Nyu Nunu Pee
133
Le imi na ki nyu mu tna,na nyjɔɔlɔ na chinlɛ we
chaa mbe tni nyu nunu ni.
2 Pan ki nyi na simi ndrɔ shelee,
ŋga pra kna mu wo
Aaron ndra lalaa,
a kra fo mu tii u nyutanyooro nu,
hali mna fo mu le u dodoŋgi yulɔ nu,
a kra nyina na srawɔfun wi.
3 Pan ki nyi na Hermon nyua,
sugbeŋge ŋga ki woni yi,
mbe sɛ wo Zion nyua na kre yi.
Jerusalem na o Tafun Nyiɛkpɔɔ
wre yo, u dwamu ki tni,
mbe pe ŋmaa nyjila kro nu,
mbe u leele ŋga.