2 Ni e kepelee chin, mu chin imi na e tnumu tun mu da, a ni chin imi na e frɔ mu da. Ni chin na yire na sisam pefɛɛnlɛɛ wa jaa tni, ki tia mblɛ pe peyɛ yeeri Nyiɛkpɔɔ bitumblɔ, a pe n pe plɛ kre, a e pe penle, mu pe nya na kafinɛ lɛ.

3 Ni chin ni mɛɛ kre ndra na, e frɔ tɛɛ mu kala nya tataara, nde e n pra tun.

4 La, ni kee ta e na mbe yo. E n ni kori na jle kre yi.

5 Kena e lawee ŋga nu e yire mu to kre sɔɔnri, e e jawala chinɛ, e na e kepele jle yire pini. Na kre ma, mbe ndru mbe paan e kania taa yira kre bali ki titɛɛ.

6 La, kee ŋga na ni e kaan mɛɛ yi na, e Nicolaitan kepele yire je, imi na ni yi je kre.

7 Kena ŋmba uu ndie ni, u kee ŋga Kpra Ŋumu wre yuu sumifɛɛnlɛ pre pan kre loo. Mblɛ pie wi mbe yili kre, pre mbe ti mbe pe ŋmaa tiŋge ŋga kii wa Nyiɛkpɔɔ Paradise lawee nu kre sɛŋgɛ li.’”

9 Ni e kanyana, na e shian kro chin, a nde Nyiɛkpɔɔ haa, e ta. Ni mblɛ pe peyɛ yeeri Judae, a pe n pe Judae pre chin. Mu sisam kee nyjɛ pe yuu na taari e na yire kro chin. Pe kro, Sutna wre kotɔmblɔ lɛ.

10 Kena kanyana ŋga e paan mbe nya kpan, yaa ki fiɛ. E ti ni yo e pan mbe loo, Sutna wre we ti pe e plɛ yii mbe le nyuŋgo mbe e pe mbe le, mbe e kala nya ble kɛ. E yire gbiŋmbi kpra ni, hali na kumu nu yi. Na ki pan ma, mbe e ŋga blenyini ŋmaa, mbe ki pe e fɔtɔɔrɔ.

11 Ŋmba uu ndie ni kre, e ti mbe u ndie tɛɛ mbe kala ŋga Kpra Ŋumu wre yuu sumifɛɛnlɛ pre pan kre loo. Mblɛ pie wi mbe yili pre wa kumu shiinwo kre ku.’”

13 Ni e tnihɛɛ chin. Mna Sutna ŋujɔɔn nyi kre, bawa e ni mɛɛ yii kɛ shiin, a e n laa ni shɔnlie kro, hali nyjila ŋga ni pra ni kpra dansiɛlifun Antipas wɔ e nu mu gbo Sutna tnihaa wa kre, na ee wa mu ni shɔnli.

14 La, kee chiɛrii wa e na mbe ni taa yo. Plɛɛ wa e nu mu taa Balaam nyinaa yire na, imi na wra Balak nyina kooloe nyjɛ na we yire, mbe ti Israel leele pre sisaa pe. Wra tia praa sɛɛn kaara kaa, na tiɛri.

15 Pan chɔɔ plɛɛ wa e nu mu taa Nicolaitan pre nyinaa yire kro.

16 Kena e e jawala chinɛ, e laa e sisam yire kro, na kre ma, mbe pan fuŋgaami na brɔfiɛn yiɛshiin ŋga ki yilii ni nyuu kre ni, mbe paan ŋunɔ wi na e ni.

17 Ŋmba uu ndie ni kre, u kee ŋga Ŋumu wre yuu sumifɛɛnlɛ pre pan kre loo. Ŋmba we wi mbe yili kpan, mbe u ŋga Nyiɛkpɔɔ ndrandra sro ŋga pe yeeri manna kre ka mbe u li. Mbe ndruu u yeeri mɛɛ fɔŋgɔ na, mbe ki nyunɔ dnɛ fiŋge prupru na mbe u ŋga, a ndro n wa mbe mɛɛ kre chin, fɔna ŋmba kɛɛ dnɛ kre we to wre bɔkɔ.’”

19 Ni e tnumu kro chin, mu e koroo, na e shɔnlie, na e sumiɛ, na e frɔ yire kro chin. Ni chin na e ka pini mu wɛ e jle kre na.

20 Hali yire kee nyjɛ krɛrɛ kɔkro ni, ni kee ta mbe yo e na. E chlɔ ŋmba pe yeeri Jezebel wre ŋga kolo, a u uyɛ pe na mi Nyiɛkpɔɔ kee nyanyofun wi, a u yire kee nyjɛ u pe nyina yire na mu ni sumifɛɛnlɛ pre wa mu fun, mu tia pra tiɛri, na sɛɛn kaara kaa.

21 Ni u ŋga nyjila mbe u tɛɛ mbe u jawala chinɛ, la, u n na chaa mbe laa u tiɛrɛɛ kre kro.

22 E le, mbe ti u yaa mbe sni dɛŋglɛ na, a mblɛ pe tiɛri u na pre, mbe ti pe kala nya titi, fɔna pe pe jawala chinɛ mu laa nyjɛ pe pini yire na.

23 Mbe u biile gbo peii, mbe ki ti sumifɛɛnlɛ pre kro chin na mi ni lewo lam kee kro chin. A mbe ndro kro kee ŋga u pe le, mbe u ŋga ki fɔtɔɔrɔ.

24 Kena yire Thyatira leele hamblɛ mblɛ e n taa u kee yire na, yire sisam kooloe nyjɛ plɛ yeeri “Sutna ndrandra kolo” yire kro kre, ni yuu e pan na, mba e le keshian kpɔɔ ka nu na.

25 Ŋga shian kro yi na ee ŋga e ta kre yii kɛ shiin mbe sɛ su na mbe pan.

26-28 Kena ŋmba we wi mbe yili, mbraa ŋga ni chaa pini, mbe sɛ su na mbe pan kre, mbe u ŋga jaŋga ŋga ndaa ta mna yili ni Lɛ pan kre.

29 Kena ŋmba uu ndie ni kre, u kee ŋga Kpra Ŋumu wre yuu na sumifɛɛnlɛ pre nyina kre loo.’”