Angel ya mwann abá
10
Éde me ngá yén ngunguú ángel mfé weé sɔ́ á dzóp,
mbomann ya nkút,
ya ntútumm á nló weñ áyóp;
ású deñ dá amvála ané nlódzóp,
mébɔ meñ má ané mekon me ndúán;
2 a mbé a belé é wéá weñ mwann abá á yɔ́ɔ.
Ané a ngá téle ábɔ méyóm deñ á máŋ áyóp,
édí méyéá dá ó sí;
3 á ŋga yónán ya mora kíŋŋ,
amvála ané bemgbemgbem da bóm.
Niané a ngá yónán,
ané bendzáláŋ zaŋgbéá bé ngá vé mídumŋa myeba.
4 Niané bendzáláŋ zaŋgbéá bé ngá vé midumŋa,
me mbé ná ma tsili,
véa éñe me ngá wók kíŋŋ á dzóp été,
deé dzó ná,
“É mam bendzáláŋ zaŋgbéá bé kɔ́bɔ yaá,
belégé mɔ ásweññ,
kaa átsili mɔ.”
5 Éde ángel me ngá yén a téle á máŋ ya fe ó sí,
a ngá belé wéá meyóm á dzóp,
6 á ŋga kan sɔŋ ébe ású éñí a ne ntétéá kɔ́mm ya kɔ́mm,
éñí a ngá vele dzóp ya é byém bíse bí ne été;
sí ya é byém bíse bí ne été;
máŋ ya ébe é byém bíse bí ne été;
eé dzó ná,
“Tám dăá ye fe bera bɔ!
7 Ve fáve ná,
á melú méye é kíŋŋ ángel zaŋgbéá,
éyɔŋ aa ye bɔ ná á nkún lɔ́ŋ tɔ́ŋ,
véa éñe é dzam Nzamá dá nzaman kén mot dá ye tɔbɔ ndzálánn,
ámvála a ngá kɔ́bɔ dɔ bekúlu medzó,
áloá deñ.”
8 Éde é kíŋŋ me ngá tára wók,
é ŋga bera kɔ́bɔ ya ma,
deé dzó ná,
“Kéŋ ñɔŋ abá é yɔ́ɔ é wéá ángel a téle ó máŋ ya ó sí.”
9 Ané me ngá ke ébe ángel,
véa me dzó ñí ná á kee ma mwann abá,
éde ñí ngá dzó ma ná,
“Ñɔŋŋe,
minŋe fe dɔ,
véa dá ye wa bɔ eñan ábum,
ve da ye wa bɔ anzek ánu ané ywíñ.”
10 Ané me ngá ñɔŋ mwann abá ébe é wéá ángel,
me min fe dɔ;
éde e ngá tɔbɔ ma anzek ánu dam,
véa niané me ngá min dɔ,
é ŋga bɔ má eñan ábum.
11 Ané bé ngá dzó ma ná,
“Wa yian bera ákúlán medzó á mfá abwiññ bot ya abwiññ meyɔŋ ya abwiññ mikɔ́bɔ ya fe abwiññ bekéza.”