Yesus aa séñ mbóbók
9
Niané Yesus a ngá daŋ á byéa été,
éde a ngá ke á nsá máŋ áyát,
ané a ngá sian é kísoan deñ émyen.
2 Véa,
bé sɔ́ ya ñí ya mbóbók ó bóo á mwann enɔŋŋ été;
Yesus eé yén mbwínánn weba,
ané a ngá dzó mbóbók te ná,
“Á mɔ́ŋŋ,
sánŋe!
Mísémm mywe mí ntɔɔ́ wa ndzámann.”
3 Éde véa beyágale métsiŋŋ benziŋ bé ŋga dzó bébyen ya bébyen ná,
“É mot ñí aa byana Nzamá.”
4 Yesus,
eé yem átémŋa deba,
ané a ngá dzó ná,
“Amú dzé mína tém bikúkwát á mílém myenan été?
5 Amú ná,
dzé dá daŋ ya ebúbú ye ádzó;
ye ná,
‘Mísémm mywe mí ntɔɔ́ wa ndzámann;’
ye ná,
‘Tébegé,
o wulu?’
6 Ve,
á mfá ye ná míní yem ná é Mwán Mot a belé nguu é sí ñí mfá ádzáma mísémm.”
Ané a ngá dzó mbóbók te ná,
“Tébegé,
o twáa é mwann enɔŋŋ we,
o kéñ fe é ndá dzwe.”
7 Éde mot te a ngá tébe,
a kéñ fe é ndá dzeñ.
8 Niané nkuna bot ó ngá yén dɔ,
ané bé ngá kɔ wɔŋŋ,
bé ŋga vé Nzamá dúmá,
ná a vé yaá bot amvála nguu te.
Yesus aa lwée Mateo
9 Éde éyɔŋ Yesus a ngá kólo ó véa,
ané a ngá yén mot enziŋ a tɔɔ́ eyola ná Mateo,
a tɔɔ́ ósí é ndá biséññ bá yáán mfóŋsí.
Éde a ngá dzó ñí ná,
“Beegé ma!”
Ané a ngá tébe,
a bee ñí.
10 Éde a ngá bɔ ná,
Yesus a tɔɔ́ ó téble á ndá;
véa,
abwiññ beñɔŋ mfóŋsí bábe bebɔ misémm bé ngá sian bé tɔbɔ fe ó téble bábe Yesus ya béyága beñ.
11 Éde,
éyɔŋ befariseo bé ngá yén dɔ,
ané bé ngá síli béyága beñ ná,
“Amú dzé Nyágale wenan aa dzí bábe beñɔŋ mfóŋsí ya bebɔ misémm?”
12 Ve,
Yesus ñí eé wók dɔ,
éde a ngá dzó bɔ́ ná,
“É bot bé ne mvwaá băá yi dɔ́kira,
fáve ébá bé ne mikúkwann.
13 Ve,
keŋán,
míní fas fe é dzam dá yíli ná,
‘Ma kómo nyénánn engóngɔ́ɔ́,
se metúnŋa.’
Amú ná meé ndzí nzu álwée benzósoó bé bot,
fáve bebɔ misémm.”
Bá síli á mfá fúlú ye áki bidzí
14 Éde véa béyága Juan bé ngá yit Yesus bebeñ,
béé síli ñí ná,
“Amú dzé bía ya fe befariseo,
bía lot métám méye áki bidzí abwiññ bíyɔŋ,
ve,
béyága bwe bá băá lot métám méye áki bidzí?”
15 Ané Yesus a ngá yalan ya bɔ́ ná,
“Ye é mot aa lúkgan bemvwíññ bé ne tɔbɔ ya meyep éyɔŋ a ngén a tɔɔ́ bábe bɔ́?
Ve melú má nzu,
éyɔŋ é mot aa lúkgan aa ye bɔ́ kólo été,
véa bá ye lot métám méye áki bidzí.
16 Mot enziŋ ăá kík abeét étóp é ne mfefeñ a kéñ dɔ vé á nnomm étóp;
amú ná abeét dá ye líni étóp te,
véa avéŋŋ dá ye súgan ábɔ abé.
17 Mot enziŋ ñí ăá swii ki é vino a ne mfefeñ méndák bikop bí tsít mé ne miyomm été,
amú ná ngé néa,
mendák méte má ye bólo,
vino a mana kúbu ósí,
mendák má mé mana fe wú ntuk;
ve bá swii é vino a ne mfefeñ méndák bikop bí tsít mé ne mifefeñ été,
véa byém bíte bí beáñ byá ye yem tɔbɔ.”
