Nkaŋann Nzamá ye á dzóp été
4
Nia véa,
éde me ngá yén mbéñ enziŋ ó yɔ́ɔ;
ané é kíŋŋ e ngá tára kɔ́bɔ ya ma amvála ané tɔ́ŋ é ŋga dzó ma ná,
“Bétge ó ná!
Véa éñe ma ye wa lére é mam má yian nzu bɔban niané émá má lot.”
2 Véa,
etéññ te ébyen me ntɔɔ́ á nsísim été,
ané me ngá yén etɔɔ́ édzwée é téle á dzóp été,
mot enziŋ ñí a tɔɔ fe étɔɔ́ édzwée.
3 Éde éñí a mbé a tɔɔ́,
nswánn mot ó mbé ñí amvála ané akwá jaspe ya édí kornalina,
ya ntútumm wá ó tɔɔ́ ané esmeralda weé kíkgán etɔɔ́ édzwée áyóp.
4 Etɔɔ́ edzwée dá é tɔɔ́ fe mbomann ya bítɔɔ́ bí edzwée bifé mewóm mé beáñ ya bí nii,
ya betébosú mewóm mé beáñ ya bé nii bá bé tɔɔ́ bítɔɔ́ bí edzwée bíte été,
bé baga mifúm bítóp,
míló myeba ñí ya bé baga bekorona bé koŋ.
5 Véa,
bevéveés,
ya mekíŋŋ,
ya bendzáláŋ bí ŋga sɔ́ étɔɔ́ edzwée;
miduná mí ndúán zaŋgbéá myeé yóŋ ébe ású etɔɔ́ édzwée,
émyɔ mí ne Mísísim Nzamá zaŋgbéá;
6 Ébe ású etɔɔ́ édzwée dzóm é mbé é tɔɔ́ ané máŋ deé yéne áyát ané kristál;
énzénzaŋ etɔɔ́ édzwée ya fe áboman etɔɔ́ édzwée,
mitétéá bíniŋ mí nii mí mbé ndzálánn ya mís ású ya á mvús.
7 Ntétéá eniŋ ósúá ó ngá fonan ya mgbemgbem;
ntétéá eniŋ beáñ ó ngá fonan ya mwann nnóm ñát;
ntétéá eniŋ léa ó mbé ya ású ané mot;
ntétéá eniŋ nii wá ó ngá fonan ya ndwiñ deé yéle.
8 Éde mitétéá bíniŋ mí nii,
kada mbɔ́ɔ́ ye été ó belé mefaáp mé saman,
mí tɔɔ́ fe ndzálánn ya mís été ya á meféŋŋ;
béé dzó alú ya omos kaa sim ná,
“Eki,
eki,
eki ébe Ntí Nzamá,
Éñe a ne ya nguuése,
Éñe á mbé,
éñe a ne,
éñe fe a ne ná aa nzu.”
9 É tám áse mitétéá bíniŋ mí ngá vé dúmá ya ŋgaŋŋ ya mvéán akíba ébe éñí a tɔɔ́ ósí étɔɔ́ édzwée,
éñe a ne ntétéá kɔ́mm ya kɔ́mm;
10 betébosú mewóm mé beáñ ya bé nii bá bé ŋga kútbe ó sí ébe ású éñí a tɔɔ́ ósí étɔɔ́ édzwée ya ákaŋ éñí a ne ntétéá kɔ́mm ya kɔ́mm,
béé ke fe bwíi békorona beba ébe ású etɔɔ́ edzwée,
béé dzó ná,
11 “Á Ntí,
é Nzamá wea,
wa ñep ya dɔ ná,
wa o ñɔŋ dúmá ya ŋgaŋŋ ya nguu edzwée.
Amú ná wa wa vele byém bíse,
ya nkómánn we éwɔ bí tɔɔ ya wɔ,
éwɔ fe byá bí ngá tɔbɔ ya wɔ mvelann.”