Nyiɛkpɔɔ Ŋga Mɛɛ
150
E o Tafun Nyiɛkpɔɔ wre ŋga mɛɛ.E u ŋga mɛɛ u Suminyuŋgo wa.
E u ŋga mɛɛ u jaŋga ŋga
ni u nyi nyjeeri kre na.
2 E u ŋga mɛɛ kekpɔɛ
nyjɛ u pe yire na,
e u kpɔɔmu ŋga ki wɛ yira kro na
kre le e u ŋga mɛɛ.
3 E bnɔɛ tɛɛ e u ŋga mɛɛ,
e juru gbun e u ŋga mɛɛ,
e saŋgo fɔ e u ŋga mɛɛ na ki ni.
4 E binyi na yɔɔrɔ tɛɛ e u ŋga mɛɛ,
e bnɔɛ nyininyini kro tɛɛ
e u ŋga mɛɛ.
5 E yambrawa bɛɛlɛ,
na badɛnyi titi tɛɛ,
e u ŋga mɛɛ.
6 E ti mbe yira ŋga ki ŋuni kro
o Tafun Nyiɛkpɔɔ wre ŋga mɛɛ,
e u ŋga mɛɛ imi na ki fna.