Yesus aa séñ mbóbók
2
Niané ayomm melú é ngá lot,
éyɔŋ Yesus a ngá bera sian á Kapernaúm,
kíŋŋ é ngá mana ke ná a ntɔɔ́ á ndá.
Markos 2.1-12
2 Ané abwiññ bot é ngá mana nzu kóán,
akekwíñ ná afóo dĕé mbé fe atwaa á mbéñ;
ané a ngá kat bɔ́ efíá.
3 Éde,
befám bé nii bé ngá sian bé sɔ́ ya ñí ya mbóbók.
4 Amú bĕé mbé kwíñ ya ñí é vóm Yesus a mbé akála nkuna bot,
éde bé ngá kpéñ mfá ndzií étun Yesus a mbé,
éde niané bé ngá yɔ́ɔ avéŋŋ,
ané bé ngá sili é mwann enɔŋŋ mbóbók ó mbé ó bóo.
5 Niané Yesus a ngá yén mbwínánn weba,
éde a ngá dzó mbóbók ná,
“Á mwán,
mísémm mwe mí ntɔɔ́ wa ndzámann.”
6 Beyágale métsiŋŋ benziŋ bé mbé bé tɔɔ́ ósí ó véa,
ané bé ngá dzó mílém myeba été ná,
7 “Amú dzé éñí aa kɔ́bɔ aaná?
Aa kɔ́bɔ nkɔ́bɔ abyann!
Nzá mfé a ne dzáma mísémm,
ve mot mbɔ́ɔ́,
fáve Nzamá?”
8 Etéññ te ébyen,
éde Yesus a ngá ñú táŋ á nsísim weñ été ná dzam te édɔ bá tém,
ané a ngá síli bɔ́ ná,
“Amú dzé mína tém amvála te mílém myenan été?
9 Dzé dá daŋ ya ebúbú ye ádzó mbóbók,
ye ná,
‘Mísémm mwe mí ntɔɔ́ wa ndzámann’,
ye ádzó ñí ná,
‘Tébegé,
twáagé é mwann enɔŋŋ we,
o wulu?’
10 Ve á mfá ye ná míní yem ná é Mwán Mot a belé nguu ye ádzáma mísémm é sí ñí.”
Éde a ngá dzó mbóbók ná,
11 “Ma dzó wa ná,
tébegé,
o twáa é mwann enɔŋŋ we,
o ke é ndá dzwe.”
12 Éde a ngá tébe,
ané a ngá twáa é mwann enɔŋŋ weñ,
etéññ te ébyen a kwíñ,
bésesé béé yén,
akekwíñ ané bésesé bé ngá voŋbe,
éde bé ngá vé Nzamá dúmá,
béé dzó ná,
“Bĭá bé tára yén ámvála dzam dí eyɔŋ enziŋ!”
Yesus aa lwée Leví
13 Éde Yesus a ngá bera ke éyɔŋ efé á nsá máŋ,
ané bot bése bé ngá nzu ébe éñe,
éde a ngá yágale bɔ́.
Markos 2.13-28
“Beegé ma.”
Ané a ngá tébe,
a bee ñí.
15 A ngá bɔ ná Yesus a tɔɔ́ ó téble é ndá Leví,
abwiññ beñɔŋ mfóŋsí ya bebɔ misémm bé ngá dzí bábe Yesus ya béyága beñ;
amú ná ébá bé ngá bee ñí bé mbé abwiññ.
16 Niané beyágale métsiŋŋ béye nsámá befariseo bé ngá yén ná aa dzí bábe bebɔ misémm ya beñɔŋ mfóŋsí,
ané bé ngá dzó béyága beñ ná,
“Amú dzé aa dzí [ya ñú] bábe beñɔŋ mfóŋsí ya bebɔ misémm?”
17 Niané Yesus a ngá wók dɔ,
ané a ngá dzó bɔ́ ná,
“É bot bé ne mvwaá băá yi dɔ́kira,
fáve ébá bé ne mikúkwann.
Meé ndzí nzu lwée benzósoó bé bot,
fáve bebɔ misémm.”
Álot metám kaa ádzí
18 Befariseo ya béyága Juan bé ngá lot metám méye á nkián bidzí,
ané bé ngá sɔ́.
Éde bé ngá dzó ñí ná,
“Amú dzé béyága Juan ya ébá befariseo bá lot métám méye á nkián bidzí,
ve béyága bwe bá băá ki bidzí?”
19 Éde Yesus a ngá yalan ya bɔ́ ná,
“Ye bemvwíññ é mot aa lúkgan bé ne ki bidzí,
ntéññ a ngén a tɔɔ́ bábe bɔ́?
Ntéññ é mot aa lúkgan a ngén bábe bɔ́,
bé sés ki bidzí.
20 Ve,
melú má nzu é tám é mot aa lúkgan aa ye bɔ́ kólo été,
ané bá bá ye fe ki bidzí mos te.
21 Mot enziŋ ăá vé mfefeñ abeét etóp á nnomm etóp,
amú ná mfefeñ abeét wá ye líni nnomm etóp,
véa avéŋŋ dá ye daŋ bɔ abé.
22 Mot enziŋ ăá nii ki é vino a ne mfefeñ méndák bikop bí tsít mé ne miyomm été,
amú ná vino aa ye bwíñ mendák méte bé dzímle vino bé dzímle fe mendák.
Ve,
bá nii é vino a ne mfefeñ méndák bikop bí tsít mé ne fe mifefeñ été.”
Beyága bá téñ mebáma é mos Sátará
23 A ngá bɔ ná Yesus a ngá lot méfúp été é mos Sátará ané béyága beñ,
ntéññ bé ngá lot bá bé ŋga tára ná bá téñ mebáma.
24 Éde befariseo bé ngá dzó ñí ná,
“Dággán,
amú dzé bá bɔ é dzam atsiŋŋ dăá yébe é mos Sátará?”
25 Éde a ngá dzó bɔ́ ná,
“Ye ná mínăá bé láŋ é dzam David a ngá bɔ eyɔŋ enziŋ,
é tám a ngá yi bidzí,
á ŋga wók nzeñ,
éñe ya é bot bábe bɔ́ bé mbé;
26 amvála avé a ngá ñíi é ndá Nzamá été,
métám ntébosú befára Abiatar,
ané a ngá dzí mífémm mí ne ya ntélán mam áyát,
é dzóm atsiŋŋ dăá yébe ná mot mfé aa dzí,
fáve befára,
a vé fe é bot bábe bɔ́ bé mbé?”
27 Éde a ngá dzó bɔ ná,