Yet isyeni isbꞌa Komam Jesús tet hujwanh ebꞌyaꞌ iskuywom
21
Lahwi tuꞌ xin,
isyenipaxokanh isbꞌa Komam Jesús hunelxa tet ebꞌyaꞌ iskuywom yet ay ebꞌyaꞌ istiꞌ haꞌ lago Tiberias.
Hak tiꞌ xin yu isyeni isbꞌa Komam tet ebꞌyaꞌ.
2 Istiꞌ haꞌ lago tuꞌ ayayo yaꞌ Simón Pedro,
yebꞌ yaꞌ Tomás,
yaꞌ chihal-lax tioxh uninal,
yebꞌ xin yaꞌ Natanael ah Caná ay yul ismajul Galilea,
yebꞌ xin kawanh ebꞌyaꞌ iskꞌahol icham Zebedeo,
yebꞌpaxo xin kawanhxa ebꞌyaꞌ iskuywom Komam.
Jesús en el mar de Galilea (Juan 21.1-25)
—Chintohan tzabꞌo kay,
xhi yaꞌ.
Yalnipaxo hunteqꞌanxa ebꞌyaꞌ tuꞌ:
—Chonhtohanh tawintaj,
xhi ebꞌyaꞌ.
Hak tuꞌ xin yu isto ebꞌyaꞌ.
Yokto ebꞌyaꞌ yul huneꞌ teꞌ barco,
yajaꞌ xin maxhtikꞌa hunu noꞌ kay istzabꞌ ebꞌyaꞌ yinh huneꞌ aqꞌbꞌal tuꞌ.
4 Yet lanhanxa issajbꞌilo xin,
linhanxakanh Komam Jesús istiꞌ haꞌ.
Wal ebꞌyaꞌ iskuywom Komam tuꞌ,
kaw maxhtikꞌa txumchalo Komam yu ebꞌyaꞌ.
5 Yalni Komam:
—¡Weꞌach!
¿Tom kaw maxhto noꞌ chiꞌahti heyu?
xhi Komam.
Istaqꞌwi ebꞌyaꞌ:
—Kaw machi noꞌ,
xhi ebꞌyaꞌ.
6 Yalni Komam tet ebꞌyaꞌ:
—Aweyto hehakꞌ yinh hewatxꞌqꞌabꞌ,
haxinwal cheyiqꞌ noꞌ,
xhi Komam.
Hak tuꞌ xin yu yanayto ebꞌyaꞌ ishakꞌ tuꞌ xol haꞌ hunelxa,
haxa yet yinahti ebꞌyaꞌ txꞌanh xin,
kaw matxa chiqꞌoji ebꞌyaꞌ yinahti txꞌanh yu yalil noꞌ nohayto yul txꞌanh.
7 Haꞌ xin yaꞌ iskuywom Komam kaw xahan ay yu,
yal yaꞌ tet yaꞌ Simón Pedro:
—¡Haꞌ Komam huneꞌ tiꞌ!
xhi yaꞌ.
Yabꞌenhe yaꞌ Pedro tato haꞌ Komam huneꞌ tuꞌ,
yaniko yaꞌ xil isqꞌap,
yuto yulnhe qꞌap ayko yinh yaꞌ.
Kaw xin yinh anhe isbꞌejtzoto isbꞌa yaꞌ xol haꞌ,
isto yaꞌ yilno Komam.
8 Yuxin haxa hunteqꞌanxa ebꞌyaꞌ initi teꞌ barco istiꞌ haꞌ lago tuꞌ.
Hatxbꞌil xin txꞌanh hakꞌ tuꞌ yu ebꞌyaꞌ,
nohna txꞌanh yu noꞌ kay tuꞌ.
Kanhebꞌnhem xin txꞌanhil yehikꞌto teꞌ yinh istiꞌ haꞌ tuꞌ.
