Bá tébe Yesus enginiŋe
26
A ngá bɔ ná,
niané Yesus a ngá mana kɔ́bɔ mam méte mése,
éde a ngá dzó béyága beñ ná,
2 “Mína yem ná,
nia melú mé beáñ bá ye dzémle é fét Paskua,
ané é Mwán Mot bá ye ñí kee ná bé ke ya ñí á krús.”
3 Éde betébosú befára bábe mikúkúmá míye áyɔŋ bé ngá kóán á yát ntébosú befára nnén bá lwée ná Kaifas.
4 Ané,
bé ngá tébe enginiŋe bébyen ya bébyen ná ya meduk bé biñ Yesus bé ywíñ fe ñí.
5 Ve,
bé ngá dzó ná,
“Se tám fét,
mfá ebírán é nza bɔ á bot été.”
Miningá aa wáa Yesus mbwánn énum
6 Éde éyɔŋ Yesus a mbé á Betania,
é ndá Simón,
éñí a mbé a belé okwann nzamm;
7 ané,
miningá enziŋ a ngá sian a belé afoná mbwánn enum ó mbé mora táŋ,
éde a ngá swii wɔ́ Yesus nló éyɔŋ a mbé a tɔɔ́ ó téble.
8 Ve,
niané beyága bé ngá yén dzam te,
ané bé ngá wók abé,
éde bé ngá dzó ná,
“Amú dzé bá ywíñ ntuk ámvála dí?
9 Amú ná mbwánn enum wí bá tɔɔ́ wɔ́ kuan bora táŋ,
bé vé mitétéññ moann te.”
10 Niané Yesus a ngá ñú dɔ táŋ,
éde a ngá dzó bɔ́ ná,
“Amú dzé mína bɔ miningá te sɔ́m?
A bɔ yaá ma mbamba dzam.
11 Amú ná mína ye belé mitétéññ tám áse énzénzaŋ denan été,
ve ma mínăá ye ma belé tám áse.
12 Amú ná miningá te á swii ma mbwánn enum wí ó ñúu dam ná aa koman ma á mfá ndzepbann ó sɔŋ wɔm.
13 Éde ma dzó mína bébélá ná,
é vóm áse bá ye kat é mbamba fwéñ ñí,
ébe éniŋ ngúrá,
bá ye fe kɔ́bɔ é dzam é miningá ñí a mvá bɔ,
ná bá síman ñí.”
Judas aa kuan Yesus
14 Éde nyága mbɔ́ɔ́ ye béyága awóm ya bé beáñ,
éñí a mbé éyola ná Judas Iskariote,
a ngá ke yén betébosú befára.
15 Ané a ngá dzó bɔ́ ná,
“Nzá dzóm mína kómo ma vé á mfá ye ná me kuan mína ya ñí?”
Éde bé ngá vak ñí moann mí ngoós táŋ mewóm mé léa.
16 Ané,
atéé ye eyɔŋ te a ngá tára ná aa dzéŋ é tám e ne mvéáñ á mfá ye ná aa ye kee bɔ́ ñí.
Yesus aa dzí bidzí bíye ó Paskua
17 É mos ósúá ye é fét mífémm mí ne kaa levadura,
beyága bé ngá ke kóán bábe Yesus,
éde bé ngá síli ñí ná,
“Vóm mbé wa kómo ná bí ke wa koman ná o dzí Paskua?”
18 Ané a ngá dzó ná,
“Keŋán á kísoan,
ébe mot enziŋ,
míní dzó ñí ná,
‘Nyágale aa dzó ná,
“É tám dam é ntɔɔ́ bebeñ;
ma ye dzémle Paskua é ndá dzwe bíabe béyága bam.”
19 Éde,
beyága bé ngá bɔ ané Yesus a ngá mánan bɔ́,
amvála ané bé ngá koman Paskua.
20 Niané á alú e ngá kwíñ,
ané Yesus a ngá tɔbɔ ó téble bábe beyága awóm ya bé beáñ.
21 Éde béé dzí,
á ŋga dzó bɔ́ ná,
“Bébélá ma dzó mína ná mot mbɔ́ɔ́ ye ébe mína aa ye ma kuan.”
