Nzá aa daŋ ya eban?
18
Áwola te beyága bé ngá nzu koan ya Yesus,
béé síli ná,
“Nzá aa daŋ ya eban édzwée ngɔ́mán ye á dzóp?”
“Ma dzó mína bébélá ná,
ngé mína kaa átsén míní bɔ ané abɔ́bɔ́ŋŋ,
mínăá ye ñíi édzwée ngɔ́mán ye á dzóp,
amvála enziŋ.
4 Édɔ ná,
éñí áse aa sili émyen ósí amvála ané ómómɔ́ŋŋ wí,
mot te éñe aa daŋ ya eban édzwée ngɔ́mán ye á dzóp.
5 Éñí ñí aa ñɔŋ fe omómɔ́ŋŋ ovɔ́ɔ́ amvála ané éwí ya akála éyola dam,
ma fe aa ñɔŋ.”
Áŋgónó dzam ye ábɔ nsémm
6 “Ve,
éñí aa bɔ mɔ́ŋŋ mbɔ́ɔ́ ye abɔ́bɔ́ŋŋ dá bwíni ma dí,
é dzam dá kɔp ñí obaá;
éñe ñí mvéáñ ná bé kele ñí é mora ákwá edzakás dá dulu ó kíŋŋ,
á wú ya abúk édwá máŋ été.
7 Ngwáa ya éniŋ dzí mfá é mam má kɔp bot obaá!
Amú ná bikɔp obaá bí sés bɔ kaa ásɔ́.
Ve,
ngwáa ya é mot a bɔ ná bikɔp obaá bí sɔ́;
8 Ve,
ngé é wéá we,
ngé ki ábɔ dwe dá bɔ wa ná o bɔ nsémm,
kíkge dɔ,
o wea dɔ ó féñ;
é ne wa mvéáñ ná o ñíi éniŋ o tɔɔ́ ya etun enam ngé ki ya etun abɔ,
ye ná o belé binam bí beáñ ya mebɔ mé beáñ bá bé wea wa é ndúán e ne mbéámbéá été.
9 Éde ngé é dzís dwe dá bɔ wa ná o bɔ nsémm,
fonŋe dɔ,
o wea dɔ ó féñ.
É ne wa mvéáñ ná o ñíi éniŋ ya dzís avɔ́ɔ́,
ye ná o belé mís mé beáñ bá bé wea wa ébéññ ndúán été.”
10 “Dággán ná,
míní táa byana mɔ́ŋŋ mbɔ́ɔ́ ye ábóbwán dí,
amú ma dzó mína ná á dzóp été,
é baángel beba,
bá yén ású é Tará a ne á dzóp été eyɔŋ ése.
11 [Amú ná é Mwán Mot a sɔ́ yaá ná aa koro é dzóm é ngá dzími.]”
É nganán ntómá ó ngá lés nzenn
12 “Mína yén á yá?
Ngé mot enziŋ a belé ntet mitómá,
ovɔ́ɔ́ ye été wa ó lés nzenn,
ye ná ăá ye lík mitómá mewóm ebuú ya ebuú (99) míkoó été,
a kéñ aa dzéŋ éwí ó mvá lés nzenn?
13 Édɔ ná,
ngé é bɔban ná a kóán ya wɔ́,
ma dzó mína bébélá ná,
aa ye daŋ sán ya éwí te álot mítómá mewóm ebuú ya ebuú (99) mí mvá bɔ kaa álés nzenn.
14 Amvála te fe,
dé sés nkómánn Ésúá wenan a ne á dzóp été,
ná mwán mbɔ́ɔ́ ye ábóbwán dí á dzímle.”
Mfá bidzwiigá
15 “Ve,
ngé mwanñɔŋ a vus ya wa,
kéŋ ñí bwaale ásweññ;
ngé á béá wa,
o wún yaá mwanñɔŋ.
16 Ve,
ngé a bɔ kaa wa ábéá,
lwéegé mot mbɔ́ɔ́,
ngé bé beáñ befé,
á mfá ye ná adzó áse bé yén dɔ ya béngañiá bé beáñ,
ngé ki bé léa.
17 Ve,
ngé a bɔ kaa bɔ́ ábéá,
katge dɔ ékóánn bebwíni;
éde ngé aa bɔ fe kaa ábéá ekóánn bebwíni,
yénŋe ñí ané mot ye meyɔŋ mefé ngé ki ñɔŋmfóŋsí.”
