Betébosú
5
Édɔ ná,
ma lép bétébosú bé ne énzénzaŋ denan été,
ma me tɔɔ́ fe ntébosú ya ngañiá ye mídzuúk Kristo ya fe ñɔŋngap ye é dúmá é nkún nzu kúlu.
2 Baalán mbamm mitómá Nzamá éwí ó ne énzénzaŋ denan été;
míníí mɔ́mɔ wɔ,
se akála ntsinann,
fáve ná ya nkómánn mot émyen,
se ki amú ndwa ye moann,
fáve ná ya mbamba nkómánn,
3 se ki ané mína daŋ dzwée ébe ébá bé kee yaá mína,
ve míní bɔ efonann mfá mbamm mitómá.
4 Éde éyɔŋ Ndzwée bekálá mitómá aa ye kúlu,
mína ye ñɔŋ é dás ye á medaŋ é ne kaa ádzímle é dúmá deñ.
Bot bése
5 Amvála te fe mína bendómán,
kpáán betébosú ásí.
Mína bésesé,
sémeŋán bevɔ́ɔ́ ya ébá bevɔ́ɔ́,
tɔbɔgán ndzálánn ya nsilann ñúu ósí mína bésesé,
amú ná,
“Nzamá aa téle é bot bé ne bingúŋ á ngamm áyát,
ve aa vé mvɔmm ébe ébá bá sili bébyen ósí.”
6 Édɔ ná síligán mína bébyen ósí ébe éwólo wéá Nzamá ásí,
á mfá ye ná á bére mína ó yóp é tám deñ.
7 Keegán ñí é dzam áse dá kele mína milém ó yóp,
amú ná éñe a kálá mína.
8 Tɔbɔgán ya kén,
tɔbɔgán fe evéveññ.
Déble a ne mína á ngamm áyát,
aa ke aa wulu amvála ané mgbemgbem dá ñeñ eé dzéŋ é mot aa ywíñ ntuk.
9 Éde,
ya mbwínánn,
keŋán ñí á ngamm áyát kaa áfógan,
míníí yem ná bɔbéñɔŋ bá bá ke fe bá yén midzuúk ya amvála mam méte é sí ñí.
10 Éde Nzamá ye á mvɔmm ése,
éñí a ngá lwée mína ébe é dúmá deñ é ne mbéámbéá ébe Yesukristo,
niané míní mana yaá yén midzuúk oyomm tám,
Émyen aa ye mína sóŋan,
aa ye mína bán,
aa ye mína vé nguu,
aa ye fe mína túga téle.
11 Éñe a ne ya dúmá ya edzwée mbéámbéá.
Amén.
Máán
12 Me ngá tsili mína é mwann kálara ñí ya ávwála é mwadzaŋ wea má tɔbɔ ya ñí mebúnn Silvano (néa éñe ma yén ñí),
meé vé mína nguu ya bifíá ya vé fe mína ngañiá ná é bébélá mvɔmm Nzamá éñe ñí,
éñí tébegán été.
13 Ékóánn bebwíni é ne ntɔ́pbán á Babilonia fufúlu mínabe bɔ́,
dá sómo mína ya fe Markos é mwán wɔm.
14 Ábérán bevɔ́ɔ́ ya ébá bevɔ́ɔ́ ya ñáŋán memáŋŋ ye édziŋŋ.
Mvwaá eé bɔɔ́ge ya mína bésesé,
mína bot míní ne ébe Kristo.