22 Ané,
bé ngá bíra tɔbɔ eywiññ,
bé ŋga síli fe ñí mbɔ́ɔ́ ya mbɔ́ɔ́ ná,
“Á Ntí,
ye ma,
ngeá?”
23 Ve Yesus ñí a ngá yalan ná,
“É mot á nii wéá éfela été bía ñí,
éñe a ne é mot aa ye ma kuan.
24 É ntɔɔ́ ná,
é Mwán Mot aa ke amvála ané é ne ntsilann á mfá weñ;
ve,
ngwáa ya é mot aa ye kuan é Mwán Mot!
É mbé mot te mvéáñ ná a bɔ kaa ábyálá.”
25 Éde Judas,
éñí a mbé ná aa kuan ñí a ngá síli ná,
“Á Rabí,
ye ma,
ngeá?”
Éde a ngá dzó ñí ná,
“Wa o dzó yaá dɔ.”
26 Éyɔŋ bé ngá dzí,
ané Yesus a ngá ñɔŋ mfémm,
niané a ngá vé abwará ya wɔ́,
a bák wɔ́,
a vé fe wɔ́ béyága beñ,
éde a ngá dzó ná,
“Ñɔŋŋán;
dzáán,
é ñúu dam édɔ ñí.”
27 Ané a ngá ñɔŋ kɔ́p,
niané a ngá mana vé akíba,
a kee bɔ́ dɔ,
eé dzó ná,
“Ñáán dɔ mína bésesé,
28 amú ná mékií mam émɔ má,
émá méye á [mfefeñ] élat,
émɔ má swii ákála abwiññ bot á mfá ndzwiiann mísémm.
29 Ma dzó mína ná,
măá ye bera ñú ebumá ye á ndzík vino,
atéé ye áwola dí akekwíñ é mos ma ye dɔ ñú mfefeñ bíabe mína édzwée ngɔ́mán Tará.
30 Éde niané bé ngá mana yee dzeá,
ané bé ngá kwíñ bé kéñ á nkoó Álíba.
31 Véa éñe,
Yesus a ngá dzó bɔ́ ná,
“Álú dí mína bésesé mína ye mana dzímle mbwínánn ákála dam,
amú é ne ntsilann ná,
‘Ma ye bími nkálá mitómá,
véa mítómá myá ye mana myean.’
32 Ve,
niané ma ye wómo,
ma ye mína ke ósú á Galilea.”
33 Éde Pedro a ngá dzó ñí ná,
“Ngé bot bése bá bá dzímle mbwínánn ákála dwe,
ma măá ye dzímle mbwínánn amvála enziŋ.”
34 Ané Yesus a ngá dzó ñí ná,
“Bébélá ma dzó wa ná álú dí,
kaa ná nnóm kúp á lɔ́ŋ,
wa ye ma kat táŋ biyɔŋ bí léa.”
35 Éde Pedro ñí a ngá dzó ñí ná,
“Atwaa ma ke wú bía wa,
me sés wa kat eyɔŋ enziŋ.”
Ané béyága bése bevɔ́ɔ́ bá bé ngá dzó fe ntéññ mbɔ́ɔ́.
Yesus aa yaglan á Getsemaní
36 Éde Yesus a ngá ke sian bábe bɔ́ é vóm bá lwée ná Getsemaní,
ané a ngá dzó béyága beñ ná,
“Tɔbɔgán ósí ó vá,
ntéññ ma ke yaglan ólwí.”
37 Éde a ngá ke bá Pedro,
ya é bwán bé beáñ Zebedeo,
ané a ngá tára ná aa ywian,
ya áwók nlém mitéñ.
38 Éde a ngá dzó bɔ́ ná,
“Nsísim wɔm wá bíra wórán eywiññ áwú;
líggán ó vá,
tɔbɔgán fe evéveññ bíabe mína.”
39 Ané a ngá yit ósú avítsaŋ,
a ku ású ósí,
á ŋga yaglan ná,
“Á Tará,
ngé é ne bɔban ná é kɔ́p ñí eé lot ma áyóp;
fáve ná é táa bɔ amvála ané ma ma kómo,
ve amvála wa wa kómo.
