4 Éde fe me ngá yén bitɔɔ́ bidzwée,

ané ébá bé ngá tɔbɔ byɔ été,

bé vé bɔ́ ná bé kík misaŋ.

Véa éñe me ngá yén misísim míye ébá bé ngá tɔbɔ nkíkgán míló ákála é ngañiá Yesus ya éñí éfíá Nzamá;

ébá béte bé ngá bɔ kaa kaŋ ebibiñ tsít,

ngé ki éyemá deñ,

bé ngá bɔ fe kaa ñɔŋ é ndem deñ á mesú meba,

ngé ki é wéá weba.

Éde bé ngá búlán éniŋ,

bé ŋga dzwée fe bábe Yesus táŋ enzuk míbú.

5 (Béwú bevɔ́ɔ́ béé ndzí bera búlán éniŋ akekwíñ ané enzuk míbú dá dzálában.)

Áwómó míwúán ósúá édɔ dí.

6 Mvɔmm ya eki ébe éñí a belé ngap ébe áwómó míwúán ósúá;

ya ébá béte,

áwú beáñ dĕé belé edzwée ébe bɔ́;

fáve ná bé ne béfára Nzamá ya ébá Kristo,

bá bá ye fe dzwée bábe bɔ́ táŋ enzuk míbú.

7 Niané enzuk míbú é dzálában yaá,

bá ye vé Sátan filí ébe étɔɔ́ mbok deñ,

8 véa,

aa ye kwíñ ná aa ke duk meyɔŋ mé bot,

ébe sí mifá mí nii;

ébe Gok ya Magok;

ná á kóán bɔ́ á mfá melúmán.

É nɔmɔ weba a ne amvála ané nséléga ye ó máŋ.

9 Éde bé ngá bét é vóm sí é ne ndam,

ané bé ngá boman é kpatéle mifúfúp mí bot ya fe ndzindziŋŋ kísoan.

Ve déá,

ndúán da e ngá sɔ́ á dzóp été e mana bɔ́ dzéá.

10 Éde é Déble a ngá bɔ eé duk bɔ́ bé ngá wea ñí átwaá ndúán ya efit été,

é vóm ebibiñ tsít bá nnéneá nkúlu medzó bé ne;

bá ye dzuk ya endáglé alú ya mos ébe kɔ́mm ya kɔ́mm.

11 Ané me ngá yén mora mfúm etɔɔ́ edzwée,

véa éñe éñí á mbé a tɔɔ́ dɔ été;

sí ya dzóp bí ngá túp ébe ású deñ,

ébyɔ kaa fe bera ábelé afóo.

12 Éde me ngá yén bewú,

bora bé bot ya abobot,

bé téle ású etɔɔ́ édzwée.

Véa éñe mebá mé ngá kúuban;

ané abá afé dá é ngá kúuban fe:

édɔ é ne abá ye éniŋ.

Éde bé ngá kík bewú misaŋ ya édí é mbé ntsilann á meba été,

ámvála mibɔann myeba mí mbé.

13 Ané máŋ mé ngá kee béwú bé mbé ébe éñe;

éde Awú bá Sí békónn bá bé ngá kee fe béwú bé mbé ébe ébɔ́.

Véa,

bé ŋga kík kada mot misaŋ amvála ané míbɔann myeñ mí mbé.

14 Éde Awú bá Sí békónn bé ngá wea bɔ́ átwaá ndúán été.

Édí te édɔ é ne áwú beáñ;

átwaá ndúán été.

15 Véa,

éñí áse bé ngá bɔ kaa koan ya ñí ntsilann ábá eniŋ,

bé wea ñí átwaá ndúán été.