3 Etam bibilɛ na lɛ, Jezreel, na Ishma, na Idbash, a pe jaa na wi Hazzelelponi. 4 Penuel wra Gedor se, a Ezer na Hushah se. Pre leele mblɛ na pe, Ephrathah ŋmba na wi Bethlehem chia kre tafun wre bijlo Hur wre nanae.

5 Ashhur, wre wra Tekoa chia kre pɔ, a u chiɛlɛ naa shiin, pre na lɛ, Helah, na Naarah. 6 Naara biile na lɛ, Ahuzzam, na Hepher, na Temeni, na Haahashtari. 7 Helah na bibilɛ jijirɛ se, pre na lɛ, Zereth, na Zohar, na Ethnan, 8 na Koz. Koz wra Anub na Hazzobebah se, pe jlom kre nɔɔ na yili Harum biblɔ Aharhel jlom na.

9 Blɔ wa naa wa a praa u yeeri Jabez, a wra pe ndro ŋmba wraa buuro ni u sele nu mu wɛ u wolo pre na. U lo wra u mɛɛ tɛɛ Jabez. Mɛɛ kre nɔɔ nyina kanyana. Ŋgi na hin? U lo na yo mbo, “Ndaa kala nya mu se haa.” 10 Ki ble ka Jabez na nyɛni mu Israel Nyiɛkpɔɔ wre tali mna yo mbo, “Nyiɛkpɔɔ, jande ni dwan mu ka ya ni tra na, mbe ki kpɔɔ. Kɛ tɔ ni na mbe kanyana kee ka wa ni da.” A Nyiɛkpɔɔ na u nyiɛtalaa kre loo.

11 Shuhah, Kelub chunu wre wra Mehir se, a Mehir na Eshton se. 12 A Eshton na bibilɛ taarɛ se, pe mɛɛ na yi, Beth-Rapha, na Paseah, na Tehinnah. A Tehinnah na Ir-Nahash se. Kre leele mblɛ nɔɔ leele pra tni chia ŋga pe yeeri Racah na kre.

13 Kenaz na bibilɛ shiin se, pre na lɛ, Othniel, na Seraiah. A Othniel na bibilɛ shiin se, pre na lɛ, Hathath, na Meonothai. 14 Meonothai wra Ophrah se. A Seraiah na Joab se, Seraiah wra landɛɛ ŋga nu tɛtɛmblɛ pre na nyi kre pɔ.

15 Jephunneh biblɔ Caleb wre bibilɛ na lɛ, Iru, na Elah, na Naam. A Elah biblɔ na wi Kenaz.

16 Jehallelel na bibilɛ jijirɛ se, pre na lɛ, Ziph, na Ziphah, na Tiria, na Asarel.

17 Ezra bibilɛ na lɛ, Jether, na Mered, na Epher, na Jalon. Mered na Egypt ŋunu bichlɔ Bithiah leŋge, mna bichlɔ na bibilɛ shiin se, chlɔ wre mɛɛ naa Miriam, a bilɛ pre na lɛ Shammai, na Ishbah, pre pra Eshtemoa chia kre pɔ. 18 Mered na chlɔ wa leŋge Judah leele nu mna bibilɛ taarɛ se, pe wa na wi Jered, wre wra Gedor chia kre pɔ, a wa na wi Heber, wre wra Soco chia kre pɔ, a wa na wi Jekuthiel, wre wra Zanoah chia kre pɔ.

19 Hodiah na Naham jaa leŋge, mna Keilah se wra yiri Garm ndro wre jlom na, na Eshtemoa, wre na yiri Maacah ndro wre jlom na.

20 Shimon na bibilɛ jijirɛ se, pre na lɛ, Amnon, na Rinnah, na Ben-Hanan, na Tilon.

Ishi bibilɛ na lɛ Zoheth na Ben-Zoheth. 21 Judah biblɔ Shelah wre bibilɛ pre wa na wi Er, wre wra Lecah chia kre pɔ, a wa na wi Laadah, wre wra Mareshah chia kre pɔ. Leele mblɛ praa wa mu tni Beth-Ashbea na kre, yonyi tinfɛɛnlɛ na lɛ, a pra chaa Shelah nanae pre nu. 22 U nanae pre plɛ na lɛ Jokim, na leele mblɛ praa wa mu tni chia ŋga pe yeeri Cozeba kre na. A plɛ na lɛ Joash, na Saraph, pre bilɛ shiin mblɛ na Moab tra chiɛlɛ wru mu leŋge mna tni Bethlehem mbɛɛ na. Kre kee ŋga yiri pe fakee hlɛ nu. 23 Pre jlom yire leele krɛrɛ faanrifɛɛnlɛ na lɛ, a praa wa mu tni Netaim, na Gederah chiɛ yire na, na tnumu tuni ŋunu wre pan.

