Bé ke ya Yesus ébe Pilato
27
Niané kírí e ngá léne,
betébosú befára bése ya mikúkúmá míye áyɔŋ bé ngá bɔ ekóánn mfá amvála bé ne ywíñ Yesus.
2 Éde niané bé ngá mana ñí ká,
bé kéñ ya ñí,
ná bá kee ñí ŋgɔ́vina Pilato.
Áwú Judas
3 Éde Judas,
éñí a ngá kuan Yesus,
niané a ngá yén ná bé vé yaá ñí meku,
á ŋga wórán bidzo á nlém weñ été,
ané a ngá ke búlu betébosú befára ya mikúkúmá moann mí ngoós mewóm mé léa,
4 eé dzó ná,
“Me bɔ yaá nsémm,
ná ma kee mékií mé ne kaa bidzo.”
Ve bá bé ngá dzó ñí ná,
“É ne bía dzé?
Wámyen ó wéñ!”
5 Éde a ngá wea ngoós te á templo été,
a kéñ;
niané a ngá ke á ywíñ émyen ya nkɔɔ́ ó kíŋŋ.
6 Ve betébosú befára bá bé ngá twáa ngoós te,
ané bé ngá dzó ná,
‘Atsiŋŋ dăá yébe ná bí nii é dzóm dí éwála moann ye á templo,
amú ná a ne ntáŋ mékií.’
7 Éde niané bé ngá bɔ ekóánn,
ané bé ngá kus áfúp é mot a ngá lwíñ byém ya sí ekwánn ya moann míte,
á mfá ádzep beyéŋ.
8 Ya akála te bá lwée afúp te anzukwíñ émuú ná,
Afóo sí Mekií.
9 Amvála te édɔ,
édí nkúlu medzó Jeremías a ngá dzó,
é ngá dzálában ná,
‘Bé ngá ñɔŋ moann mí ngoós mewóm mé léa,
é táŋ bwán béye Israel bé ngá kík.
10 Éde,
bé ngá kus áfúp é mot a ngá bɔ byém ya sí ekwánn ya moann míte,
amvála ané Ntí a ngá mánan ma.’ ”
Yesus a ne ébe ású Pilato
11 Éde Yesus a mbé téle ébe ású ŋgɔ́vina,
ané ŋgɔ́vina te a ngá síli ñí ná,
“Ye wa o ne é kéza bejudio?”
Éde Yesus a ngá dzó ñí ná,
“Wa wa dzó dɔ.”
12 Éde,
betébosú befára ya mikúkúmá bá béé sɔ́mán ñí,
ñí kaa áyalan dzam enziŋ.
13 Ané Pilato a ngá dzó ñí ná,
“Ye wăá wók ábímm mam bá bwaale wa ya mɔ dí?”
14 Ve Yesus ñí eé ndzí yalan ya ñí atwaa ya efíá evɔ́ɔ́ ya evɔ́ɔ́;
éde ŋgɔ́vina a ngá bíra voŋbe ya dɔ.
Bá kík nsaŋ ná Yesus aa wú
15 Édɔ ná,
kada fét,
ŋgɔ́vina a ngá bɔ eé suu áyɔŋ mbok mbɔ́ɔ́,
éwí bébyen bá kómo.
16 Véa,
bá bé mbé bé belé mbok enziŋ ó belé abwiññ éwógá,
béé lwée wɔ ná [Jesús] Barrabás.
17 Niané bé ngá bɔ ekóánn,
éde Pilato a ngá síli bɔ́ ná,
“Mína kómo ná me suu mína nzá?
Ye Barrabás,
ngé ki Yesus,
éñí bá lwée ná Kristo?”
18 Amú a ngá yem ná bé ngá kee ñí Yesus ya akála evínn.
19 Éde Pilato ñí a tɔɔ́ étɔɔ́ bá kík misaŋ,
ané ngéá a ngá lóm ná bé ke ñí dzó ná,
“O táa ñíi ádzó é nzósoó mot te été,
amú ná me bíra dzuk biyéyemm émuú ya ákála deñ.”
20 Ve,
betébosú befára ya mikúkúmá bá bé ngá mana fuk mikuna mí bot ná bé dzaa Barrabás,
ve Yesus ñá bé ywíñ.
21 Éde,
ŋgɔ́vina a ngá síli bɔ́ ná,
“Mbé ye bé beáñ bá,
mína kómo ná me suu mína?”
Ané bé ngá yalan ná,
“Barrabás!”
22 Éde Pilato a ngá síli bɔ́ ná,
“Nzá dzam ma ye bɔ Yesus,
éñí bá lwée ná Kristo?
