Leele Mblɛ Pra Yili Babylon//Na Mu Pan Jerusalem Na
9
Israel leele pre kro, pra pe mɛɛ nyunɔ sele sele mna le pe ŋulo fakee hlɛ nu mu tɛɛ. Pra Judah leele yii mna sɛ Babylon tra nu pe sisam nyjɛ pra pe mu o Tafun Nyiɛkpɔɔ wre taan kre ndra na. 2 Pe mblɛ pra yiɛ klu mna ndru mu pan mu tni pe chiɛ na na pe, Israel leele pre plɛ, na sɔfue, na Levi leele, na Suminyuŋgo tnumu tunfɛɛnlɛ pre.3 Leele mblɛ pra yiri Judah, na Benjamin, na Ephraim, na Manasseh jlom yire na mna ndru mu pan mu tni Jerusalem na pre na lɛ, 4 Ammihud biblɔ Uthai, Omri nana na wi, a u tolɛɛlɛ na lɛ Imri, na Bani. A pe kro na pe Judah biblɔ Perez wre nɔɔ leele. 5 Mblɛ pra yiri Shiloh nɔɔ leele nu na lɛ u bijlo Asaiah, na wre bibilɛ, 6 na Zerah biblɔ Jeuel. Kena Judah nɔɔ leele pre naa lafɛɛ kɔɔnanu na fuloe jijirɛ na kɛ.
7-9 A Benjamin kɛ leele mblɛ pra pe jlom loplombo mna ndru mu pan mu tni Jerusalem na pre naa lafɛɛ kɔɔnanyjirɛ na fuloe shiin na kɛmbɔkɔɔnanu. Pe plɛ na lɛ Meshullam biblɔ Sallu, ŋmba tolɛɛlɛ na lɛ Hodaviah, na Hassenuah, na Jeroham biblɔ Ibneiah, na Uzzi biblɔ Elah ŋmba tolɛɛ na wi Micri wre. Na Shephatiah biblɔ Meshullam ŋmba tolɛɛlɛ na lɛ Reuel, na Ibnijah wre.
Srawɔfɛɛnlɛ Mblɛ Pra Tni Jerusalem Na
10 A srawɔfɛɛnlɛ mblɛ pra ndru mu pan mu tni Jerusalem na pre na lɛ, Jedaiah, na Jehoiarib, na Jakin, 11 na Hilkiah biblɔ Azariah, ŋmba tolɛɛlɛ na lɛ Meshullam, na Zadok, na Meraioth, na Ahitub ŋmba wra pe Nyiɛkpɔɔ katoo kre lefun wre, 12 na Jeroham biblɔ Adaiah, ŋmba tolɛɛlɛ na lɛ Pashhur, na Malkijah, na Maasai, na Adiel, na Jahzerah, na Meshullam, na Meshillemith, na Immer kre.
13 Kena srawɔfɛɛnlɛ mblɛ pra pe jlom loplombo pre naa kagbeŋge nunu na lafɛɛ kɔɔnashin na fuloe taarɛ. Pra pe tnumu chin, mnaa tnumu tuni Nyiɛkpɔɔ katoo wa.
14 A Levi leele mblɛ pra ndru mu pan mu tni Jerusalem na pre na lɛ Hasshub biblɔ Shemaiah ŋmba wra yiri Merari jlom na kre, u tolɛɛlɛ na lɛ Azrikam, na Hashabiah. 15 Levi leele pre wa na wi Bakbakkar, a wa na wi Heresh, a wa na wi Galal, a wa na wi Mica biblɔ Mattaniah, a u tolɛɛlɛ na lɛ Zicri, na Asaph. 16 Pe wa na wi Shemaiah biblɔ Obadiah, ŋmba tolɛɛlɛ na lɛ Galal, na Jeduthun. A pe wa na wi Asa biblɔ Berekiah, a u tolɛɛ na wi Elkanah ŋmba wra tni seechiɛ nyjɛ yira mbra Netophah leele na kre.
Jlonwee Shiefɛɛnlɛ Mblɛ Pra//Ndru Mu Pan Jerusalem Na
17 Suminyuŋgo kre Jlonwee nyu shiefɛɛnlɛ pre na lɛ Shallum, na Akkub, na Talmon, na Ahiman, na pe kɛ leele, a pe lopom na wi Shallum. 18 A pra pe tɛɛ Ŋunu jlonwee nyu ŋga ki shie yila finhaa kre na. Fa kre na pre pe Levi leele pre tni haa wa jlonwee kre sri.
19 Kore biblɔ na wi Shallum, a u tolɛɛlɛ na lɛ Ebiasaph, na Korah. Wre na Korah jlom leele pre hamblɛ praa Suminyuŋgo kre jlonwee sri, imi na pe tolɛɛlɛ naa o Tafun Nyiɛkpɔɔ tni haa kre jlonwee sri kre. 20 Jle kre na blɔ ŋmba pe yeeri Eleazar biblɔ Phinehas wre wi jlonwee nyu shiefɛɛnlɛ pre lopom, a o Tafun Nyiɛkpɔɔ naa wa u kro.
