3 Judah na bibilɛ kunɔ se. Wra bibilɛ taarɛ se u chɔ Bathshua, Canaan chlɔ wre na. Pre na lɛ, Er, na Onan, na Shelah. U biblɔ lopom na wi Er. Wra pe sisam pefun o Tafun Nyiɛkpɔɔ wre yiɛ na, a wra u gbo. 4 Judah na u biblɔ chɔ Tamar wru mna Perez, na Zerah se u na. Kena Judah bibilɛ kro naa kunɔ.

5 Perez na bibilɛ shiin se, pre na lɛ, Hezron, na Hamul. 6 Zerah bibilɛ na lɛ, Zimri, na Ethan, na Heman, na Calcol, na Darda, pre naa bibilɛ kunɔ. 7 Carmi biblɔ na wi Achan. Wre wra yirɛ nyjɛ pra foolo ŋunɔ, a ki fna pra Nyiɛkpɔɔ ŋga yi yi kro kre yɛ wru mu ta, a kra tia Israel leele na kala ta Nyiɛkpɔɔ pan kre. 8 Etham biblɔ na wi Azariah. 9 Hezron bibilɛ na lɛ, Jerahmeel, na Ram, na Caleb.

10 Ram wra Amminadab se, a Amminadab na Nahshon se, wre na wi Judah leele yɛklo. 11 Nahshon wra Salmon se, a Salmon na Boaz se, 12 a Boaz na Obed se, a Obed na Jesse se. 13 Jesse wra Eliab se, a wre na wi u bijlo, u pɔ shiinwo na wi Abinadab, a ŋmba wra taa taarɛ na wi Shimeah, 14 jijirɛwo na wi Nethanel, a kunɔwo na wi Raddai, 15 ŋmba wra taa kɔɔnanu na wi Ozem, a kɔɔnashin wo wre na wi David. 16 Pe jaala na lɛ, Zeruiah, na Abigail. A Zeruiah bibilɛ na lɛ, Abishai, na Joab, na Asahel. 17 Abigail pɔ na wi Amasa, a Amasa lɛ na wi Jether ŋmba wra pe Ishmael ndro kre.

18 Hezron biblɔ na wi Caleb, a Caleb na Azubah leŋge a pra bichlɔ se u mɛɛ naa Jerioth, mna bibilɛ taarɛ se, pre na lɛ, Jesher, na Shobab, na Ardon. 19 Azubah na ku, a Caleb na Ephrath leŋge mna Hur se u na. 20 Hur biblɔ na wi Uri, a Uri biblɔ na wi Bezalel.

21 Ŋga Hezron na li yɛlɛ fuloe taarɛ kre, wra Makir bichlɔ ŋmba wraa wa mu tni Gilead tra nu kre leŋge. Pra biblɔ se mna u mɛɛ tɛɛ Segub. 22 A Segub na biblɔ se mna u mɛɛ tɛɛ Jair, wre wraa chiɛ fulo na taarɛ le Gilead tra nu kre. 23 Nyjila ka naa wa, a Geshur, na Aram waŋgrɛ yire na sɛ wi mu kakpɔɛ fuloe taarɛ shɔ kre tra kre nu. Pra Jair kabɛɛlɛ, na Kenath kakpɔɔ kre na ki kabɛɛlɛ nyjɛ yira ki fɛ mu kun yire shɔ. Pre leele mblɛ krɛrɛ Makir lɛ Gilead wre nɔɔ leele na lɛ. 24 Hezron kumu kɔkro, u pɔ Caleb na u lɛ chɔ Ephrathah leŋge, mna biblɔ se u na mna u mɛɛ tɛɛ Ashhur. Ashhur wra Tekoa chia kre kun.

25 Hezron biblɔ lopom Jerahmeel wre na bibilɛ kunɔ se. Ram, wre na wi pe lopom, na Bunah, na Oren, na Ozem, na Ahijah. 26 Jerahmeel na chlɔ shiinwo leŋge u mɛɛ na yi Atarah, Atarah wra Onam se. 27 Jerahmeel biblɔ lopom Ram wre bibilɛ na lɛ, Maaz, na Jamin, na Eker. 28 Onam na bibilɛ shiin se, pre na lɛ Shammai, na Jada. A Shammai na bibilɛ shiin se, pre na lɛ, Nadab, na Abishur. 29 Abishur na Abihail leŋge a pra bibilɛ shiin se, pre na lɛ, Ahban, na Molid. 30 Nadab na bibilɛ shiin se pre na lɛ, Seled, na Appaim, la, Seled na ku na u n se tun. 31 Appaim na Ishi se, a Ishi na Sheshan se, a Sheshan na Ahlai se.

