Yesus aa séñ mot enam
3
Yesus a ngá bera ñíi éyɔŋ efé á sinagoga été.
Éde mot enziŋ a mbé ó véa a belé nkát enam.
Markos 3.1-19
2 Ané bé ngá tára ná bá dága Yesus mfá áyén ngé aa ye ñí séñ é mos Sátará,
ya néa,
bé belé é dzam bá sɔ́mán ñí ya dɔ.
3 Éde Yesus a ngá dzó é mot a mbé a belé nkát enam ná,
“Tébegé énzénzaŋ dea été.”
4 Ané a ngá dzó bɔ́ ná,
“Dzé atsiŋŋ dá yébe é mos Sátará:
Ye ábɔ mvéáñ ye ábɔ abé?
Ye ánii mot ye áywíñ mot?”
Ve bé ngá sis bivóó.
5 Éde Yesus a ngá dága bɔ́ ya meyéá,
a tɔɔ́ fe eywiññ amú áleét milém deba,
éde a ngá dzó mot te ná,
“Sámŋe enam dwe!”
Éde a ngá sám dɔ,
ané enam deñ é ngá lígi mvwaá.
6 Éde niané befariseo bé ngá kwíñ átán,
etéññ te ébyen ané bé ngá tára ná bá bu fak bábe Beerodiano mfá Yesus,
ná bé yén amvála avé bé ne ñí ywíñ.
Abwiññ bot dá bee ñí ó máŋ
7 Yesus a ngá kólo a kéñ ó máŋ bábe béyága beñ,
ané abwiññ bot béye á Galilea é ngá bee ñí,
ya fe bot béye á Judea.
8 Abwiññ bot ye á Yerusalen,
ya Edumea,
ya á Yordán áyát,
ya mevóm má boman Tiro ya Sidón,
niané bé ngá wók é mam mése Yesus a ngá bɔ́,
ané bé ngá nzu ébe éñe.
9 Éde a ngá dzó béyága beñ ná bé koman ñí byéa enziŋ,
amú nkuna bot,
á mfá ye ná ó nza ñí fít.
10 Amú ná a ngá séñ abwiññ bot,
akekwíñ ané é bot bése bé mbé bé belé mitéñ bé ngá ku ñí ó ñúu á mfá ye ná bá nama ñí.
11 Éyɔŋ misísim mí mvin mí ngá bɔ myeé yén ñí,
mí ngá ku ébe ású deñ,
mí ŋga yón,
myeé dzó ná,
“Wa o ne é Mwán Nzamá!”
12 Ve Yesus a ngá vé bɔ́ mbámm abwiññ,
ná bé táa bɔ ná bot bé yem ñí.
Yesus aa téle awóm bot ya bot bé beáñ
13 Éde a ngá bét nkoó,
aa lwée ébá a ngá kómo,
éde bé ngá ke ébe éñe.
14 Éde a ngá téle awóm bot ya bot bé beáñ,
ébá a ngá yo ná baapostol á mfá ye ná bé bee ñí ya fe mfá álóm bɔ́ ná bé ke bá kat mbamba fwéñ,
15 ya á mfá ye ná bé belé nguu ye átsílán ya mimbéa misísim.
16 [Awóm bot ya bot bé beáñ a ngá téle ébɔ́ bá:]
Simón,
éñí a ngá yo fe eyola ná Pedro;
17 Jakobo,
é mwán Zebedeo,
ya Juan mwanñaŋ Jakobo,
ébá a ngá yo fe ná Beboanerge (dá yíli ná,
“É Bwán Ndzaláŋ”);
18 Andrés,
Felipe,
Bartolomé,
Mateo,
Tomás,
Jakobo é mwán Alfeo;
Tadeo,
Simón mwann Kananita,
19 ya Judas Iskariote,
éñí a ngá kuan fe Yesus.
Yesus bá Beelzebú
20 Yesus a ngá sian á ndá enziŋ,
ané nkuna bot ó ngá bera mana nzu kóán,
akekwíñ ané ébɔ́ bĕé mbé fe dzí.
Markos 3.20-35
21 Éyɔŋ é bot béñ bé ngá wók dɔ,
bé ngá ke ná bá ke ñí ñɔŋ,
amú bé ngá dzó ná,
“Á ŋga kwan yaá á nlém.”
22 Éde beyágale métsiŋŋ ébá bé ngá sɔ́ á Yerusalen,
bé ngá dzó ná,
“A belé Beelzebú,
ndzwée mimbéa misísim,
ya fe ná aa tsílán ya mimbéa misísim ya é nguu deñ.”
23 Éde Yesus a ngá lwée bɔ́,
ané a ngá kɔ́bɔ ya bɔ́ ya menganán,
eé dzó ná,
“Sátan a ne tsílán ya Sátan á yá?
24 Ngé edzwée enziŋ dá kánan ébyen ya ébyen,
édzwée te é sés tɔbɔ ayaáp.
25 Ngé ndá bot enziŋ dá kánan ébyen ya ébyen,
ndá bot te é sés tɔbɔ ayaáp.
26 Ya fe ná,
ngé Sátan aa ke émyen á ngamm áyát,
a tɔɔ́ fe nkánán,
a sés tɔbɔ ayaáp,
fáve ná ásúgánn deñ é kwíñ yaá.
27 Ve mot enziŋ a sés ñíi é ndá ngunguú mot á ŋga twáa fe ñí byém,
ngé kaa ná a tára ñí ká;
véa a ntɔɔ́ ñí twáa byém á ndá.
28 Ma dzó mína bébélá ná bá ye dzáma bwann bé bot misémm ya nkɔ́bɔ abyann óse bá kɔ́bɔ.
29 Ve é mot áse aa kɔ́bɔ Mfúfúp Nsísim nkɔ́bɔ abyann,
ĕé belé ndzámann tám enziŋ,
fáve ná a ne ntotɔ́mm ye nsémm ó ne mbéámbéá.”
30 Amú bé ngá dzó ná,
“A belé nsísim mvin.”
Ñiá Yesus bábe Yesus bɔbéñaŋ
31 Éde ñiá bábe Yesus bɔbéñaŋ bé ngá sian,
ané bé ngá lígi átán,
bé lóm ná bé lwée ñí.
32 Abwiññ bot é mbé é tɔɔ́ ñí miféŋŋ,
éde bé ngá dzó ñí ná,
“Dággán,
ñuá ya bɔbéñɔŋ [ya bekéá],
bé ne átán,
bá dzéŋ wa.”
33 Éde a ngá yalan ya bɔ́ ná,
“Nzá a ne naná ya bɔbédzaŋ?”
34 Éde,
eé dága é bot bé mbé bé tɔɔ́ ñí eluŋa miféŋŋ myeñ,
a ngá dzó ná,