Éde bésesé bé ngá dzó ná,
“Amú dzé?
Nzá mbéa dzam á bɔ?
Ve bá bé ngá daŋ yónyónan ná,
“Á kéŋ á krús!”
24 Éde Pilato eé yén ná a sés twáa dzam été,
fáve ná ebírán édɔ é ngá bɔ,
ané a ngá ñɔŋ mendzímm,
á ŋga sop mó ébe ású nkuna bot,
eé dzó ná,
“Mé ne nkeññ ébe mékií é mot ñí;
mína bébyen ó wéñ.”
25 Éde bot bése bé ngá yalan ná,
“Mékií meñ mé kpá míló myea áyóp,
ya émí é bwán bea!”
26 Ané a ngá kúlu bɔ́ Barrabás;
ve niané bé ngá mana yít Yesus,
éde a ngá kee bɔ́ ñí á mfá ye ná bé ywíñ ñí á krús.
Bá kpógo Yesus
27 Éde bénzima ŋgɔ́vina bé ngá ke ya Yesus á kpatéle,
ané nsámá benzima te óse ó ngá mana ñí boman;
28 bé ŋga swala ñí bitóp bé bwára ñí mbamba étóp ó ñúu.
29 Véa,
niané bé ngá mana tsiŋ korona kát biyɔɔ́,
bé bwát ñí dɔ nló,
bé kee fe ñí ntúmm é wéá meyóm weñ;
bé ŋga kút ñí mebɔ́ŋŋ ébe ású deñ,
bé ŋga kpógo fe ñí,
béé dzó ná,
“É kéza bejudio ó yóp!”
30 Éde,
béé túp ñí menden,
bé ŋga bími ñí ntúmm nló.
31 Niané bé ngá mana ñí kpógo,
éde bé ngá swala ñí mbamba etóp,
bé bwára ñí bítóp byeñ,
éde bé ngá ke ya ñí á krús.
Bá dɔ́mle Yesus á krús
32 É tám bé ngá ke ya ñí,
véa bé koan ya mot enziŋ ye á Sirene,
a tɔɔ́ éyola ná Simón,
ané bé ngá yémle ya ñí ná á baga é krús Yesus.
33 Niané bé ngá kwíñ é vóm bá lwée ná Gólgota,
dá yíli ná,
“Vóm ye Ékpékpéññ Nló”,
34 éde bé ngá vé ñí é vino a mbé ayoo ná á ñú;
ve niané a ngá kyak wɔ́,
eé ndzí wɔ́ kómo ñú.
35 Ákoan ná bé dɔ́mle yaá ñí á krús,
ané bé ngá kapban bítóp byeñ,
béé kyak bemaa (á mfá ye ná édí nkúlu medzó a ngá dzó é dzálában ná,
‘bé ngá kapban bítóp byam,
béé kyak bemaa é byém byam’).
36 Éde bé ngá tɔbɔ ósí ó véa,
béé kálá ñí.
37 Éde,
bé ngá kele ñí á nló áyóp ésɔ́mán deñ,
é tɔɔ́ ntsilann ná,
“Yesus éñe ñí,
é kéza bejudio.”
38 Éde bé ngá dɔ́mle á krús benzeé midzɔ́ŋŋ bé beáñ bábe bɔ́,
mbɔ́ɔ́ ó tɔɔ́ ñí mfá meyóm,
éwí mbɔ́ɔ́ wá ó tɔɔ́ ñí mfá meyéá.
39 Ané é bot bé ngá lot ó véa bá bé ŋga tea ñí,
béé sigle miló,
40 béé dzó ná,
“Wa é mot wa tsam templo,
o bera fe dɔ lóŋ nia melú mé léa!
Korogé wámyen ngé o ne é Mwán Nzamá,
siggé fe á krús!”
41 Amvála te fe,
betébosú befára bábe beyágale métsiŋŋ,
(ya befariseo) ya mikúkúmá bá bé ŋga kpógo fe ñí,
béé dzó ná,
42 “A ngá koro bot befé,
ve a sés koro émyen!
A tɔɔ́ fe kéza ye Israel!
Á siggé á krús áwola dí,
véa bía ye ñí bwíni.
43 Aá tɔbɔ ya Nzamá mebúnn;
Nzamá te á korogé ñí áwola dí ngé aa kómo;
amú á dzó ná,
‘Me ne é Mwán Nzamá.’ ”
44 Ámvála te ébyen fe benzeé midzɔ́ŋŋ bá bé mbé bé tɔɔ́ ndɔ́mlán á krús bábe bɔ́ bá bé ŋga kɔ́bɔ fe ñí abé.
