Yesus aa tɔ́p baapostol awóm ya bé beáñ
10
Éde a ngá lwée béyága beñ awóm á yá bé beáñ ná bé ke ébe éñe,
ané a ngá vé bɔ́ nguu ye ádzwée ébe misísim mí mvin;
ná bé tsílán ya myɔ,
béé séñ akwann áse ya mitéñ míse.
2 Véa,
bíyola baapostol awóm ya bé beáñ bí ne ná:
Ósúá,
Simón,
éñe fe bé ngá lwée ná Pedro bá mwanñaŋ Andrés;
Jakobo éñí Zebedeo,
mwanñaŋ Juan;
3 Felipe,
Bartolomé,
Tomás,
Mateo ñɔŋmfóŋsí;
Jakobo,
éñí Alfeo;
Tadeo,
4 Simón mwann Kananita,
ya Judas Iskariote,
éñí a ngá kuan fe Yesus.
Yesus aa lóm baapostol
5 É bot awóm ya bé beáñ bá,
ébɔ́ Yesus a ngá lóm,
eé mánan bɔ́,
eé dzó ná,
“Míní táa ke ébe bot béye meyɔŋ mefé ngé ki áñíi kísoan enziŋ ye á Samaria,
6 ve,
éñe keŋán ébe mítómá mí ngá dzími áyɔŋ Israel.
7 Éde keŋán,
katgán fwéñ ná,
édzwée ngɔ́mán ye á dzóp é ntɔɔ́ bebeñ.
8 Séñŋán mikúkwann,
wómoŋán mibim,
séñŋán mizénzamm,
tsílágán ya bembéa misísim;
míní ngá ñɔŋ dás,
váán fe dás.
9 Míní táa ñɔŋ moann,
ngé koŋ,
ngé ki ngoós á mífák myenan été;
10 ngé ki mfák ékena,
míní táa ñɔŋ bíwómán bí beáñ,
ngé ki mengop,
ngé ki ntúmm.
Amú ná mbɔ biséññ aa yian ya bídzí byeñ.
11 Ve,
é kísoan áse ngé dzeá mína ye ñíi,
túgán dága nzá a ne mot ngaŋŋ vóm te,
tɔbɔgán ó véa akekwíñ ané mína kólo.
12 Niané mína ñíi á ndá váán mbóló.
13 Éde,
ngé ndá te da yian ya dɔ,
é mvwaá denan e tɔbɔ ndá te;
ve ngé dăá yian ya dɔ,
mvwaá e búlán ébe mína bébyen.
14 Éde fe,
é mot áse aa ye bɔ kaa mína áñɔŋ ngé ki áwók bífíá byenan,
kólogán ndá te,
ya fe kísoan te,
míníí sas mbúlgé mébɔ menan.
15 Ma dzó mína bébélá ná,
ébe mos ye á nkíkgán misaŋ,
ákira sí ye á Sodoma ya Gomora dá ye bɔ mvéáñ ádaŋ édí kísoan te.”
Á mfá midzuúk
16 “Dággán,
ma lóm mína ané mitómá énzénzaŋ bibyó été;
éde ná,
tɔbɔgán mikée ané beñó ya mikeññ ané abeŋŋ.
17 Ve,
tɔbɔgán ya bot nkée,
amú ná bá ye mína kee bíkóánn bá kík medzó,
bá ye fe mína bíra yít bésinagoga beba été;
18 ya akála dam bá ye ke ya mína atwaa ébe bengɔ́vina ya bekéza,
ya fe ébe bot béye meyɔŋ mefé,
ná míní vé bɔ́ ngañiá.
19 Ve,
éyɔŋ bá ye mína kee,
milém mí táa mína ku ábum á mfá é dzam mína ye dzó,
ngé ki ámvála mína ye dɔ dzó;
amú ná tám te ébyen,
bá ye mína vé é dzam mína yian dzó.
20 Amú ná se mína mína kɔ́bɔ,
fáve ná Nsísim Ésúá wenan éwɔ wá kɔ́bɔ ébe mína.
21 Mwanñaŋ aa ye kee mwanñaŋ ná á wú,
éséá ñí a mwán;
bwán bá ye ke beéséá á ngamm áyát,
bé ŋga bɔ ná bé ywíñ bɔ́.
22 Bot bése bá ye mína víni akála éyola dam,
ve é mot aa ye nzomo akekwíñ asúgánn,
éñe aa ye tɔbɔ koroban.
