Filemon namo, wu sa manawamo wongke. Wu sa Kristen wongke empo taun Kolosi. Wokboi wongke wunini, noula empo wu sa Onesimus, wu isi yulpalo yupone wu ka paiyi waiye taun wongke. Ka empo taun namo wu paiyi waiyeye namo, wu yulu Pol ka Pol mewmew wu ka wu namale Manawamo ka wu bilip ka waiye yukaine Kristen wongke. Empo taim namo, Pol empo isi waiye kalabus fane ese fei paiyi ka yulu Filemon. Fane wu yeꞌre piprola wongke ka yane Onesimus ka yuna paiyi yane manawamo empo wu. Ka mi empo wiye piprola namo, Pol yireni Filemon ese fei yenre wokboi woneni. Empo fika, wokboi woneni namo, empo bilipim Manawamo ka waiye yukaine Kristen wongke. Nanrona fane, empo noula empo Manawamo Jisas, Filemon ese yem wu kore ka yulu wu yukaine ino woneni.