<<    <     Salmo     133     >    >> 
Kaw kꞌulchꞌan koxahannhen kobꞌa
Salmo tiꞌ tzꞌibꞌnhebꞌilkano yu yaꞌ rey David, bꞌit chako anma Israel yet chiꞌahto bꞌey Jerusalén
133
¡Ilwekꞌanabꞌi, kaw kꞌul yebꞌ tzet saqꞌal yet chiskutxbꞌan isbꞌa ebꞌnaj juxhtaj yebꞌ ebꞌix janabꞌ,
hunxanhe xin chiyute isnabꞌal!
2 Kaw saqꞌal hakaꞌ isxuqꞌal sam anh chiꞌahto yinh iswiꞌ yaꞌ sacerdote Aarón,
kat yayilo yinh xil istiꞌ yaꞌ yebꞌ yinh istiꞌ xil isqꞌap yaꞌ.
3 Yebꞌ xin lahan hakaꞌ yal chew chꞌay bꞌey witz Hermón yebꞌ wonhan Sión.
Hayet chiskutxbꞌan isbꞌa tuꞌ, chati Komam isyaxilal,
kat yaqꞌni Komam qꞌinale mach istanhbꞌal.
© 2016, Wycliffe Bible Translators, Inc., Orlando, FL 35862-8200 USA; (www.Wycliffe.org): Audio: ℗ 2001, Hosanna: Bible.is — Visite a www.ScriptureEarth.org/jac para materiales en Poptiꞌ Oriental (Jacalteco).