Nkúkwann miningá ya fe Yairo ngwan dzeñ
18 Ntéññ Yesus a ngá dzó bɔ́ mam méte,
véa,
ntébosú enziŋ ye á sinagoga a ngá sɔ́,
éde a ngá nzu ñí kútbe mébɔ ó sí,
eé dzó ná,
“Ngwan dzam é ndem wú!
Ve,
nzá ñí o bere é wéá we,
ané aa ye niŋ.”
19 Ané Yesus a ngá tébe,
á ŋga bee ñí bábe béyága beñ.
20 Véa,
miningá enziŋ a mbé nkúkwann,
ná mekií má kwíñ ñí ábum táŋ awóm mibú ya mibú mí beáñ a ngá sian ñí á mvús,
ané a ngá nama ñí afaáp etóp,
21 amú a ngá dzó á nlém weñ été ná,
“Ngé me tugá fá ñí nama étóp deñ,
ma ye tɔbɔ mvwaá.”
22 Ve Yesus,
a ngá veŋan,
a yén ñí,
éde a ngá dzó ñí ná,
“Á mwann miningá,
biñŋe nguu,
mbwínánn we ó nii yaá wa!”
Atéé ye áwola te miningá te a ngá tɔbɔ mvwaá.
23 Éde,
éyɔŋ Yesus a ngá sian é ndá ntébosú te,
a yén é bot bé ngá lɔ́ŋ metɔ́ŋ ya nkuna bot,
béé bɔ nzɔgɔ,
24 ané a ngá dzó bɔ́ ná,
“Kólogán!
Amú ná é mwann miningá ñí a sés nwúán,
fáve ná a bóo óyó.”
Éde bé ngá kpógo ñí.
25 Ve niané bé ngá kúlu bot átán,
a ñíi,
éde a ngá biñ ñí wéá;
ané mwann miningá te a ngá tébe.
26 Ané fwéñ te e ngá mana boman ábeŋŋ sí te áse.
Yesus aa séñ ndzíndzímm mí beáñ
27 Éyɔŋ Yesus a ngá kólo vóm te,
midzíndzímm mí beáñ mí ŋga bee ñí,
myeé yón ná,
Á é Mwán David,
yénŋe bía engóngɔ́ɔ́!
28 Éde niané a ngá sian á ndá,
midzíndzímm mí ŋga yit ñí bebeñ,
ané Yesus a ngá dzó bɔ́ ná,
“Ye mína bwíni ná me ne bɔ dzam te?”
Ané bé ngá yalan ná,
“Ãá,
á Ntí.”
29 Véa éñe,
a ngá nama bɔ́ mís eé dzó ná,
“Eé bɔɔ́ge mína ané mbwínánn wenan ó ne.”
30 Éde mís mé ngá yɔ́ŋbe bɔ́.
Ané Yesus a ngá bíra bɔ́ báma ná,
“Tɔbɔgán nkée ná mot enziŋ a táa dɔ yem.”
31 Ve niané bá bé ngá kwíñ átán,
bé ŋga mana ñeŋ éwógá deñ ábeŋŋ sí te áse.
Yesus aa séñ mvúmvúk
32 Éde eyɔŋ bé ngá kólo,
véa,
bé ngá sɔ́ ya ñí ya mvúmvúk ó belé mbéa nsísim ó ñúu.
33 Niané a ngá tsílán ya mbéa nsísim,
éde mvúmvúk te ó ngá kɔ́bɔ;
ané mikuna mí bot mí ngá ku avoó,
bé ŋga dzó ná,
“Băá bé tára yén ámvála dzam dí Israel.”
34 Ve befariseo,
bá bé ngá dzó ná,
“Aa tsílán bembéa misísim ya ndzwée bembéa misísim.”
Ábíra yoo bidzí
35 Éde Yesus a ngá ke aa boman bekísoan bése ya meá,
eé yágale bésinagoga beba été,
eé kat mbamba fwéñ ye édzwée ngɔ́mán Nzamá,
eé séñ fe akwann áse ya mitéñ míse.
36 Éde éyɔŋ a ngá yén mikuna mí bot,
ané a ngá yén bɔ́ engóngɔ́ɔ́,
amú ná bé mbé bé belé bindáglé ya nlamann amvála ané mítómá mí ne kaa mbaale.
37 Éde a ngá dzó béyága beñ ná,