24 Simeon bibilɛ naa kunɔ, pre na lɛ Nemuel, na Jamin, na Jarib, na Zerah, na Shaul. 25 Shaul biblɔ na wi Shallum, a u nana na wi Mibsam, a u nana jelijan na wi Mishma. 26 Mishma nɔɔ leele plɛ na lɛ u biblɔ Hammuel, na u nana Zaccur, na u nana jelijan Shimei. 27 Shimei bibilɛ naa kɛmbɔkɔɔnanu, a u bichiɛlɛ naa kɔɔnanu, la, u nyjɔɔlɔ pre nsra se nɛɛrɛ, ki tia pe jlom kre leele nsra nɛɛ na Judah jlom kre leele pre lɛ.

28 Shimei jlon leele pre praa wa mu tni Beersheba, na Moladah, na Hazar-Shual, 29 na Bilhah, na Ezem, na Tolad, 30 na Bethuel, na Hormah, na Ziklag, 31 na Beth-Marcaboth, na Hazar-Susim, na Beth-Biri, na Shaaraim. Yire chiɛ nyjɛ na pra nyi mu tni mna sɛ su na ŋunu David na jɔɔn li. 32 A pe kabɛɛlɛ nyjɛ yira pe fɛ mu kun na yi, Etam, na Ain, na Rimmon, na Token, na Ashan. Yire chiɛ yire naa kunɔ, 33 mna wru mu ya yi seechiɛ nyjɛ yira yi fɛ mu kun yire na, hali mna sɛ su Baalath na. Yire lawee nyjɛ nu pra tni, mna pe kee nyunɔ mu tɛɛ wa.

34 Pe jlom yire loplombo na lɛ Meshobab, na Jamlech, na Joshah, Amaziah biblɔ wre, 35 na Joel, na Joshibiah pɔ Jehu, a u tolɛɛlɛ na lɛ Seraiah, na Asiel. 36 Mblɛ pra ya na lɛ, Elioenai, na Jaakobah, na Jeshohaiah, na Asaiah, na Adiel, na Jesimiel, na Benaiah, 37 na Ziza, Ziza lɛ na wi Shiphi, a u tolɛɛlɛ na lɛ Allon, na Jedaiah, na Shimri, na Shemaiah.

38 Ŋga pe sele yire leele na kɔ mu nɛɛ mu ya kre, 39 leele pre na sɛ landɛɛ ŋga kraa wa na shie yila finhaa kre nu, mbe sɛ kahaa cha pe yurɛ pan, bawa chia ŋga pe yeeri Gedor kre na nyi. 40 Bawa pra yurɛ kahaa chichie nya, gblee nsraa wa wa, a pra nya na yaka wa pe yurɛ tɔɔra wa. A kre tra kre Ham leele pre plɛ pra tni wa fa.

41 La, Judah ŋunu Hezekiah nyjila kre, pre leele mblɛ kee o yo mu tro ŋga na sɛ Ham leele, na Meunite leele pre gbun mu ni, mna pe yonyi nyinyi kro kla, mna tni tra kre nu, ŋgi na hin? Na pie lawee ta wa mbe pe yurɛ na kaa.

42 Nyjila ka nu, Simeon nɔɔ leele pre lafɛɛ kunɔ plɛ na sɛ wi Edom tra nyambie lawee yire leele ni, leele mblɛ pra yiɛklu na lɛ Ishi bibilɛ Pelatiah, na Neariah, na Rephaiah, na Uzziel. 43 Pra Amalek leele hamblɛ mblɛ pra wa wa kre gbo, mna lawee kre wru mu tni mu pan mu su aŋga na.