32 Shammai chunu Jada wre bibilɛ na lɛ Jether, na Jonathan. Jether nsra se mu ku. 33 Jonathan bibilɛ na lɛ, Peleth, na Zaza. Pre leele mblɛ kro, Jerahmeel nɔɔ leele na lɛ.

34 Sheshan nsra bibilɛ se, chiɛlɛ chiin wra se. A wraa wa na tnu blɔ wa ni u mɛɛ naa Jarha, a wra yiri Egypt tra nu, 35 a Sheshan na u bichiɛlɛ pre wa wru mna u ŋga a wra leŋge. Pra biblɔ wa se mna u mɛɛ tɛɛ Attai. 36 Attai biblɔ na wi Nathan, a Nathan na Zabad se, 37 Zabad biblɔ na wi Ephlal, a Ephlal na Obed se, 38 a Obed na Jehu se, a Jehu na Azariah se, 39 a Azariah na Helez se, a Helez na Eleasah se, 40 a Eleasah na Sismai se, a Sismai na Shallum se, 41 a Shallum na Jekamiah se, a Jekamiah na Elishama se.

42 Jerahmeel chunu na wi Caleb, Caleb biblɔ na wi Mesha, a wre na wi u bijlo, a Mesha na Ziph se, a Ziph na Mareshah se, a wre na Hebron se. 43 Hebron bibilɛ na lɛ, Korah, na Tappuah, na Rekem, na Shema. 44 Shema wra Raham se, a Raham na Jorkeam se. A Rekem na Shammai se. 45 Shammai biblɔ na wi Maon, a Maon biblɔ na wi Beth-Zur. 46 Caleb bichrɔ ŋmba praa yeeri Ephah wre na wra Haran, na Moza, na Gazez se. A Haran na yiri mna biblɔ wa se mna u mɛɛ tɛɛ Gazez. 47 Jahdai bibilɛ na lɛ, Regem, na Jotham, na Geshan, na Pelet, na Ephah, na Shaaph. 48 Caleb na bibilɛ se u bichrɔ Maacah wre na, pre na lɛ, Sheber, na Tirhanah. 49 Maacah na kɔ mna bibilɛ shiin plɛ se, pe wa na wi Shaaph. Wre wra chia ŋga pe yeeri Madmannah kre pɔ, haŋu wre na wi Sheva, wre na chiɛ shiin yɛ pɔ yi mɛɛ naa Machbenah, na Gibea. Caleb na bichlɔ wa se u mɛɛ naa Acsah.

50 Caleb nɔɔ leele pre plɛ na lɛ kre, Hur na wi Caleb pɔ lopom, a wra u se u chɔ Ephrathah na. Hur biblɔ ŋmba praa yeeri Shobal kre wra Kiriath-Jearim chia kre pɔ, 51 a u pɔ shiinwo Salma na Bethlehem chia kre pɔ. U biblɔ taarɛwo wre mɛɛ naa Hareph, wre wra Beth-Gader chia kre pɔ.

52 Shobal wra Kiriath-Jearim chia kre pɔ, a wre na wi Haroeh leele pre tolɛɛ, leele mblɛ praa wa Manahath leele na pre yɔɔ na lɛ, 53 pre na jlom nyjɛ yiraa wa mu tni Kiriath-Jearim na kre. Yire jlom yire na yi, Ithri jlom na Put jlom, na Shumathite lɛɛlɛ jlom, na Mishraite jlom, na Zorathite leele, na Eshtaol leele.

54 Salma ŋmba wra Bethlehem pɔ wre nɔɔ wolo na lɛ Netophah leele mblɛ praa wa chia ŋga praa yeeri Atroth-Beth-Joab kre na. A pe plɛ naa wa Zori leele nu. A pra chaa Manahath jlom shiin yire nu. 55 Salma na wi jlom nyjɛ yiraa wa Jabez na kre tolɛɛ, a pre praa kalalindoe, na abani kaalɛɛ nyunɔi na teeri. Yire jlom yire na yi, Tirath na Shimeath, na Sucathite jlom. Yire jlom nyjɛ krɛrɛ Hammath ŋmba wra pe Kenite ndro wre nɔɔ leele na lɛ, a wre chɔɔ na wi Recab leele tolɛɛ.