Áwú Yesus
45 Éde,
dzíbi é ngá ku sí ngúrá atéé ye amyeré akekwíñ méwola mé léa ye ngɔgáse.
46 Ané,
bebeñ méwola mé léa,
éñe Yesus a ngá yónán ya kíŋŋ oyaáp ó yóp,
eé dzó ná,
“Éli,
Éli,
lema sabaktani?”
Dzam te dá yíli ná,
“É Nzamá wɔm,
É Nzamá wɔm,
amú dzé o lama yaá ma?”
47 Éde,
bot benziŋ béye é bot bé mbé ó véa,
niané bé ngá wók dɔ,
bé ŋga dzó ná,
“Éñí aa lwée Elías.”
48 Etéññ te ébyen,
éde mot mbɔ́ɔ́ ye été a ngá ke mbíí,
a ñɔŋ efús etóp,
a du dɔ é vino a ne saŋŋ été,
á ŋga ká dɔ á ntéŋ elé,
a vé ñí dɔ ná á ñú.
49 Ve é bot bevɔ́ɔ́ bá bé ŋga dzó ñí ná,
“Líkgán ñí,
bí ben yén ngé Elías aa nzu ñí koro.”
50 Ve Yesus a ngá bera yónán ya kíŋŋ oyaáp ó yóp,
éde a ngá suu nsísim.
51 Véa mfim étóp á templo ó ngá ñaba bifas bí beáñ,
atéé ye ó yóp akekwíñ ó sí,
ané sí e ngá fógan,
mekwá má mé ŋga bólo,
52 mésɔŋ mé ŋga yɔ́ŋbe;
éde abwiññ mífúfúp mí bot émí mí mbé óyó [nwúán] mí ngá wómo.
53 Éde,
niané Yesus a ngá wómo,
véa bá bé ngá kólo mésɔŋ,
bé ñíi á mfúfúp kísoan,
bé ŋga yéne ébe abwiññ bot.
54 Niané kaba ye á Roma ya é bot bábe bɔ́ bé ngá kálá Yesus bé ngá yén mí sukban mí sí,
ya é mam mé ngá bɔban,
éde bé ngá bíra kɔ wɔŋŋ,
béé dzó ná,
“Bébélá é mot ñí a tɔɔ́ é Mwán Nzamá!”
55 Abwiññ biningá é ngá nzu dá bee Yesus,
atéé ye á Galilea béé belan ya ñí,
dá é mbé fe ó véa,
béé dága bé téle oyaáp;
56 bé mbé été ná;
María Magdalena,
María ñiá Jakobo bá José,
ya é bwán Zebedeo ñiá.
Bá dzep Yesus
57 Niané ŋgɔgɔ́ e ngá kwíñ,
nkúkúmm mot enziŋ ye á Arimatea ó ngá sɔ́,
béé lwée ñí ná José,
ñí a mbé fe nyága Yesus;
58 éde mot te a ngá ke yén Pilato,
aa dzaa ñí mbim Yesus.
Ané Pilato a ngá mánan ná bé kee ñí wɔ́.
59 Véa José a ngá ñɔŋ mbim,
éde a ngá vígile wɔ́ á mbamba mfúbánn etóp été.
60 Éde a ngá bwíi wɔ́ á mfefeñ sɔŋ weñ,
éwí a ngá mana fá ákwá été,
éde niané bé ngá bígle mora akwá á mbéñ sɔŋ,
a kéñ.
61 Ve,
María Magdalena a mbé ó véa,
bá é María mbɔ́ɔ́,
bé tɔɔ́ ósí á sɔŋ ósú.
Benzima bá kálá é sɔŋ Yesus
62 É mos ó ngá belan véa,
nia álot éwí bá koman,
éde betébosú befára bábe befariseo,
bé ngá ke kóán ébe Pilato.
63 béé dzó ñí ná,
“Á Ndzwée,
bía síman ná éyɔŋ nduk bot te a mbé ntétéá,
a ngá dzó ná,
‘Nia melú mé léa ma ye wómo.’
64 Édɔ ná,
mánaŋán ná bot bé ke túga kálá sɔŋ akekwíñ álú léa,
a nza bɔ ná ngé béyága beñ bé kéñ,
bé dzíp mbim,
véa bé dzó bot ná a wómo yaá míwúán été.
Éde méduk má súgan má ye daŋdaŋ ya abé álot émá ósúá.
65 Ané Pilato a ngá dzó bɔ́ ná,