Ébe ébá bé ne ya ekígá,

mindzindziŋŋ ákála Tará Nzamá,

bé tɔɔ́ mbaalann ébe Yesukristo:

2 Nyénánn engóngɔ́ɔ́,

mvwaá,

ya fe edziŋŋ bíí kɔgle mína.

3 Á mindzindziŋŋ,

me mana yaá vé nguu ése á mfá ye átsili mína ébe ákoroga é ne bía fufúlu.

Ve ma wórán ná ma yian mína tsili,

meé lép mína ná míní yítan ákála mbwínánn bé kee yaá mitɔ́pbán eyɔŋ evɔ́ɔ́.

4 Amú ná bot benziŋ bé ñíi yaá énzénzaŋ denan ásweññ,

ébá béte,

atéé ye ókuá bá tára tɔbɔ ntsilann á mfá akira te;

be kaa ákɔ Nzamá wɔŋŋ béte,

é mvɔmm é Nzamá wea,

bá veŋan dɔ eniŋ túga,

béé tep fe é Mása mbɔ́ɔ́ ya mbɔ́ɔ́ wea,

éñe a ne Ntí Yesukristo.

5 Éde ma kómo mína vé osímánn ná,

afáŋbɔ ná míní ŋga yem yaá dɔ ásesé ná,

niané Ntí a ngá koro bot á sí ye Égipto été,

véa a mana ywíñ é bot béé ndzí bwíni.

6 Ya á mfá é baángel bé ngá bɔ kaa ábaale étɔɔ́ ye ósúá deba,

fáve ná bé ngá lama étɔbɔga deba,

a baale yaá bɔ́ mbéámbéá nkáán ya bekalamekéná,

édwá dzíbi été,

á mfá é mora mos ye á nkíkgán misaŋ.

7 Amvála te fe Sodoma bá Gomora ya békísoan bé mbé bɔ́ á miféŋŋ,

niané bé ngá bɔ nsémm eveák ya akekwíñ ná bé ŋga bee fe bívéé béé ndzí vele ya byɔ mot binam;

bá téle bɔ́ amvála ané efonann ná bé dzuk ya akira ye é ndúán é ne mbéámbéá.

8 Éde amvála te avɔ́ɔ́ ya avɔ́ɔ́,

bot béte béé bee biyéyemm,

bá vé é ñúu deba mvin,

bá tep fe edzwée ése,

béé kɔ́bɔ ya menguu méye á dúmá ya abyann.

9 Ve éyɔŋ Miguel ntébosú baángel a ngá suŋan bá déble béé bɔ mikéá ákála mbim Moisés,

eé ndzí ñí nzomo ákɔ́bɔ bifíá bí nkíkgán misaŋ bíye abyann,

ve a ngá dzó fáve ná,

“Ntí éñe aa vé wa mbámm!”

10 Ve ébá béte,

bá kɔ́bɔ é mam bá dzími ya abyann;

ya émá bá yem ané mot binam,

amvála ané bétsít kaa kén,

mam méte bá tɔbɔ ya mɔ nwúán ntuk.

11 Ngwáa ya ébɔ́!

Amú ná bé bee yaá é nzenn Kaín,

ya fe ákála abúánn,

bé kee yaá é ñúu deba évuzá Balaam,

bé wú yaá fe ébe mbɔann bisó Koré.

12 Bot béte bé ne bembéa métwánn méye á mefét mé edziŋŋ menan été,

éyɔŋ bá dzí mefét mínabe bɔ́ kaa wɔŋŋ;

béé kálá fáve bébyen.

Bé ne mikút mí ne kaa mendzímm bivúŋ byá ke byá ke ya myɔ.

Bé ne bilé bí ne kaa bibumá éyɔŋ byá bí ŋga yian yaá wúm;

bí wú yaá biyɔŋ bí beáñ,

bí mana yaá fe fumu á sí été.

13 Bé ne mikebá mí é máŋ má ñan,

mé ŋga kúlu ávúu é ne ósoán weba bébyen,

atéteñ dá ke dá wulu ó yóp ya ó yóp,

ébá béte bé téle á mfá weba édwá dzíbi é ne mbéámbéá.

14 Ébá béte fe ébɔ́,

Enok mot ye myee bot zaŋgbéá atéé ye nkɔɔ́ bot Adán a ngá kúlu medzó,

eé dzó ná,

16 Bé ne beswa bot,

bá kéá tám áse,

béé wulu fe bívéé byeba été.

Bá kɔ́bɔ bifíá bí elaŋ,

béé kpoo bot mevoó,

á mfá ye ná bé duan ya bɔ́.

17 Ve mína mindzindziŋŋ,

símaŋán bífíá é baapostol Ntí wea Yesukristo bé ngá tára mína kɔ́bɔ;

18 ébɔ́ bé ngá dzó mína ná,

“Ébe métám méye ásúgánn,

bekpógo bot bá ye bɔ,

béé niŋ amvála ané bembéa bívéé bíye á nlém weba bí ne.”

19 Ébá béte ébɔ́ bé ne é bot bá téñ nkánán mengamm,

bot béye é sí ñí,

bé ne kaa Nsísim.

20 Ve mína mindzindziŋŋ,

vémŋán á mbwínánn wenan wá daŋ eki été,

míníí yaglan fe á Mfúfúp Nsísim été.

21 Mína bébyen tɔbɔgán édziŋŋ Nzamá été,

míníí yana nyénánn engóngɔ́ɔ́ Ntí wea,

Yesukristo,

á mfá éniŋ é ne mbéámbéá.

22 Á mfá é bot bá sigbe,

yénŋán bɔ́ engóngɔ́ɔ́.

23 Korogán ébá bevɔ́ɔ́,

míníí dzíga bɔ́ vea á ndúán été.

Éde,

yénŋán ébá bevɔ́ɔ́ engóngɔ́ɔ́ ya ekɔ wɔŋŋ;

míníí víni fe atwaa étóp bé vé yaá mvin.

24 Éde ébe éñí a ne ewólo á mfá ye ábaale mína mína kaa kɔp obaá,

a kéñ fe mína téle kaa meyeŋŋ ébe ású ye é dúmá deñ ya abwiññ mesán,

25 Ébe é Nzamá etámm a ne Nkoro wea,

ákála Yesukristo Ntí wea,

éñe á tɔbɔgé ya dúmá,

ya ewólo,

ya ekán,

ya étɔɔ́ édzwée,

atéé ye ókuá,

éndagá,

ya akekwíñ mbéámbéá.

Amén.