Ábérán ya kada mot
16
Ma lére mína mbamba kéá dzea Febe,
a ne fe mvwála bíséññ ye ékóánn bebwíni é ne á Senkrea;
2 ná míní ñɔŋ ñí ébe Ntí,
ámvála dá ñep ya bebwíni,
ya fe ná míní vwála ñí ébe é dzam ése a ne yi ébe mína,
amú ná ñí a vwála yaá fe abwiññ bot,
atwaa mámyen.
3 Bérágán ma ya Prisila bá Akila,
ébá bíabe bɔ́ bía bɔ eséññ ébe Kristo Yesus,
4 bot béte bé ngá ye wú akála éniŋ dzam,
se fáve ma etámm ma vé bɔ́ akíba,
ve ya fe bíkóánn bebwíni meyɔŋ mefé bíse,
5 ya ékóánn bebwíni é ne é ndá dzeba.
Bérágán ma ya ndzindziŋŋ mwadzaŋ wɔm Epeneto,
mbwíni Kristo ósúá ye á Asia.
6 Bérágán ma ya María éñí a bɔ yaá eséññ abwiññ énzénzaŋ denan.
7 Bérágán ma ya Andróniko bá Junias,
bívúvúmán byam bíabe bɔ́ bí mbé fe fufúlu á ndá mibok,
bá yem fe bɔ́ énzénzaŋ baapostol,
ébɔ́ fe bá tára bwíni Kristo ya ma.
8 Bérágán ma ya Amplias,
ndzindziŋŋ mwadzaŋ wɔm ébe Ntí.
9 Bérágán ma ya Urbano,
éñí bíabe bɔ́ bía bɔ eséññ fufúlu ébe Ntí,
ya ndzindziŋŋ mwadzaŋ wɔm Estakis.
10 Bérágán ma ya Apeles éñí a kyaba yaá Kristo.
Bérágán fe ma ya ébá béye ébe Aristóbulo.
11 Bérágán ma ya Erodión,
évúvúmán dam.
Bérágán fe ma ya ébá béye ébe Narsiso,
ébá béte bá bé ne fe ébe Ntí.
12 Bérágán ma ya Trifena bá Trifosa,
ébá béte bá bɔ éséññ Ntí.
Bérágán ma ya ndzindziŋŋ kéá dzéa Pérsida éñí a bɔ yaá eséññ Ntí abwiññ.
13 Bérágán ma ya Rufo,
éñí a ne ntɔ́pbán ébe Ntí,
ya ñiá,
ñí a tɔɔ́ fe ané naná.
14 Bérágán ma ya Asínkrito,
ya Flegonte,
ya Ermas,
ya Patrobas,
ya Ermas,
bábe é bɔbédzaŋ bábe bɔ́ bé tɔɔ́.
15 Bérágán ma ya Filólogo bá Julia,
ya Nereo bá kéá,
ya Olimpas,
bábe bekrísten bése bábe bɔ́ bé tɔɔ́.
16 Bérágán ma ya bevɔ́ɔ́ ya ébá bevɔ́ɔ́ ya ñáŋán memáŋŋ bɔbéñafwáa.
Bíkóánn bebwíni bíse Kristo byá bérán ya mína.
17 Á bɔbédzaŋ,
ma lép mína ná,
míní bíli ébá bá nzu ya mína nkánán béé bɔ fe mína ná míní vus é nzenn áyágalé míní ñɔŋ yaá.
Kólogán énzénzaŋ deba été;
18 amú ná bot béte băá séan ya Ntí wea Yesukristo,
fáve édí bídzí byá ke mébum meba;
bá duk mílém é bot bé ne bindúnn béé kɔ́bɔ bɔ́ bembamba bífíá ya ébí bá dziŋ bá wók.
19 Éde fwéñ ye méwók menan é kwíñ yaá ébe bot bése;
ya dzam te édɔ ma sán ákála denan.
Ve ma kómo ná míní bɔ bebelé kén á mfá édí é ne mvéáñ,
ve mikeññ á mfá édí é ne abé.
20 Avítsaŋ tám Nzamá ye á mvwaá aa ye bwíñ Sátan mébɔ menan ásí.
É mvɔmm Ntí wea Yesukristo eé bɔɔ́ge ya mína.
21 Timoteo,
é mot bía ñí bía bɔ eséññ aa bérán ya mína,
ya Lusio,
ya Jasón ya Sosípater,
bívúvúmán byam.
22 Ma Tersio,
éñí a tsili yaá é kálara ñí,
ma bérán ya mína ébe Ntí.
23 Gayo,
éñí mé tɔɔ́ ndá ya ékóánn bebwíni ése,
aa bérán ya mína.
Erasto,
mbaale akúmm ye á kísoan aa bérán ya mína,
ya mwadzaŋ Kuarto.
24 [É mvɔmm Ntí wea Yesukristo eé tɔbɔgé ya mína bésesé.
Amén.]
Asúgánn ávé Nzamá olugú
25 Ébe éñí a ne nguu ye átéle mína,
ané é mbamba fwéñ wɔm ya nkatann fwéñ Yesukristo,
amvála ané é kúlu yaá é dzam dá nzaman kén mot é mbé é tɔɔ́ ásweññ atéé ye metám ókuá,
26 ve,
éndagá é léreban yaá amú Mítsili bekúlu medzó,
amvála ané é mvéná é Nzamá a ne mbéámbéá,
ná meyɔŋ mefé mése mé yem mewók mé ne akála mbwínánn.
27 É Nzamá etámm a ne Mbelé kén,
éñí a ne ya dúmá kɔ́mm áse amú Yesukristo.
Amén.