Yesus aa séñ nzénzamm
8
Éde,
niané a ngá sigi nkoó,
míkuna mí bot mí ŋga bee ñí.
2 Véa,
éde nzénzamm ó ngá yit ñí bebeñ,
ó kútbe ó sí,
weé dzó ná,
“Á Ntí,
ngé wa kómo,
o ne ma fúbu.”
3 Ané Yesus a ngá sám enam,
a nama ñí,
eé dzó ná,
“Ma kómo;
tɔbɔgé mfúbánn!”
“Yénŋe ná o táa dɔ kat mot enziŋ;
fáve ná,
kéŋ,
o kéñ lére fára ñúu,
o vé bívévé Moisés a ngá mánan,
á mfá ye ná é bɔ bɔ́ ngañiá.”
Mbɔ eséññ kaba ye á Roma
5 Éde,
niané Yesus a ngá ñíi á Kapernaúm,
ané kaba enziŋ a ngá yit ñí bebeñ,
eé dzaa ñí engóngɔ́ɔ́,
6 eé dzó ná,
“Á Ntí,
mbɔ biséññ wɔm a bóo á ndá,
mbóbók,
aa bíra fe dzuk.”
7 Ané Yesus a ngá yalan ya ñí ná,
“Ma ye ñí ke séñ.”
8 Ve kaba te a ngá yalan ya ñí ná,
“Á Ntí me sés é mot wa yian ke ñíi é ndá dzeñ;
ve,
dzóge fáve efíá,
éde mbɔ biséññ wɔm aa ye tɔbɔ mvwaá.”
9 “Amú ná ma me ne fe é mot a ne édzwée ásí,
me belé benzima ná ma mánan bɔ́;
ma dzó mbɔ́ɔ́ ná,
‘Kéŋ’,
a kéñ;
éñí mbɔ́ɔ́,
‘Nzá’,
a sɔ́;
óloá wɔm,
‘Bɔɔ́ge édí’,
a bɔ dɔ.”
10 Niané Yesus a ngá wók dɔ,
á ŋga bíra dɔ kám,
ané a ngá dzó é bot bé ngá bee ñí ná,
“Ma dzó mína bébélá ná atwaa Israel été,
măá bé koan ya mot enziŋ ye a belé ábímm mbwínánn dí.
11 Ma dzó mína ná abwiññ bot dá ye sɔ́ é vóm nlódzóp wá kwíñ ya é vóm wá dzím,
bé kéñ tɔbɔ ósí bábe Abraam,
Isaak ya Jakob,
édzwée ngɔ́mán ye á dzóp;
12 ve bwán béye édzwée ngɔ́mán bá ye bɔ́ wea átán á edwá dzíbi été;
ó wéñ éñe nyónn wá ye bɔ ya álaran mesoŋŋ.”
13 Ané Yesus a ngá dzó kaba te ná,
“Kéŋ;
ámvála o bwíni,
é bɔɔ́ge wa néa.”
Éde mbɔ biséññ a ngá tɔbɔ mvwaá áwola te ébyen.
Yesus aa séñ Pedro nkiá
14 Niané Yesus a ngá sian é ndá Pedro,
éde a ngá koan ya nkiá Pedro eé wók avép,
a bóo énɔŋŋ.
15 Ané Yesus a ngá nama ñí wéá,
éde avép é ngá mana ñí;
ané a ngá tébe,
á ŋga belan ya ñí.
Yesus aa séñ abwiññ mikúkwann
16 Niané ŋgɔgɔ́ e ngá kwíñ,
ané bé ngá sɔ́ ya ñí é bot bé mbé bé belé bembéa misísim ó ñúu;
éde a ngá vea myɔ ya éfíá deñ,
á ŋga séñ é bot bése bé ngá kwan,
17 ná édí nkúlu medzó Esaía a ngá dzó é dzálában,
éyɔŋ a ngá dzó ná,
“Émyen a ngá ñɔŋ ateák dea,
a baga fe ákwann dea.”
Mfá ábee
18 Niané Yesus a ngá yén ná nkuna bot ó ŋga boman yaá ñí,
éde a ngá mánan ná bé ke á nsá mbɔ́ɔ́.
19 Ané nyágale metsiŋŋ enziŋ a ngá yit ñí bebeñ,
éde a ngá dzó ñí ná,
“Á Nyágale,
ma ye wa bee é vóm áse wa ye ke.”
20 Éde Yesus a ngá yalan ya ñí ná,
“Mvaá é belé mifuu,
anwann ye á dzóp dá mumá;
ve é Mwán Mot ĕé belé é vóm a ne bwíi nló.”
21 Ve nyága mfé ye béyága beñ ñí a ngá dzó ñí ná,
“Á Ntí,
líkge ma ná me tára ke dzep tará.”
22 Éde Yesus a ngá yalan ya ñí ná,
“Beegé ma,
líkge ná mibim mí dzep míbim myeba.”
Yesus aa báma okos
23 Éde niané Yesus a ngá daŋ á byéa été,
béyága beñ bá bé bee fe ñí.
24 Véa éñe,
bora okos ó ngá lot á máŋ été,
mikebá myá mí ngá ñíŋ byea,
ve Yesus ñí a mbé a bóo óyó.
25 Éde beyága bé ngá ke ñí suk óyó,
béé dzó ñí ná,
“Á Ntí,
korogé bía,
bí ŋga dzáŋ yaá!”
26 Ané a ngá dzó bɔ́ ná,
“Á é bot bé belé mbwínánn avítsaŋ,
amú dzé míní ne ayeña?”
Éde a ngá tébe,
a báma bivúŋ ya máŋ,
ané ásesé a ngá bíra tɔbɔ mvwaá.
27 Ané bot bé ngá ku mevoó,
bé ŋga dzó ná,
“Nzá amvála mot dí,
ná atwaa bivúŋ ya máŋ byá byá wók fe ñí?”
É bot bé mbé bé belé bembéa misísim á Gadara
28 Niané a ngá sian á nsá mbɔ́ɔ́,
é sí bot béye á Gadara,
ané bot bé beáñ bé ngá nzu toban ya ñí,
bé belé bembéa misísim ó ñúu,
béé sɔ́ mésɔŋ été,
bé mbé ededea bibibiñ,
akekwíñ ná mot enziŋ ĕé mbé fe lot nzenn te.
29 Ané bé ngá yón,
béé dzó ná,
“Á é Mwán Nzamá,
nzá dzam bí belé bíabe mína?
Ye o sɔ́ yaá ó vá ná wa ndágle bía kaa ná tám é kwíñ yaá?”
30 Édɔ ná,
nkuna bengwiññ ó mbé bɔ́ oyaáp ó véa,
weé dzí;
31 ané bembéa misísim mí ngá dzaa ñí engóngɔ́ɔ́,
myeé dzó ná,
“Ngé wa tsílán ya bía,
lómŋe bía ébe nkuna bengwiññ.”
32 Ané a ngá dzó myɔ ná,
“Keŋán!”
Éde mí ngá kwíñ,
mí kéñ ñíi bengwiññ ó ñúu,
véa nkuna bengwiññ ngúrá ó ngá sigi mbíí á nkoó ásí ó máŋ,
ané ó ngá mana wú méndzímm été.