9 Yet yapni ebꞌyaꞌ istiꞌ haꞌ tuꞌ xin,
yilni ebꞌyaꞌ huneꞌ qꞌa qꞌaꞌ,
bꞌatxanayo huneꞌ noꞌ kay yibꞌanh tzaqꞌaqꞌ.
Aypaxayo ixim pan iskꞌatanh.
10 Yalni Komam tet ebꞌyaꞌ:
—Iweti haykꞌonho noꞌ kay maxeyiqꞌ tuꞌ,
xhi Komam.
11 Hak tuꞌ xin yu yahto yaꞌ Pedro yul teꞌ barco,
ispuhnilo yaꞌ txꞌanh,
ishatxnilo yaꞌ txꞌanh istiꞌ haꞌ.
Waxanhka kaw nohna txꞌanh yu noꞌ kay tuꞌ,
yaj kaw maxhtikꞌa linhmoto txꞌanh;
kaw xin 153 noꞌ yiqꞌ ebꞌyaꞌ yinh sunil.
12 Lahwi tuꞌ xin,
yalni Komam tet ebꞌyaꞌ:
—Katawej,
waꞌanhwej,
xhi Komam.
Kaw xin machi hunu ebꞌyaꞌ qꞌambꞌen mak anmahil Komam,
yuto kaw yohta ebꞌyaꞌ tato haꞌ Komam Jesús.
13 Lahwi tuꞌ xin,
isto Komam yinokanh ixim pan,
yaqꞌni Komam ixim tet ebꞌyaꞌ.
Haktikꞌa tuꞌ yutepaxo Komam yinh noꞌ kay.
14 Haꞌ yinh hunel tuꞌ xin,
tzꞌajna yoxel isyeni isbꞌa Komam tet ebꞌyaꞌ iskuywom yet xaꞌitzitzbꞌikanh Komam xol kamom.
Yet istzotel Komam Jesús yebꞌ yaꞌ Pedro
15 Lahwi iswaꞌ ebꞌyaꞌ xin,
yalni Komam Jesús tet yaꞌ Simón Pedro:
—Simón,
iskꞌahol yaꞌ Jonás,
¿kaw xahanmi ayinan hawu sata ebꞌyaꞌ tiꞌ?
xhi Komam.
Istaqꞌwi yaꞌ Pedro:
—Hoꞌ Mamin,
kaw hawohtaj tato xahan ayach wuhan,
xhi yaꞌ tet Komam.
—Ta hak tuꞌ chal tuꞌ,
hakaꞌ chute hunu naj tanhem meꞌ islohtzen noꞌ nixhte yunin,
hak tuꞌ chawute hakuyni makta chiyako isbꞌa yul inqꞌabꞌan,
xhi Komam tet yaꞌ.
16 Lahwi tuꞌ xin,
yalni Komam yinh iskayel:
—Simón,
iskꞌahol yaꞌ Jonás,
¿kaw xahanmi ayinan hawu?
xhipaxo Komam tet yaꞌ.
—Hoꞌ Mamin,
kaw hawohtaj tato kaw xahan ayach wuhan,
xhipaxo yaꞌ Pedro tuꞌ.
Yalni Komam tet yaꞌ xin:
—Ta hak tuꞌ chal tuꞌ,
hakaꞌ chiyute istanhen hunu naj tanhem meꞌ ismeꞌ,
hak tuꞌ chawute hawilni anma chiyako isbꞌa yul inqꞌabꞌan,
xhi Komam tet yaꞌ.
17 Yalnipaxo Komam yet yoxel:
—Simón,
iskꞌahol yaꞌ Jonás,
¿kaw yelmi xahan ayinan hawu?
xhi Komam tet yaꞌ.
Hak tuꞌ xin yu yok bꞌiskꞌulal yinh iskꞌul yaꞌ Pedro yuto yetxa yoxel isqꞌambꞌen Komam tet yaꞌ tato yeli xahan ay Komam yu yaꞌ.
Yuxinto yal yaꞌ:
—Mamin,
wal hach hach tiꞌ,
kaw sunil tzet hawohtaj,
kaw xin hawohtaj tato kaw yeli xahan ayach wuhan,
xhi yaꞌ.