21 A Meshelemiah biblɔ Zechariah wre na chaa Suminyuŋgo jlonwee shiefɛɛnlɛ pre nu.
22 Jlonwee nyu shiefɛɛnlɛ mblɛ pra wɔ kre naa leele lafɛɛ shiin na kɛmbɔshiin, a pra pe mɛɛ nyunɔ pe chiɛ nyjɛ na pra nyi mu tni kre na. Ŋunu David, na Nyiɛkpɔɔ keenyanyofun Samuel pra kre tnumu ŋga le pe tolɛɛlɛ pre kɛɛ. 23 Kena pre na pe nanae tnumu na yi na pie na Suminyuŋgo kre jlonwee nyu sri.
24 Jlonwee naa wa Suminyuŋgo kre kokoe jijirɛ yire kro na. Ka naa wa na shie yilafinhaa, a ka naa wa na shie yilatohaa, na nyjeerihaa, na tapanhaa, a shiefɛɛnlɛ naa yire yi na kro. 25 Kena pe wolo mblɛ praa wa seechiɛ na kre naa paan na pe shio kranu kranu nyu na. 26 La, jlonwee shiefɛɛnlɛ loplombo jijirɛ mblɛ pra pe Levi leele pre rɛ, pre kɛɛ nyinyi, na yirɛ nyjɛ kee ki sheli Nyiɛkpɔɔ nyuŋgo wa yire na nyi. 27 Na ble wɔ pie yire mbe Nyiɛkpɔɔ katoo kre fɛ mbe kun, ŋgi na hin? Pre praa ki sri, a pre kɛɛ safwa na nyi, na nyiŋge se bnimi mbe pe krɔɛ yire nyaala.
28 Levi leele pre plɛ kɛɛ yirɛ nyjɛ ni praa tnumu tuni Suminyuŋgo wa yire na nyi. Na pe yi wru mbe yili, pie yi tɔɔnri, a na pe paan na yi ni, mbe pe yi tɔɔnri. 29 A pe plɛ kɛɛ yirɛ nyjɛ yiraa wa Suminyuŋgo kre lam, na ki yirɛ bɛɛlɛ nyjɛ yi pe cheche yire na nyi. A plɛ praa mimi, na simi gbɔwo, na olive simi, na tuwe ndiom tɛɛn yire le. 30 La, srawɔfɛɛnlɛ pre praa tuwe ndiom tɛɛn yire chaai. 31 Levi ndro ŋmba pe yeeri Mattithiah, a wra pe Shallum Korah jlom ndro wre bijlo wre wraa paanu nyjɛ ni praa sra woni yire foo.a 32 Pre Levi leele pre mblɛ pra yiri Kohath jlom nu pre plɛ praa Wuuble paanu nyjɛ praa teeri tebru na yire tnumu tuni.
33 Pe mblɛ pra pe jlom loplombo mna pe pe mɛkɔmblɔ pre naa jiin Suminyuŋgo nyinyi yire nu. Ŋga pre naa pini na yi na, pre praa tnumu tuni Suminyuŋgo lawee lafo na blee, ki tia pre nsraa yaka piin na yaa na.
34 Pre mblɛ krɛrɛ Levi jlom kre loplombo na lɛ, a pe kro naa wa mu tni Jerusalem na.
Ŋunu Saul Sele Leele
35 Gibeon lɛ ŋmba praa yeeri Jeiel wre wra Gibeon chia kre pɔ mna tni wa, a u chɔ mɛɛ naa Maacah. 36 U pɔ jlo na wi Abdon, a Zur na taa, a Kish na taa, a Baal na taa, a Ner na taa, a Nadab na taa, 37 a Gedor na taa, a Ahio na taa, a Zechariah na taa, a Mikloth na taa. 38 Mikloth biblɔ na wi Shimeam. Pre naa wa mu tni pe sele leele mbɛɛ na Jerusalem na.
39 Ner biblɔ na wi Kish, a Kish biblɔ na wi Saul, a Saul bibilɛ na lɛ Jonathan, na Malki-Shua, na Abinadab, na Esh-Baal.
40 A Jonathan biblɔ na wi Merib-Baal,b Merib-Baal biblɔ na wi Micah.
41 A Micah bibilɛ na lɛ Pithon, na Melech, na Tahrea, na Ahaz. 42 A Ahaz biblɔ na wi Jadah, a Jadah na yiri mu Alemeth, na Azmaveth, na Zimri se. A Zimri na yiri mu Moza se. 43 Moza biblɔ na wi Binea, a Binea biblɔ na wi Rephaiah, a Rephaiah biblɔ na wi Eleasah, a Eleasah na Azel se.
44 Azel bibilɛ naa kɔɔnanu, pre na lɛ Azrikam, na Bokeru, na Ishmael, na Sheariah, na Obadiah, na Hanan.