9
Yesus a ngá dzó fe bɔ́ ná,
“Ma dzó mína bébélá ná bot benziŋ béye bé ne ó vá,
bé ne ná băá ye wú kaa ná bé yén édzwée ngɔ́mán Nzamá ané dá sian ya nguu.”
Markos 9.1-32
Ñúu da tsén Yesus
2 Niané melú mé saman mé ngá lot,
éde Yesus a ngá ñɔŋ Pedro,
Jakobo,
ya Juan,
ané a ngá ke ya fáve ébɔ́ etámm,
á nkoó enziŋ oyaáp ó yóp,
éde é ñúu deñ e ngá tsén ébe ású deba.
3 Ané bítóp byeñ bí ngá bíra feañ,
bí ŋga yéne fe mifúm abwiññ,
amvála nsop bitóp enziŋ ye é sí ñí a sés bɔ ná bí bɔ mifúm amvála te.
4 Éde Elías bá Moisés bé ngá yéne ébe bɔ́,
bé ŋga kɔ́bɔ bábe Yesus.
5 Ané Pedro a ngá ñɔŋ efíá,
a dzóo Yesus ná,
“Á Rabí,
é ne mvéáñ ná bí tɔbɔ ó vá!
Bí lóŋ fe bíbemm bí léa,
wa evɔ́ɔ́,
Moisés evɔ́ɔ́,
Elías ñí a fe evɔ́ɔ́.”
6 Ĕé ngá yem é dzam á dzóge,
amú bé ngá kɔ wɔŋŋ.
7 Éde nkút ó ngá sɔ́ ó mana bɔ́ nzu boman,
ané kíŋŋ e ngá sɔ́ á nkút été deé dzó ná,
“Ndzindziŋŋ Mwán wɔm éwɔ wi,
éñe wókgán.”
8 Etéññ te ébyen éde bé ngá dága méféŋŋ,
ve béé ndzí fe yén mot enziŋ a tɔɔ́ bábe bɔ́,
fáve Yesus etámm.
9 Éyɔŋ bé ngá sigi nkoó,
a ngá mánan bɔ́ ná bé táa kat mot enziŋ é dzam bé mvá yén,
akekwíñ ané é Mwán Mot aa wómo míwúán été.
10 Éde bébyen bé ngá baale dzam te,
béé ke bá síli mílém myeba bébyen été ná,
“áwómó míwúán été,
dá yíli ná dzé?”
11 Éde bé ngá síli Yesus ná,
“Amú dzé beyágale métsiŋŋ bá dzó ná Elías éñe aa yian tára sɔ́?”
12 Yesus a ngá yalan ya bɔ́ ná,
“É ne bébélá ná Elías éñe aa yian tára sɔ́ mfá ánzu kom mam mése.
Ve,
nde é sés ntsilann ná é Mwán Mot aa yian dzuk abwiññ,
bé byana fe ñí?
13 Ve ma dzó mína ná Elías a sɔ́ yaá,
éde bá bɔ ñí ábímm mam mése bé ngá kómo,
amvála ané é ne ntsilann mfá weñ.”
Yesus aa séñ omómɔ́ŋŋ
14 Éyɔŋ bé ngá búlán é vóm beyága bevɔ́ɔ́ bé mbé,
bé ngá koan ya mora nkuna bot ó mana bɔ́ boman míféŋŋ,
ya fe beyágale métsiŋŋ benziŋ béé kéá bábe beyága béte.
15 Niané nkuna bot óse ó ngá yén Yesus,
etéññ te ébyen éde ó ngá ku avoó,
ané bé ngá ke mibíí ébe éñe,
bé ŋga bérán ya ñí.
16 Éde a ngá síli bɔ́ ná,
“Nzá dzam mína kéá mínabe bɔ́?”
17 Ané mot mbɔ́ɔ́ ye á nkuna bot été a ngá yalan ya ñí ná,
“Á Nyágale,
me sɔ́ ya wa é mwán wɔm,
ná a belé nsísim mvúk ó ñúu.
