Sofonías sbꞌi jun libro tic, yujto a slolonel Dios yalnac dꞌa vin̈aj Sofonías tzꞌibꞌabꞌilcan dꞌay. Ecꞌnac vin̈ dꞌa stiempoal vin̈aj Nahum yedꞌ vin̈aj Habacuc. A yuj tas syal jun libro tic, snachajel cuuj to ayocto yalannaccanel juntzan̈ lolonel tic vin̈ ayic mantzac meltzajxi spensar ebꞌ aj Judá dꞌa schecnabꞌil Jehová dꞌa stiempoal vin̈aj rey Josías. A jun libro tic, syalcot yuj smul ebꞌ anima slaj ochi, yuj chiꞌ syacꞌcot yaelal Dios yic satel ebꞌ. Syalanpaxcot yuj yaelal ol javoc dꞌa yibꞌan̈ ebꞌ aj Judá, yujto tzꞌoch ebꞌ ejmelal dꞌa juntzan̈ comon dios. Ol satjocpaxel juntzan̈ chon̈abꞌ dꞌa yol smacbꞌen ebꞌ filisteo yuj Dios. Palta axo pax chon̈abꞌ Jerusalén jun, yalnac Dios to ol bꞌochajxoc. A dꞌa jun tiempoal chiꞌ, a ebꞌ anima ol cajnaj ebꞌ dꞌa emnaquilal yedꞌ dꞌa stojolal. Yuj chiꞌ a jun libro tic, slajvican yedꞌ jun bꞌit yic tzalajcꞌolal.