É fwéñ á Sardis
3
“Tsiligé ángel ye ékóánn bebwíni ye á Sardis ná:
“Éñí a belé mísísim zaŋgbéá Nzamá,
ya fe atéteñ zaŋgbéá,
édí édɔ aa dzó ná:
Ma yem míbɔann mywe,
o belé eyola ná o ne ntétéá,
ve déá wa o ne nwúán.
2 Tɔbɔgé evévéñ,
yémŋe fe é mam mevɔ́ɔ́ mé ngén wa,
ná má mé nkún fe wú;
amú ná meé ndzí koan ya míbɔann mywe ndzálánn abóm ósú Nzamá.
3 Símaŋán ámvála o ñɔŋ yaá ya áwók,
édɔ baalé,
dzobgán fe.
Ve ngé wa kaa tɔbɔ evévéñ,
ma ye nzu ébe wa ané ndzídzíp,
véa wăá ye ki yem áwola me sian ébe wa.
4 “Ve o belé ayomm bot á Sardis ná dăá bé vé mébwát meba mvin;
ébɔ́ bá ye wulu ya mifúm mebwát bíabe bɔ́,
akála ná bá ñep ya dɔ.
5 Éñí a ne wún,
bá ye ñí bwára mifúm mebwát,
ma măá ye ki ñí tsam éyola deñ ábá ye éniŋ,
ma ye mem éyola deñ ébe ású Tará,
ya fe ébe ású é baángel beñ.
6 “Éñí a belé melɔ́,
á béágé édí Nsísim aa dzó bíkóánn bébwíni.”
É fwéñ á Filadelfia
7 “Tsiligé ángel ye ékóánn bebwíni ye á Filadelfia ná:
Mfúfúp ya bébélá mot,
éñí a belé édzipga David,
éñí aa kúu míbéñ mot enziŋ a sés dzip,
éñí aa dzip fe míbéñ mot enziŋ a sés kúu,
édí édɔ aa dzó,
ná,
8 “Me yem yaá míbɔann mywe.
Dággé!
Me téle yaá wa mbéñ ósú ó yɔ́ɔ,
éwí mot enziŋ a sés dzip;
ya oyomm nguu o belé,
o baale yaá éfíá dam,
wa kaa ki kat éyola dam.
9 Dággé!
Ébá béye á sinagoga Sátan,
ébá bá dzó ná bé ne bejudio,
véa ébɔ́ kaa dɔ,
fáve ná bá bɔ mineá;
yemŋe ná ma ye bɔ́ bɔ ná,
bé nzu wa kútbe ó sí ébe ású mébɔ mwe,
bá ye fe yem ná me dziŋ yaá wa.
10 “Amú ná o baale yaá efíá dam ná o belé edzíp,
ma ma ye fe wa baale ébe áwola mebóblé é nkún nzu ébe éniŋ dzí ngúrá,
á mfá ábóble ébá bé tɔɔ́ é sí ñí.
11 Mé ŋga nzu yaá avóó,
baalé édí o belé,
á mfá ye ná mot enziŋ a nza ñɔŋ é korona medaŋ dwe.
12 Éñí a ne wún,
ma ye ñí bɔ akon enziŋ á templo é Nzamá wɔm été,
ñí ăá ye ki fe bera kólo été.
Ma ye tsili éyola é Nzamá wɔm ébe éñe ya fe éyola é kísoan é Nzamá wɔm (mfefeñ Yerusalen,
éñí aa sigi eé sɔ́ á dzóp été ébe é Nzamá wɔm),
ya fe mfefeñ éyola wɔm.
13 “Éñí a belé melɔ́,
á béágé édí Nsísim aa dzó bíkóánn bébwíni.
É fwéñ á Laodisea
14 “Tsiligé ángel ye ékóánn bebwíni ye á Laodisea ná,
éñí a ne Amén,
nzósoó mvé ngañiá ya fe bébélá mot,
Ntébosú ye édí Nzamá a ngá vele;
édí édɔ aa dzó ná,
15 “Ma yem míbɔann mywe,
ná o sés avwéñ ngé ki ayóŋ.
Ngwáa ngé ó bɔ avwéñ ngé ki ayóŋ!
16 Ya dzam te,
dá é tɔɔ ná wa o ne eduduk,
wa kaa avwéñ,
kaa ki ayóŋ,
ma ye wa yó ébe ánu dam été.
17 Amú wa dzó ná,
‘Me ne nkúkúmm,
me mana yaá bík,
măá yi ki fe dzóm enziŋ!’
Wa wăá yem ná o ne engóngɔ́ɔ́ mot,
éñí bá yian yén engóngɔ́ɔ́,
ya ntétéññ,
ya ndzíndzímm,
ya fe swéswéññ.
18 “Ma lép wa ná éñe o kus ébe ma é koŋ dá ñaban ya á ndúán,
á mfá ye ná o bík,
o belé fe mifúm mebwát ná o bwát,
á mfá ye ná osoán ye é swéswéññ dwe ó táa kwíñ éndendaŋ,
ya byaŋ ná da o wáa fe ó mís,
á mfá ye ná o yén.
19 Ma bwaale ya ávé akira ébe ébá bésesé ma dziŋ,
éde tɔbɔgé ya nlém ayóŋ,
dzobgán fe.
20 “Dággé!
Me téle á mbéñ méé kut,
ngé mot enziŋ aa wók é kíŋŋ dam,
a kúu fe mbéñ,
ma ye ñíi ébe éñe,
véa ma ye dzí bía ñí,
ñí ya fe ya ma.
21 Éñí a ne wún,
ma ye ñí vé ná a tɔbɔ bía ñí étɔɔ́ édzwée dam;
amvála ané ma me wún yaá,
me tɔbɔ yaá fe bía Tará étɔɔ́ édzwée deñ.
22 “Éñí a belé melɔ́,
á béágé édí Nsísim aa dzó bíkóánn bébwíni.”