာ အန်၊ ဒတ် တဝ်း၊ “ဂေ ဟဲ့ ဘ့လွာ့ ဝဲန် အုဝ်။”

15 ဒါ အီ လှူ ဒီ ဇဝ်ဖြာ အီ စိူဝ် အာယေဟောယာဒါ၊ အန် တူ ဆီ တဲး ဂေ ငဝ်း ယမ် နာင် အေထာလီ ခဲင် ဟုဝ် ဇဝ်ဖြာ။ ခုဝ်၊ အန် တဝ်း ဒီ ဒါ ဘုဝ် အီ အိုပ် ဒါ ဆိုက် အူ မာယဝ်း၊ တဲး ဂေ တဲး အန် လေး နာ ရေတ့်။ ကွဲ့ တဲး ဂေ ငဝ်း ယမ် အန် ခဲင် ဟုဝ် ဇဝ်ဖြာ။

16 ဂေ ဘော တဲး အန် လေး ဟာဝ် ဇမ် ဒူင် လိုပ် မင်ပြွင့် ခဲင် ဝဲင် ဟုဝ် ခုန်ဒီခမ် တွိုန်။ ဂေ ဘော ငဝ်း ယမ် အန် ဒီ တီ။

17 ပန် တီ အာယေဟောယာဒါ တဲး ဘော ဒူအီ ဘော ခုန်ဒီခမ် ဒွါ ကာဒိက် ဆတ်ဇာ ဒီ ဇဝ်ဖြာ၊ တဲး ဂေ ဝီ ဒူပ် ဆီချာ ဇဝ်ဖြာ။ အန် ဘော တဲး ဘော ခုန်ဒီခမ် ဂါယ် ဒူအီ ကိူန် လာယ် ဒွါ ကာဒိက် ဆတ်ဇာ။ 18 ဒူအီ ဘော ရဝ် ဘော မိူင် ဘော ကာဖြူမ် ဒီ ဟာဝ် ပျာတ့် ဝဲန် ဟုဝ် ဇဝ် ဘာလ၊ ပျာတ့် ဝဲန် ဘော ကာစှူင့် လှူ ဂေ ဘော အာရိုပ် ရာင် ဘောကာဂ့လျီတ်။ ဂေ ဘော ငဝ်း ယမ် ဘော ဒါ အီ လှူ ဒီ ဇဝ် ဘာလ အီ စိူဝ် အာမာတာန်။ အန် ဘော ယမ် ဒီ အာတ့် ကာစှူင့် လှူ တီ။ အာယေဟောယာဒါ ဘော ဝီ တဲး ဒါ ဆိုက် ဘ်ု ဟုဝ် ဇဝ်ဖြာ တီ။

19 အန် ဘော ဒဲ့ ဂေ ဒါ အီ အိုပ် ဒါ ဆိုက် အူ မာယဝ်း ဘော ဂေ ဒါ တာင် ဒါ ဆိုက် ဘော ဂေ အီ ဘ်ု ဟုဝ် ဘော ဒူအီ ရဝ် ဒူအီ ကာင် ဘောကာဂ့လျီတ်။ ဂေ ဘော တဲး ခုန်ဒီခမ် လေး ခဲင် ဟုဝ် ဇဝ်ဖြာ၊ ဝီ ဟာဝ် လိုပ် ခဲင် ဟုဝ် ခုန်ဒီခမ်။ ဂေ လိုပ် ခဲင် ဟုဝ် တီ ဒူင် ဒီ လိုပ် ဒါ ဆိုက် အီ ဘ်ု မာလုဝ်း ဟုဝ် တွိုန်။ ဟဲ့ ဟွတ့် လိုပ် ခဲင် ဟုဝ် ခုန်ဒီခမ်၊ အန် ဘော တုတ့် ဒဲင် မာလာင် အန်။ 20 ဒူအီ ဘော ရဝ် ဘော ကာင် ဒွန် အီ ဘော ခူယ်။ မိူင် ဘော မိူင် ဘော ဒါခိုယ် တူတ့် ကူပ် ဟဲ့ ငဝ်း ယမ် ဂေ နာင် အေထာလီ ခူပ် ဟုဝ် အန် တီ။

21 ဒေါ အာယုဝ်အာတ် ဘဲန် ခုန်ဒီခမ် အိုပ် ဘိုင် မိူင်၊ အာဆာက် အန် ဟဲ့ နုဝ့် ဘူ ဆီနမ်။