18 Éde éyɔŋ ése wá biñ ñí,
wá wea fe ñí ósí,
á ŋga kúlu avúu ánu,
á ŋga laran mesoŋŋ,
á ŋga yémle fe.
Ané me dzó béyága bwe ná bé vea wɔ́,
ve băá tɔɔ́ wɔ́ vea.”
19 Éde Yesus a ngá yalan ya bɔ́ ná,
“Á myee bot ó ne kaa mbwínánn!
Ma ye tɔbɔ bíabe mína akekwíñ tám fé?
Ma ye ki mína dzíbi akekwíñ tám fé?
Nzaán ya ma omómɔ́ŋŋ te!”
20 Éde bé ngá sɔ́ ya wɔ́.
Niané nsísim te ó ngá yén Yesus,
etéññ te ébyen éde ó ngá tára ná wá suk omómɔ́ŋŋ te ya nguu,
ané a ngá ku ósí,
á ŋga ke aa bíŋán eé kúlu avúu ánu.
21 Éde Yesus a ngá síli éséá mwán ná,
“Dzam te é ntɔɔ́ táŋ á yá avé é tára ná dá bɔ ñí?”
Ané éséá mwán a ngá yalan ná,
“Atéé ye a mbé avítsaŋ.
22 Abwiññ biyɔŋ wá wea ñí á ndúán été,
ya fe mendzímm mfá ákómo ñí ywíñ.
Ve,
ngé o ne bɔ dzam,
yénŋe bía engóngɔ́ɔ́,
o vwála fe bía.”
23 Éde Yesus a ngá síli éséá mwán ná,
“Ye ná me ne bɔ dzam?
Mfá é mot a bwíni,
mam mése mé ne bɔban.”
24 Etéññ te ébyen,
éséá omómɔ́ŋŋ te a ngá yón,
ané a ngá dzó ná,
“Ma bwíni.
Vwálagé ma ébe é kaa mbwínánn wɔm!”
25 Éyɔŋ Yesus a ngá yén ná nkuna bot óse ó ngá nzu yaá mbíí,
éde a ngá vé nsísim mvin te mbámm,
eé dzó wɔ́ ná,
“Nsísim mvúk ya ndwá,
ma mánan wɔ́ ná,
kólogé ébe éñe,
ó táa ki bera búlán ébe éñe.”
26 Éde niané ó ngá yón,
ya fógo ñí nguu,
ó kólo.
Éde omómɔ́ŋŋ ó ngá lígi amvála ané mbim,
akekwíñ ná abwiññ bot ye ébe bɔ́ é ŋga dzó ná,
“Á wú yaá!”
27 Ve Yesus a ngá biñ ñí enam,
a téle ñí,
ané omómɔ́ŋŋ ó ngá tébe.
28 Niané Yesus a ngá ñíi á ndá,
ané béyága beñ bé ngá síli ñí ásweññ ná,
“Amú dzé bí mvá vwat tsílán ya mbéa nsísim te?”
29 Éde Yesus a ngá yalan ya bɔ́ ná,
“Amvála te é sés kólo ya dzam afé,
fáve ya meyaglán [ya álot tám ye á nkián bidzí].”
Yesus aa bera kat fwéñ awú deñ
30 Béé kólo ó véa,
ané bé ngá ke bá lot á Galilea,
Yesus kaa ákómo ná mot enziŋ á yem dɔ,
31 amú ná a ngá yágale béyága beñ,
eé dzó bɔ́ ná,
“É Mwán Mot aa ye keeban é mó bot,
bé ywíñ ñí;
niané aa wú,
aa ye wómo niané melú mé léa má lot.”
32 Ve bé ngá kɔ wɔŋŋ ná bé síli ñí,
amú bĕé ngá wók é dzam a ngá dzó.
Nzá aa daŋ ya eban?