Istaqꞌwi Komam:
—Ta hak tuꞌ chal tuꞌ,
kaw hakaꞌ chiyute hunu naj tanhem meꞌ islohtzen noꞌ nixhte yunin,
hak tuꞌ chawute hakuyni makta chako isbꞌa yul inqꞌabꞌan.
18 Yinh kaw isyelal chiwalan tawet,
yet kaw tzeh hachto,
kaw hawatxꞌeko iskꞌalil hawiktaj,
hakawxenkanh habꞌa,
hasaynito habꞌa bꞌaytikꞌa chal hakꞌul.
Wal yet chaxhichambꞌi xin,
toxanhe chatoholbꞌanhelto haqꞌabꞌ,
nanxa mak xin chikꞌalni hawiktaj,
kat hawilaxto bꞌay machisjeto hakꞌul,
xhi Komam tet yaꞌ.
19 Yal Komam hakaꞌ tuꞌ tet yaꞌ Pedro,
yunhe yohtanhenilo yaꞌ yinh tzet chiyu iskami,
kat xin isyenilo isbꞌa yip Komam Dios yinh iskamikal yaꞌ Pedro tuꞌ.
Lahwi tuꞌ xin yalni Komam:
—Okanh tzujno wintajan,
xhi Komam tet yaꞌ.
Huneꞌ yaꞌ iskuywom Komam Jesús kaw xahan ay yu
20 Lahwi tuꞌ xin,
istꞌanhxiti yaꞌ Pedro yintaj,
yilni yaꞌ tato tzujanpaxo yaꞌ iskuywom Komam kaw xahan ay yu,
yaꞌ tzꞌonhan iskawilal Komam yet iswaꞌ yebꞌ iskuywom,
yaꞌ qꞌambꞌen tet Komam hakaꞌ tiꞌ:
«Mamin,
¿mak chaxhaniko yul isqꞌabꞌ kamikal?»
xhi.
21 Yet yilni yaꞌ Pedro tato tzujan yaꞌ xin,
isqꞌambꞌen yaꞌ tuꞌ tet Komam Jesús:
—Mamin,
¿haxaka yaꞌ tzujan jinta tiꞌ,
tzet chiyubꞌ iskamopaxo yaꞌ?
xhi yaꞌ tet Komam.
22 Istaqꞌwi Komam:
—Tato chiwochehan aytonhetikꞌakꞌo yaꞌ yet chinhulan hunelxa,
wal xin machi hawok yinh.
Hach kachannhe chaxhok tzujno wintajan,
xhi Komam tet yaꞌ Pedro tuꞌ.
23 Hak tuꞌ xin yu yelto isqꞌumal xol ebꞌyaꞌ ayxako yul isqꞌabꞌ Komam tato mach chikam huneꞌ yaꞌ iskuywom Komam tuꞌ,
yaj mach yal Komam tato mach chikam yaꞌ,
wal xin yal Komam:
«Tato chiwochehan aytonhetikꞌakꞌo yaꞌ tiꞌ yet chinhulan,
kaw machi hawok yinh,»
xhi Komam.
24 Huneꞌ yaꞌ iskuywom Komam tiꞌ,
haꞌ yaꞌ kaw chihalni sunil hunteqꞌan tiꞌ,
haꞌ xin tzꞌibꞌnhenkanoj.
Yuxinto kaw johtaj tato kaw yel tzet tzꞌibꞌnhebꞌilkano tiꞌ.
25 Kaw hantanheto tzet iswatxꞌe Komam Jesús tuꞌ.
Qꞌinalo tato kaw hununtajil leyuistzꞌibꞌnhelaxkanoj,
kaw machim chiyabꞌe huneꞌ yul sat yibꞌanhqꞌinal tiꞌ yu teꞌ hum tato tzꞌibꞌnhelaxi.
¡Hakojabꞌ tuꞌ!