Imi Lewo Nyiɛtali Mbe Nyiɛkpɔɔ Ya U Na
120
Ndaa nyɛni mu o Tafun wre yeeri,ni kanyana nyjila,
a wra shɔ ni pan.
2 O Tafun Nyiɛkpɔɔ,
ni nyiɛ shɔ kafinɛfɛɛnlɛ
na leele fanafɛɛnlɛ pre kɛɛ.
3 Yire kafinɛfɛɛnlɛ,
kee ŋgi Nyiɛkpɔɔ we e pe hin?
Ndee fɔtɔɔrɔ ŋgi sembremu
ki fna e ta hin?
4 Imi we e ndie tini yi kre,
pan kie pe na snimi
nyjɛ nyu yi tna ni u e suulo,
mbe kanhun muŋgo na e sroi.
5 Pan e nyi na Meshech
na Kedar leele lɛ,
e chaara n tna.
Ni atɛ na ni tni mu chaa e nu.
6 Leele mblɛ pe n na
wejinyiŋge chaa,
a mi na pre tni mu mu.
7 Mi rɛ, wejinyiŋge kee ni ni nyaari,
a na ni paara, ŋunɔ kee pe yuu.