É nganán mbeñ mvɔŋ
4
Yesus a ngá bera tára ná aa yágale bot á nsá máŋ.
Ané mora nkuna bot ó ngá nzu koan ya ñí akekwíñ ané a ngá yian daŋ é byéa ó mbé ó máŋ ó véa,
ané a ngá tɔbɔ été.
Éde nkuna bot óse,
wá ó ngá lígi ósí á nsá máŋ.
Markos 4.1-20
3 “Béágán!
Mbeñ mvɔŋ enziŋ a ngá ke aa beñ mvɔŋ.
4 Éde a ngá bɔ ná,
eé myea,
abímm mvɔŋ é ngá ku á nzenn áyóp,
ané anwann é ngá sɔ́ é mana dɔ dzí.”
5 “Ábímm avɔ́ɔ́ dá é ngá ku mékwá été,
é vóm wĕé mbé ó belé abwiññ sí.
Éde é ngá féá etéññ te ébyen amú midzi myĕé ngá ke oyaáp á sí été.
6 Éde niané nlódzóp ó ngá kwíñ,
é ngá mana wúlán;
éde,
ya amú kaa ábelé midzi,
é ngá mana kót.
7 Ábímm avɔ́ɔ́ dá é ngá ku míséé été,
ané miséé mí ngá vém,
mí ŋga vé dɔ abúk,
éde deé ndzí fe wúm bibumá.
8 Ve,
ábímm avɔ́ɔ́ dá é ngá ku á mbamba sí,
ané é ngá vém abwiññ,
é ŋga wúm bibumá;
abímm ye été,
é ngá kúlu bibumá táŋ mewóm mé léa,
édí avɔ́ɔ́ táŋ mewóm mé saman,
édí avɔ́ɔ́ dá ntet.”
9 Éde Yesus a ngá dzó ná,
“É mot a belé melɔ́ méye áwók,
á wókge!”
Amú dzé Yesus aa kɔ́bɔ ya menganán
10 Niané a ngá lígi etámm,
éde beyága awóm ya bé beáñ bábe é bot mbé ó véa,
bé ngá síli ñí adzó menganán.
11 Ané a ngá yalan ya bɔ́ ná,
“Bé vé yaá mína ná míní yem é dzam dá nzaman kén mot ye édzwée ngɔ́mán Nzamá;
ve ébá bé ne átán,
bé vé yaá bɔ́ ásesé ya menganán,
12 á mfá ye ná,
‘béé dága bé yén,
ve kaa áwórán,
béé béá bé wók,
ve kaa ábiñ dzam,
á mfá ye ná bé nza dzoban,
véa bé dzáma bɔ́.’ ”
Yesus aa kat ayílíga ye é nganán mbeñ mvɔŋ
13 Ané a ngá dzó bɔ́ ná,
“Ye ná mínăá wók é nganán ñí?
É ne mína ye wók menganán mése á yá?
14 Mbeñ mvɔŋ aa beñ efíá.
15 Ve,
ébá á nzenn áyóp ébɔ́ bé né,
é vóm bá beñ efíá.
Niané bá wók efíá,
etéññ te ébyen Sátan aa sɔ́,
a mana ke ya éfíá bé beñ ébe bɔ́.
16 Amvála te fe,
éñí bé ngá beñ mékwá été,
ébɔ́ bé ne ná niané bá wók efíá,
bé dzíga dɔ ñɔŋ ya mesán.
17 Ve,
bébyen bĕé belé midzi,
éde bá nzomo oyomm abɔ́ŋŋ tám.
Éyɔŋ bé ŋga dzilan ya bɔ́ ó mvús,
ngé ki ná midzuúk myá sɔ́ akála efíá,
etéññ te ébyen bá lík efíá.
18 Ébá bevɔ́ɔ́ bé ne é mvɔŋ bé ngá beñ míséé été,
bé ne é bot bá wók efíá;
19 ve é mam má kele bot milém ó yóp é tám ñí,
ya meduk mé akúmm,
ya mikómánn míye é mam mevɔ́ɔ́,
má ñíi á nlém,
mé ŋga vé efíá abúk,
ané efíá dá súgan kaa áwúm bibumá.
20 Ébá ébɔ́ bá bé ne é mvɔŋ bé ngá beñ á mbamba sí,
é bot bá wók efíá,
bé ñɔŋ dɔ,
bé ŋga wúm bibumá,
bevɔ́ɔ́ béye été,
táŋ mewóm mé léa,
ébá bevɔ́ɔ́ mewóm mé saman,
ébá bevɔ́ɔ́ ntet.”