33 Éde bé ngá sian á Kapernaúm;
Yesus a tɔɔ́ á ndá,
ané a ngá síli bɔ́ ná,
“Nzá dzam míní mvá nzu mína bɔ bisó ókaŋŋ été?”
Markos 9.33-50
34 Ve bé ngá mana sis bivóó,
amú ná bé ngá nzu bá ke bébyen ya bébyen ókaŋŋ été ná,
nzá a daŋ ya eban.
35 Éde Yesus a ngá tɔbɔ ósí,
a lwée beyága awóm ya bé beáñ,
ané a ngá dzó bɔ́ ná,
“Ngé mot enziŋ aa kómo bɔ ntébosú,
aa ye bɔ éñí aa súgan mot áse ómvús ya éñí á ne mvwála bíséññ mot áse.”
36 Éde a ngá ñɔŋ omómɔ́ŋŋ,
a téle wɔ́ énzénzaŋ deba été;
niané a ngá baga ñí,
ané a ngá dzó bɔ́ ná,
37 “É mot aa ñɔŋ omómɔ́ŋŋ amvála ané éñí ya éyola dam,
aa ñɔŋ ma;
é mot ñí aa ñɔŋ ma,
ăá ñɔŋ ma,
fáve ná,
aa ñɔŋ é mot a ngá lóm ma.”
Nzá a ne ngamm dea
38 Éde Juan a ngá dzó ñí ná,
“Á Nyágale,
bí yén mot enziŋ eé tsílán ya mimbéa mísísim ya éyola dwe,
éde bí kili ñí dɔ,
amú ná ăá bee bía.”
39 Ve Yesus a ngá dzó bɔ́ ná,
“Míní táa ñí dɔ kili,
amú ná mot enziŋ a sés bɔ eyágán dzam ya éyola dam,
ná ó véa,
á ŋga kɔ́bɔ ma abé.
40 É mot a sés bía á ngamm áyát,
a ne bíabe bɔ́.
41 Amú ná é mot áse aa ye mína vé kɔ́p mendzímm ná míní ñú akála éyola dam,
akála ná míní ne é bot bá bee Kristo,
ma dzó mína bébélá ná,
mot te ăá ye dzímle é máán meñ.”
Áku á nsémm
42 “É mot áse a bɔ mɔ́ŋŋ mbɔ́ɔ́ ye ábóbwán dá bwíni ma dí é dzam dá kɔp ñí obaá,
é ne mot te mvéáñ ná bé tsini ñí mora akwá ó kíŋŋ,
bé wea ñí á máŋ été.
43 Ngé é wéá we wá bɔ wa ná o bɔ nsémm,
kíkge wɔ́;
é ne mvéáñ ná o ñíi éniŋ o belé wéá mbɔ́ɔ́ ye ná o belé mó mé beáñ o kéñ ébéññ ndúán été,
é ndúán e ne kaa ádzím,
44 [é vóm nsɔ́ŋŋ weba wăá wú,
ndúán da dăá dzím ki].
45 Ngé ábɔ dwe dá bɔ wa ná o bɔ nsémm,
kíkge dɔ;
é ne wa mvéáñ ná o ñíi éniŋ o belé ábɔ avɔ́ɔ́,
ye ná o belé mebɔ mé beáñ bé wea wa ébéññ ndúán,
[é ndúán é sés tɔbɔ ndzímán]
46 [é vóm nsɔ́ŋŋ weba wăá wú,
ndúán da dăá dzím ki.]
47 Ngé é dzís dwe dá bɔ wa ná o bɔ nsémm,
veagé dɔ;
é ne wa mvéáñ ná o ñíi édzwée ngɔ́mán Nzamá o belé dzís avɔ́ɔ́,
ye ná o belé mís mé beáñ bé wea wa ébéññ ndúán,
48 é vóm nsɔ́ŋŋ weba wăá wú,
ndúán da dăá dzím ki.”