23 Ve,
éyɔŋ bá dzéŋ mína ásí é kísoan ñí,
túpgán mbíí éñí fɔ́ɔ́;
amú má dzó mína bébélá ná mínăá ye mana tóban bekísoan bése béye Israel amvála enziŋ,
kaa ná e Mwán Mot á sɔ́.
24 Nyága ăá daŋ nyágale;
oloá wá wăá daŋ ki mása.
25 Nyága á yénŋe mvéáñ ná á bɔ ané é nyágale weñ;
oloá fe ané é mása weñ.
Ngé baá lwée myenn ndá ná Beelzebú,
ntéññ avé bot béye é ndá dzeñ!”
Ákɔ́bɔ kaa ákɔ wɔŋŋ
26 “Édɔ ná,
míní táa bɔ́ kɔ wɔŋŋ;
amú ná dzam enziŋ é sés ná é búru áyóp ná băá ye dɔ kúlán,
ngé ki nswalann ná băá ye dɔ yem.
27 É dzam ma dzó mína ó dzíbi ósí,
kɔ́bɔgán dɔ éyéá été;
é dzam mína wók bíswaáswaá,
kɔ́bɔgán dɔ mídzií mí ndá áyóp.
28 Míní táa kɔ é bot bá ywíñ ñúu wɔŋŋ,
ve bé sés ywíñ nsísim;
ve déá,
dá daŋ ya mvéáñ ná míní kɔ wɔŋŋ éñí a ne bɔ ná nsísim ya ñúu bí ke dzáŋ ébéññ ndúán.
29 Nde băá kuan bwann bé anwann bé beáñ furá fɔ́ɔ́?
Ve,
mbɔ́ɔ́ enziŋ ye été ñí ăá ku ósí,
kaa ná Ésúá wenan ñí aa yébe dɔ.
30 Ve,
mína atwaa míkɔ́ mí esií myenan míye nló míse,
myá mí ne nláŋán.
31 Édɔ ná,
míní táa kɔ wɔŋŋ;
míní ne ya eban abwiññ álot bwann bé anwann.”
Ámem Yesus á bot été
32 “Édɔ ná,
é mot áse aa ye ma mem á bot été,
ma ma ye fe ñí mem ébe ású é Tará a ne á dzóp été.
33 Ve,
é mot aa ye ma kat á bot été,
ma ma ye fe ñí kat ébe ású é Tará a ne á dzóp été.”
Yesus aa kána bot
34 “Míní táa tém ná me sɔ́ yaá vé mvwaá é sí ñí;
meé ndzí nzu vé mvwaá,
fáve nzwaokeŋ.
35 Amú ná me sɔ́ yaá vé nkanann énzénzaŋ mot bá éséá,
mwann miningá bá ñiá,
mbɔ́m bá nkiá;
36 Éde,
é bot bá síŋ mot bá ye bɔ bot béye é mvɔŋ bot dzeñ émyen.
37 É mot aa dziŋ éséá ngé ki ñiá álot ma,
a sés bɔ é mot wɔm;
é mot aa dziŋ é mwán fám weñ,
ngé ki é mwán miningá weñ álot ma,
a sés bɔ é mot wɔm.
38 Éñí ñí a bɔ kaa ábaga é krús deñ,
a bee fe ma,
a sés bɔ é mot wɔm.
39 É mot aa kam ya éniŋ dzeñ,
aa ye dɔ dzímle,
éñí ñí aa dzímle éniŋ dzeñ,
ákála dam,
aa ye kam ya dɔ.”
Meyáán
40 “É mot aa ñɔŋ mína,
aa ñɔŋ fe ma;
é mot ñí aa ñɔŋ ma,
aa ñɔŋ é mot a ngá lóm ma.
41 É mot aa ñɔŋ nkúlu medzó;
amú ná a ne nkúlu medzó,
aa ye fe ñɔŋ máán mé nkúlu medzó;
éñí ñí aa ñɔŋ nzósoó mot amú ná a ne nzósoó mot,
aa ye fe ñɔŋ máán mé nzósoó mot.
42 Éde,
é mot áse aa ye vé mɔ́ŋŋ mbɔ́ɔ́ ye é bɔ́ŋŋ bá é kɔ́p mendzímm é ne avwéñ ná áñú,
ébe ya éyola nyága;
ma dzó mína bébélá ná,
mot te ăá ye dzímle é máán meñ.”