É ñúu Yesus da tsén
17
Niané melú mé saman mé ngá lot,
éde Yesus a ngá ñɔŋ Pedro,
bá Jakobo ya mwanñaŋ Juan,
ané a ngá ke ya bɔ́ á nkoó enziŋ oyaáp ó yóp,
ébɔ́ etámm.
La transfiguración (Mateo 17.1-13)
2 Éde é ñúu deñ e ngá tsén ébe ású deba;
ású deñ é ŋga feañ ané nlódzóp,
bítóp byeñ byá bí veŋan fe mifúm,
bí ŋga bíra fe feañ ané eyéá.
3 Éde véa,
Elías bá Moisés bé ngá yéne bábe bɔ́,
béé kɔ́bɔ.
4 Ané Pedro a ngá dzó Yesus ná,
“Á Ntí,
é ne mvéáñ ná bí tɔbɔ ó vá;
ngé wa kómo,
ma ye lóŋ bíbemm bí léa,
wa evɔ́ɔ́,
Moisés evɔ́ɔ́,
Elías ñí a evɔ́ɔ́ fe.”
5 Ákoan ná a ngén aa kɔ́bɔ,
véa nkút weé feañ,
ó mana bɔ́ boman;
éde kíŋŋ e ngá sɔ́ á nkút été,
deé dzó ná,
“Ndzindziŋŋ Mwán wɔm éwɔ wi,
éñí aa vé ma mesán á nlém;
éñe béágán.”
6 Éyɔŋ beyága bé ngá wók dzam te,
bé ŋga bíra kɔ wɔŋŋ,
ané bé ngá ku ya mesú ósí.
7 Éde Yesus a ngá yit bɔ́ bebeñ,
á ŋga nama bɔ́,
eé dzó ná,
“Tébegán,
míní táa kɔ wɔŋŋ.”
8 Niané bé ngá bére mís ó yóp,
béé ndzí yén mot enziŋ,
fáve Yesus émyen etámm.
9 Éde béé sigi nkoó,
ané Yesus a ngá mánan bɔ́ ná,
“Míní táa kat mot enziŋ é dzam míní mvá yén dí,
akekwíñ ané é Mwán Mot aa wómo míwúán été.”
10 Éde béyága beñ bé ngá síli ñí ná,
“Amú dzé beyágale métsiŋŋ bá dzó ná Elías éñe aa yian tára sɔ́?”
11 Ve,
ñí a ngá yalan ná,
“É ne bébélá ná Elías éñe aa nzu,
aa bera mana kom mam mése;
12 ve,
ma dzó mína ná Elías a sɔ́ yaá,
éde bot béé ndzí ñí yem;
fáve ná,
bé ngá bɔ ñí é mam mése bé ngá kómo.
Amvála te fe,
é Mwán Mot ñí a nkún yén midzuúk é mó meba.”
13 Ané beyága bé ngá yem ná aa kɔ́bɔ ya bɔ́ á mfá Juan Ndubot.
Yesus aa séñ mɔ́ŋŋ okwann okúbégé
14 Niané bé ngá sian é vóm nkuna bot ó mbé,
éde mot enziŋ a ngá nzu koan ya ñí,
ané a ngá kútbe ó sí ébe ású deñ,
eé dzó ná,
15 “Á Ntí,
yénŋe é mwán wɔm engóngɔ́ɔ́,
amú ná aa kwan okúbégé,
aa bíra dzuk;
abwiññ biyɔŋ aa ku á ndúán été,
ébí bivɔ́ɔ́ byá aa ku méndzímm été.
16 Éde me sɔ́ ya ñí ébe béyága bwe,
ve băá tɔɔ́ ñí séñ.”
17 Éde Yesus a ngá yalan ná,
“Á myee bot ó ne kaa ábwíni,
ya ekúkwát!
Ma yian tɔbɔ bíabe mína akekwíñ tám fé?
Ma ye ki mína nzomo akekwíñ tám fé?
Nzaán ya ma ñí ó vá.”
18 Ané Yesus a ngá vé mbéa nsísim te mbámm,
éde ó ngá kólo ébe omɔ́mɔ́ŋŋ te,
ané a ngá tɔbɔ mvwaá atéé ye áwola te.
19 Éde beyága bé ngá nzu koan ya Yesus ásweññ,
béé síli ñí ná,
“Amú dzé bĭá belé nguu ye átsílán ya mbéa nsísim te?”
20 Ané a ngá dzó bɔ́ ná,
“Akála avítsaŋ mbwínánn wenan.
Amú ma dzó mína bébélá ná ngé míní belé mbwínánn avé nsɔ́ mostasa,
mína ye dzó nkoó wí ná,
‘Kólogé ó vá,
o kéñ ólwí,’
véa,
wá ye kólo;
éde ná dzam enziŋ dăá ye bɔ ná míní sés dɔ bɔ.”
21 [Ve,
ámvála dí dá kólo,
fáve ya meyaglán,
ya nkián bidzí.]
Yesus aa bera kat áwú deñ fwéñ
22 Éde,
é tám bé mbé á Galilea,
ané Yesus a ngá dzó bɔ́ ná,
Ané bé ngá bíra tɔbɔ eywiññ.
Mfá meyáán mé mfóŋsí ye á templo
24 Niané bé ngá sian á Kapernaúm,
edé é bot bé ngá ñɔŋ ntáŋ bedrakma bé beáñ,
bé ngá nzu koan ya Pedro bé síli ñí ná,
“Ye nyágale wenan ăá yáán bedrakma bé beáñ?”
25 Éde a ngá dzó ná,
“Ãá.”
Niané a ngá sian á ndá,
éde Yesus a ngá tára kɔ́bɔ ya ñí ná,
“Á Simón,
wa yén á yá?
Békéza béye é sí ñí,
bá ñɔŋ mfóŋsí ya alamán ébe benzá?
Ye é bwán beba,
ngé ki ébe beyéŋ?”
26 Niané a ngá yalan ná,
“Ébe beyéŋ.”
Éde Yesus a ngá dzó ñí ná,