40 Éde,
a ngá búlán ébe béyága,
á koan ya bɔ́ béé ke óyó.
Éde a ngá dzó Pedro ná,
“Ye ná míní sés tɔbɔ evéveññ bíabe mína táŋ áwola avɔ́ɔ́?
41 Tɔbɔgán evéveññ,
yaglánán fe á mfá ye ná míní nza ku mébóblé été;
bébélá nsísim ó belé nkómánn,
ve é ñúu mison da e ne ateák.”
42 Éde,
a ngá bera kólo éyɔŋ beáñ,
ané a ngá yaglan ná,
“Á Tará,
nde é kɔ́p ñí e sés ma lot áyóp kaa ná ma ñú dɔ,
nkómánn we éwɔ ó bɔɔ́ge.”
43 Niané a ngá búlán,
á bera koan ya bɔ́ béé ke óyó,
amú ná bé ngá bíra wók óyó.
44 Éde,
a ngá bera bɔ́ lík,
a kéñ yaglan éyɔŋ léa,
eé bera dzó bifíá bivɔ́ɔ́ ya bivɔ́ɔ́.
45 Ané,
a ngá sɔ́ ébe beyága,
a dzóo bɔ́ ná,
“Ye ná míní ngén míní bóo óyó ya awaabé?
Dággán ná,
áwola é kwíñ yaá,
éde ná é Mwán Mot a ntɔɔ́ nkeán é mó bebɔ misémm.
46 Tébegán,
bí keŋán!
Dággán ná é mot aa kuan ma a ntɔɔ́ bebeñ.”
Bá biñ Yesus
47 Ákoan ná Yesus a ngén aa kɔ́bɔ,
ané Judas,
mbɔ́ɔ́ ye béyága awóm ya bé beáñ,
a ngá sian bábe nkuna bot,
bé belé mibéŋŋ mílé ya nzwaakeŋ,
béé sɔ́ ébe betébosú befára,
beyem metsiŋŋ,
ya ébe mikúkúmá míye áyɔŋ.
48 Éde é mot a ngá kuan ñí,
aá vé bɔ́ ndem,
eé dzó ná,
“É mot ma ñáŋ amáŋŋ,
mot te éñe ñí;
biñŋán ñí.”
49 Etéññ te ébyen ané a ngá yit Yesus bebeñ eé dzó ñí ná,
“Á mbóló,
á Rabí!”
“Á mwíi,
bɔɔ́ge é dzam o sɔ́ bɔ.”
Éde bé ngá yit bebeñ,
bé kee Yesus mó ó ñúu,
béé biñ ñí.
51 Ané mot mbɔ́ɔ́ ye é bot bábe Yesus bé mbé,
eé sám wéá,
éde a ngá vea nzwaokeŋ weñ,
ané a ngá baa oloá ntébosú befára,
a kík ñí alɔ́.
52 Éde Yesus a ngá dzó ñí ná,
“Niigé nzwaokeŋ we é vóm weñ;
amú ná é bot bése bá twáa nzwaokeŋ,
bá ye fe wú ya nzwaokeŋ.
53 Ye wa tém ná me sés dzaa Tará,
ñí a vé fe ma misámá binzuk mí baángel áwola dí ébyen á lot táŋ awóm ya mí beáñ?
54 Ve,
nzá amvála fe Mitsili myá myá ye dzálában,
émí myá dzó ná,
néa éñe dá yian bɔ?”
55 Véa éñe,
Yesus a ngá síli nkuna bot ná,
“Ye mína nzu ya mibéŋŋ mílé ya nzwaakeŋ ébe ma,
amvála ané ngé bá biñ nzeé midzɔ́ŋŋ?
Kada mos má tɔɔ́ á templo,
meé yágale bot,
mína kaa ma ábiñ.
56 Ve dzam te áse dá bɔban á mfá ye ná Mítsili bekúlu medzó mí dzálában.”
Éde beyága bése bé ngá lík ñí,
bé túp.
