Zacarías sbꞌi jun libro tic, yujto a slolonel Dios yalnac dꞌa vin̈aj Zacarías tzꞌibꞌabꞌilcan dꞌay. A tzꞌalancot yuj juntzan̈ lolonel aljinac dꞌa vin̈ ayic meltzajnacxo vin̈ dꞌa Babilonia. Cha macan̈ yaj jun libro tic: Bꞌabꞌel macan̈, tzꞌel yich dꞌa capítulo 1 masanto dꞌa 8, ataꞌ syalaꞌ to ay tas ix chꞌoxji yil vin̈aj Zacarías chiꞌ icha vayich yuj Dios, aton dꞌa abꞌil 520-518 ayic manto javi Jesucristo. Syalanpaxcot yuj tas ajnac sbꞌochajxi chon̈abꞌ Jerusalén yedꞌ tas ajnac sbꞌochajxi stemplo Dios, yedꞌ pax tas ajnac sbꞌoanxi spensar ebꞌ anima chiꞌ. Syalanpaxcot yuj sjaubꞌal Cristo. Axo dꞌa capítulo 9 masanto dꞌa 14, ataꞌ syal yuj Cristo yedꞌ yic ol schꞌolbꞌitaj ebꞌ chon̈abꞌ israel yedꞌ juntzan̈xo nación. Syalanpaxi to a Israel ol cꞌochxoc icha yajtaxoni.