Mílómán Juan ndubot
11
A ngá bɔ ná,
niané Yesus a ngá mana vé béyága awóm ya bé beáñ béñ meyágalé,
éde a ngá kólo ó véa,
mfá áke aa yágale ya ákat mbamba fwéñ békísoan beba.
2 Ve Juan,
a tɔɔ́ á mbok,
niané a ngá wók míbɔann Kristo,
éde a ngá lóm béyága beñ,
3 ná bé ke ñí síli ná,
“Ye wa o ne é mot aa yian sɔ́,
ye ná bía bera yana mot mfé?”
4 Éde,
Yesus a ngá yalan ya bɔ́ ná,
“Keŋán,
míní kat Juan é mam mína wók ya áyén.
5 Midzíndzímm myá yén,
mibóbók myá wulu,
mizénzamm myá tɔbɔ mvwaá,
mindwándwá myá wók,
mibim myá wómo,
bá kat biŋgóŋgɔ́ɔ́ bí bot mbamba fwéñ.
6 Éde mvɔmm ya é mot a bɔ kaa ákɔp obaá ákála dam.”
7 Éde,
éyɔŋ bot béte bé ngá ke,
ané Yesus a ngá tára ná aa kɔ́bɔ ya mikuna mí bot mfá Juan,
ná,
“Dzé míní ngá ke yén éyáŋŋ été?
Ye ékoók dá sukban ya evúŋ?
8 Dzé míní ngá ke yén?
Ye é mot a baga mbamba bitóp?
Dággán,
é bot bá bwát mbamba bitóp bá tɔbɔ méndá bekéza.
9 Ve,
dzé fá míní ngá ke yén?
Nkúlu medzó enziŋ ngeá?
Bébélá,
ma dzó mína ná éñí a daŋ nkúlu medzó.
10 Mot te éñe mitsili myá dzó ya ñí ná,
‘Dággé,
ma lóm nkat fwéñ wɔm ébe ású dwe,
éñe aa ye wa tébe ósú ná aa kom wa nzenn.’
11 Ma dzó mína bébélá ná ébe ábímm bot é byála yaá ébe biningá,
mot ăá bé byála été ná aa lot Juan Ndubot;
ve,
éñí a daŋ ya avítsaŋ édzwée ngɔ́mán ye á dzóp aa lot ñí.
12 Éde,
atéé ye mélú Juan Ndubot akekwíñ áwola dí,
édzwée ngɔ́mán ye á dzóp dá ke ósú ya nguu,
éde mingungúú fe myá biñ dɔ.
13 Amú ná bekúlu medzó bése ya nkɔɔ́ métsiŋŋ bé ngá kúlu medzó akekwíñ é tám Juan.
14 Éde ngé mína kómo yébe é dzam dí,
Juan te éñe a ne Elías a mbé ná a nkún sɔ́.
15 É mot a belé melɔ́ méye áwók,
á wókge.
16 Ve,
ma ye kanan ya myee bot wí ya dzé?
Wá fonan ya é bɔ́ŋŋ bá tɔbɔ á bora míseŋ bé ŋga yónán ya ébá bevɔ́ɔ́,
ná,
17 ‘Bí lɔ́ŋ yaá mína tɔ́ŋ,
ve mína kaa ádzém!
Bí yee yaá mína byeá bí eywiññ,
ve mína kaa áyi.’
18 Amú ná Juan a ngá sɔ́,
éñe kaa ádzí,
ngé ki añú;
ve bé ngá dzó ná,
‘A belé mbéa nsísim ó ñúu.’
19 É Mwán Mot ñí a sɔ́ yaá fe,
éñí aa dzí ya ñú;
ve,
bá dzó ná,
‘Dággán,
a ne ndzí bidzí a ne fe ñúvino,
mvwíññ beñɔŋ mfóŋsí ya bebɔ misémm.’
Éde mibɔann émyɔ myá lére ná kén édɔ ñí.”
Ngwáa ya békísoan bé ne kaa ádzoban
20 Ané,
ñí a ngá tára ná aa vé mbámm békísoan a ngá daŋ bɔ biyágán bí mam byeñ,
amú ná béé ndzí dzoban ya mísémm.
21 “Á Korasin,
ngwáa ya wa!
Á Betsaida,
ngwáa ya wa!
Biyágán bí mam byá bɔban ébe mína,
ngé bé bɔ fá byɔ á Tiro ya Sidón,
ngé é ntɔɔ́ abwiññ tám avé baá dzoban ya misémm,
béé bwát meyep ya áwóbán ásuúp.
22 Édɔ fá,
ma dzó mína ná,
é mos bá ye kík misaŋ,
ákira Sidón ya Tiro dá ye bɔ mvéáñ álot ákira denan.
23 Á wa Kapernaúm,
ye bá ye wa bére akekwíñ a dzóp?
Bá ye wa sili akekwíñ á sí békónn!
Amú ná biyágán bí mam byá bɔban ébe wa,
ngé bé bɔ byɔ á Sodoma,
ngé a ngén anzukwíñ é mos wí.
24 Ve déá,
ma dzó mína ná é mos bá ye kík misaŋ,
ákira é sí Sodoma dá ye bɔ mvéáñ álot ákira dwe.”
Nzaán awaabé
25 Tám te Yesus eé kɔ́bɔ,
éde a ngá dzó ná,
“Ma vé wá akíba á Tará,
Ntí ye á dzóp ya sí,
amú ná o swala yaá bebelé kén ya mifefák é mam má,
ve o lére yaá mɔ bwán.
26 Ãá,
á Tará,
éñe fá waá yén dɔ mvéáñ néa ébe ású dwe.
27 Tará a kee yaá ma mam mése;
éde mot enziŋ ăá yem Mwán,
fáve Éséá,
mot enziŋ ăá yem ki Éséá,
fáve Mwán,
ya éñí Mwán émyen a kómo ñí lére.