Yesus a ne ékóánn bá kík misaŋ
57 Ané,
é bot bé ngá biñ Yesus bé ngá ke ya ñí ébe ntébosú befára nnén Kaifas,
é vóm beyágale métsiŋŋ ya mikúkúmá bé mbé bé kóán.
58 Ve Pedro a ngá ke aa bee ñí oyaáp ómvús,
akekwíñ á yát ntébosú befára nnén,
éde a ngá ñíi,
a tɔbɔ ósí bábe mewasíli mfá áyén asúgánn ye dzam te áse.
59 Véa,
betébosú befára ya ekóánn ése,
bé ngá dzéŋ ná bé belé é ngañiá a ne minéa ébe Yesus á mfá ye ná bé ywíñ ñí,
60 ve bá kaa ákoan ya ñí,
afáŋbɔ ná minéneá bengañiá mí mbé abwiññ.
Ve ó mvús véa bot bé beáñ bé ngá sian,
61 bé ŋga dzó ná,
“É mot ñí a ngá dzó ná,
‘Me ne tsam é templo Nzamá,
mé bera fe dɔ lóŋ táŋ melú mé léa.’ ”
62 Éde,
ntébosú befára nnén,
a ngá tébe,
eé dzó ñí ná,
“Ye ná wăá yalan dzam enziŋ?
Nzá dzam é bot bá,
bá bwaale wa ya dɔ dí?”
63 Ve Yesus ñí a ngá sis evóó.
Éde ntébosú befára nnén a ngá dzó ñí ná,
“Ma dzaa wa ya nkanann sɔŋ ébe éyola é Nzamá a ne ntétéá ná,
o kat bía ngé wa o ne Kristo,
é Mwán Nzamá.”
64 Ané Yesus ñí a ngá dzó ñí ná,
“Wámyen o dzó yaá dɔ;
ve,
ma dzó mína ná,
‘Atéé ye áwola dí mína ye yén
é Mwán Mot a tɔɔ́ á mfá méyóm
éñí a ne Nguu,
eé sɔ́ fe míkút míye á dzóp été.”
65 Éde ntébosú befára nnén a ngá ñap bítóp byeñ,
eé dzó ná,
“Ákɔ́bɔ nkɔ́bɔ abyann!
Nzá dzam fé bía bera yi ya dɔ ya bengañiá?
Dággán ná,
áwola dí ébyen míní wók yaá nkɔ́bɔ abyann weñ;
66 mína yén á yá?”
Ané bé ngá yalan ná,
“Aa yian wú!”
67 Éde bé ngá túp ñí menden ású,
bé ŋga bími ñí bikúrá,
ébá bevɔ́ɔ́ bá bé ŋga vé ñí mebéáñ ánu,
68 béé dzó ná,
“Á Kristo,
túpge!
Nzá á bími wa?”
Pedro aa kat Yesus
69 Ve Pedro ñí a mbé a tɔɔ́ átán,
á yát été,
ané mbɔ biséññ miningá enziŋ a ngá yit ñí bebeñ a dzóo ñí ná,
“Wa wa tɔɔ́ fe mínabe Yesus mwann Galileo.”
70 Ve ñí a ngá kat dɔ ébe ású bésesé,
eé dzó ná,
“Măá yem é dzam wa dzó.”
71 Ve,
éyɔŋ a ngá nzu kwíñ mbéñ,
miningá mfé ñí a ngá yén ñí,
ané a ngá dzó é bot bé mbé ó véa ná,
“E mot ñí a tɔɔ́ bábe Yesus,
mwann Nasareo.”
72 Éde a ngá bera dɔ kat,
ya nkanann sɔŋ,
eé dzó ná,
“Măá yem mot te!”
73 Niané oyomm tám ó ngá lot,
éde é bot bé mbé ó véa bé ngá nzu koan ya Pedro,
ané bé ngá dzó ñí ná,
“É ne été ná o ne mot mbɔ́ɔ́ ye ébe bɔ́;
amú ná atwaa ámvála wa kɔ́bɔ dá dá lére dɔ.”
74 Éyɔŋ te a ngá tára ná aa boŋ ya fe ákan sɔŋ,
ná,
“Măá yem mot te!”