18 “Ma dzó mína bébélá ná,
édí áse mína tsini á sí ó vá,
dá ye tɔbɔ ntsinann á dzóp;
édí áse dá mína tsii á sí ó vá,
dá ye tɔbɔ ntsiián á dzóp.”
19 “Ma bera fe mína dzó ná,
ngé bot bé beáñ béye ébe mína bé kwíñ kíŋŋ ébe édí áse bá dzaa á sí ó vá,
é Tará a ne á dzóp aa ye bɔ́ dɔ bɔ,
20 amú ná é vóm bot bé beáñ,
ngé ki bé léa bá kóán akála éyola dam,
me ne bɔ́ énzénzaŋ ó véa.”
21 Ané Pedro a ngá yit ñí bebeñ,
a dzó ñí ná,
“Á Ntí,
biyɔŋ táŋ á yá mwadzaŋ aa yian vus ya ma,
ná ma ma yian ñí dzwii?
Ye akekwíñ biyɔŋ zaŋgbéá?”
22 Éde Yesus a ngá dzó ñí ná,
“Măá dzó wa ná akekwíñ biyɔŋ zaŋgbéá,
fáve ná akekwíñ biyɔŋ mewóm zaŋgbéá ya biyɔŋ zaŋgbéá.”
É nganán mbéa oloá
23 “Ya akála te,
édzwée ngɔ́mán ye á dzóp dá fonan ya kéza enziŋ éñí a ngá kómo yén mémvóla áloá deñ.
24 Éde,
niané a ngá tára ná aa bɔ dɔ,
ané a ngá sɔ́ ya éñí mbɔ́ɔ́ a belé ñí mvólá táŋ abwiññ baakúru.
25 Ve,
éñe kaa ábelé ámvála a ne yáán ya ñí dɔ,
éde é mása weñ a ngá mánan ná bé kuan oloá te,
fufúlu bá ngéá,
ya é bwán béñ,
ya é byém bíse a mbé a belé,
á mfá ye ná yáán ya ñí mvólá.
26 Ané,
oloá te ó ngá kút mebɔ́ŋŋ ó sí,
weé dzó ná,
‘Belégé edzíp ya ma,
ma ye mana yáán ya wa áse.’
27 Éde é mása oloá te a ngá yén ñí engóngɔ́ɔ́,
ané a ngá lík ñí,
a dzáma fe ñí ya mvólá.
28 “Ve,
niané oloá te ó ngá kólo,
ó koan ya óloá ovɔ́ɔ́ ná bá éwí te,
bá béé eséññ fufúlu,
ná wá ó belé ñí oyomm moann,
éde a ngá biñ ñí ya mó,
á ŋga fít ñí kíŋŋ,
eé dzó ná,
‘Yáágán ya ma é mvólá o belé ma.’
29 Éde óloá te wá ó ngá ku ósí,
ó ŋga dzaa ñí engóngɔ́ɔ́,
ná,
‘Belégé edzíp ya ma,
ma ye yáán ya wa.’
30 Ve,
weé ndzí dɔ kómo,
fáve ná,
ó ngá ke,
ó dum éwí te á mbok ná akekwíñ wá mana yáán é mvólá ó mbé ó belé ñí.
31 Édɔ ná,
niané áloá avɔ́ɔ́ mása te é ngá yén é dzam é ngá bɔban,
éde é ngá bíra tɔbɔ eywiññ,
é kéñ fe kat é mása weba édí áse é ngá bɔban.
32 Éde,
é mása weñ,
a ngá lwée ñí,
a dzó ñí ná,
‘Ékúkwát oloá,
maá dzáma wa ya é mvólá dam ásesé,
amú ná waá dzaa ma engóngɔ́ɔ́.
33 ‘Ye ná wa wĕé mvá yian yén óloá ovɔ́ɔ́ wí engóngɔ́ɔ́,
amvála ané ma me ngá yén fe wa engóngɔ́ɔ́?’
34 Éde ya nlém abé,
é mása weñ a ngá kee ñí belére bot bíndáglé ná bé ndágle ñí akekwíñ ané aa mana yáán é mvólá áse a mbé a belé ñí.
35 Amvála te fe,
é Tará a ne á dzóp été,
aa ye bɔ ya mína,
ngé kada mot ye ébe mína ăá dzáma mwanñaŋ atéé ye mílém myenan été.”