Méyágalé á mfá kada nsámá bot
2
Ve ébe wa,
kɔ́bɔgé ámvála dá yian ya áyágalé é ne mvwaá.
2 Béfám bé ne bitsitsiga bá yian bɔ ya kén,
ya ngaŋŋ,
ya fak,
bé tɔɔ́ mvwaá á mbwínánn été,
édziŋŋ été,
ya étɔɔ́ mbán été.
3 Á mfá mbɔ́ɔ́ fe bitsitsiga bí biningá,
ébe ámvála bá niŋ,
bá yian bɔ á bidzidzin,
kaa áswa bot,
kaa ki ábɔ aloá ye á abwiññ vino;
ve fáve ábɔ beyágale béye édí é ne mvéáñ,
4 á mfá ye ná bé yágale bengwan bé biningá ná bé dziŋ béyóm beba,
ya fe ná bé dziŋ é bwán beba,
5 bé tɔbɔ ya kén ya afúnlém,
béé kálá mendá meba,
miñeñép,
béé tɔbɔ fe édzwée béyóm beba ásí,
á mfá ye ná éfíá Nzamá bé bɔ dɔ kaa ábyana.
6 Amvála te fe,
lépge bendómán ná bé tɔbɔ ya kén.
7 Ébe mam mése,
léregé wámyen amvála ané efonann ye á mbamba mibɔann,
ya ávé méyágalé mé ne nzósoó ya ngaŋŋ,
8 ya á nkɔ́bɔ ó ne mvwaá kaa bidzo,
á mfá ye ná é mot a ne wa á ngamm áyát,
niané a bɔ yaá kaa ábelé mbéa dzam ye ádzó bía,
á wú osoán.
9 Á mfá áloá,
léregé dɔ ná é tɔbɔgé édzwée bémása beba ásí ébe dzam áse,
béé vé bɔ́ mesán á nlém,
kaa ábɔ ya bɔ́ bisó,
10 kaa áswala abímm byém,
fáve léregán ná bé tɔbɔ ya mína mbamba mebúnn mése,
á mfá ye ná ébe dzam áse bé sák áyágalé Nzamá,
Nkoro wea.
Áñep Nzamá
11 Amú ná é mvɔmm Nzamá é léreban yaá,
deé sɔ́ ya akoroga ébe bot bése,
12 deé vé bía melépgá ná bí tep bikúkwát bí mam ya bivéé bíye á nlém mot á mfá ye ná ébe éyɔŋ dí,
bí tɔbɔ ya kén,
ya nzósoó,
ya á mbamba nkaŋann été,
13 bíí baale oyan ó ne ya abwará;
édɔ é ne ásiann ya é dúmá é bora Nzamá ya Nkoro wea,
Yesus Kristo.
14 Éñí a ngá vé é ñúu deñ émyen ákála dea,
ná á koro bía ébe ntsamann metsiŋŋ óse,
á fúbu fe ntɔ́pbán áyɔŋ déñ,
édí dá bíra dzéŋ bembamba míbɔann.
15 Mam méte émɔ kɔ́bɔgé,
vá melépgá,
bwaalé fe ya nguu édzwée ése.
Mot enziŋ ñí a táa ki wa áñɔŋ avítsaŋ.