Nganán láma
21 Éde a ngá dzó bɔ́ ná,
“Ye bá bwaa láma ná bá téle ñí éwála ásí ngé ki énɔŋŋ ásí?
Ye ná băá kele ñí ó yóp?
Markos 4.21-41
22 Amú ná dzam enziŋ é sés nswalann ná băá ye dɔ kóo,
dzam enziŋ dá é sés ki ásweññ ná dăá ye kúluban eyéá.
23 Ngé mot enziŋ a belé melɔ́ méye áwók,
á wókge.”
24 A ngá dzó fe bɔ́ ná,
“Tɔbɔgán ya nkée ya é mam mína wók.
Ya ábímm mína vak ya dɔ,
édɔ fe bá bá ye mína vak ya dɔ,
bá ye fe mína kɔgle.
25 Amú ná,
éñí a belé,
bá ye ñí vé.
Ve,
éñí ĕé belé atwaa é dzóm a belé bá ye ñí dɔ ñɔŋ.”
Nganán é feés da vém
26 A ngá dzó fe ná,
“Édzwée Nzamá é ne ané mot aa beñ feés á sí été,
27 aa bómo ósí á alú,
kíkírí aa tébe,
feés te da da é féá,
é ŋga vém kaa ná émyen aa yem amvála ané dá bɔban.
28 Sí da kúlu bibumá amú ébyen;
ósú da féá,
véa mebáma,
véa mebáma mé ŋga dzéñ ya mísɔ́ mí ne biwólo.
29 Éde,
niané bidzí byá bɔ biwólo,
etéññ te ébyen aa nzu byɔ vea,
amú ná é tám bá yoo bidzí é kwíñ yaá.”
É nganán nsɔ́ mostasa
30 A ngá dzó fe ná,
“Dzé bía ye kanan ya dɔ ya édzwée ngɔ́mán Nzamá,
ngé ki ná nzá nganán bí ne vé ná bí kɔ́bɔ dɔ?
31 É ne ané nsɔ́ mostasa,
éwɔ ó ne ná éyɔŋ bá beñ wɔ ósí,
éwɔ wá daŋ ya avítsaŋ álot mísɔ́ míse mí ne á sí.
32 Niané bé beñ yaá wɔ́,
wá vém akekwíñ ané wá súgan élwá dá daŋ ya enén ya bilwá bíse,
é ŋga kúlu bora mitem,
akekwíñ ané anwann ye á dzóp é ne tɔbɔ ávwéñ deñ ásí.”
33 Ya abwiññ menganán ané émá,
a ngá kat bɔ́ efíá,
amvála bé mbé dɔ wók.
34 Éde ĕé ngá kɔ́bɔ ya bɔ́ kaa menganán,
ve a ngá kat béyága beñ ásesé évwíñ.
Yesus aa báma okos
35 Mos te,
niané ŋgɔgɔ́ e ngá bɔ,
éde a ngá dzó bɔ́ ná,
“Bí keŋán á mfá áyát.”
36 Éde bé ngá lík nkuna bot ané bé ngá ke bábe bɔ́ á byéa a mbé été;
mebyéa mefé má mé ngá bee fe bɔ́.
37 Ané mora okos ó ngá lot,
éde mikebá mí ngá yinbe ó byéa akekwíñ ná byéa ó ŋga ñíŋ.
38 Yesus a mbé a bóo óyó métsínn mé byéa,
nló ó bére ñí á fíla áyóp.
Éde bé ngá ke ñí suk óyó,
ané bé ngá dzó ñí ná,
“Á Nyágale,
ye ná wăá bís ná bí ŋga dzáŋ yaá?”
39 Éde a ngá tébe,
a báma okos,
ané a ngá dzó máŋ ná,
“Vóbogé,
o dzagbe fe!”
“Amú dzé míní ne ayeña?
Ye ná míní ngén kaa ábelé mbwínánn?”
41 Éde bé ngá ku ngom ya abwiññ wɔŋŋ,
bé ŋga dzó mbɔ́ɔ́ ya éñí mbɔ́ɔ́ ná,
“Nzá ñí ná,
atéé ye okos akekwíñ máŋ byá byá bɔ ñí mewók?”