É dzeá Moisés ya Mwann Ntómá
15
Véa éñe me ngá yén ndem fé,
ndén ya eyágán:
baángel zaŋgbéá bé mbé bé belé bíbúúbúu zaŋgbéá byá súgán,
amú ná ébe ébyɔ éñe méyéá Nzamá má tɔbɔ nkɔkgán.
2 Éde fe me ngá yén dzóm amvála ané máŋ mé kristál mfulán ya ndúán;
véa,
ébá bé ngá wún ebibiñ tsít ya éyemá deñ ya fe é nɔmɔ ye éyola deñ,
bá bé téle á máŋ mé kristál áyóp,
bé belé mémvét Nzamá;
3 béé yee fe é dzeá Moisés óloá Nzamá,
ya fe é dzeá Mwann Ntómá,
béé dzó ná,
“Á Ntí,
é Nzamá a ne ya Nguuése,
míbɔann mywe mí ne minén,
ya biyágán;
ménzenn mwe má mé ne fe benzósoó ya bebébélá,
á é Kéza meyɔŋ!
4 Á Ntí!
Nzá aa ye bɔ kaa wa kɔ wɔŋŋ,
ya ávé éyola dwe dúmá?
Fáve wa etámm fá ó ne Mfúfúp.
Ya dzam te édɔ,
meyɔŋ mése má ye sɔ́ mé ŋga kaŋ ébe ású dwe;
bénzósoó mikíkgán misaŋ bwe,
bá bé kwíñ yaá fá éyéá été.”
Mekɔ́p zaŋgbéá
5 Niané mam méte mé ngá lot,
ané me ngá dága,
véa éñe templo (étɔbɔga ye á ngañiá) e ngá yɔ́ŋbe.
6 Éde é baángel zaŋgbéá bé mbé bé belé bibúúbúu bé ngá kwíñ á templo été,
bé baga mifúbánn bitóp byéé bíra feañ,
bé baga fe bekaná bé koŋ mbomann á nkuk.
7 Véa éñe eniŋ ovɔ́ɔ́ ye mitétéá bíniŋ mí nii e ngá kee baángel zaŋgbéá mekɔ́p zaŋgbéá mé tɔɔ́ ndzálánn ya méyéá é Nzamá a ne ntétéá kɔ́mm ya kɔ́mm.
8 Ané Templo e ngá dzéñ ya otsírá ye é dúmá Nzamá ya fe é nguu deñ;
véa mot enziŋ ĕé mbé fe ñíi á Templo été,
akekwíñ ané bíbúúbúu zaŋgbéá baángel zaŋgbéá byá ye mana.