Ix yacꞌoch qꞌuen tumin vin̈aj rey Asuero dꞌa yibꞌan̈ masanil ebꞌ anima, aton ebꞌ ay dꞌa yol smacbꞌen vin̈ masanto ebꞌ cajan dꞌa stitac aꞌ mar, yic syacꞌ qꞌuen ebꞌ dꞌa vin̈. 2 Masanil sjelanil vin̈ rey chiꞌ yedꞌ yopisio yedꞌ yabꞌixal tas val yutejnac vin̈ yacꞌan nivac opisio dꞌa vin̈aj Mardoqueo, tzꞌibꞌabꞌilcan bꞌaj aycan yabꞌixal tastac ujinac dꞌa yol smacbꞌen Media yedꞌ Persia. 3 A vin̈aj Mardoqueo chiꞌ, ix ochcan vin̈ schabꞌil yajalil dꞌa vin̈aj rey Asuero chiꞌ. Te nivan ix aj yelcꞌoch vin̈ dꞌa scal ebꞌ yetisraelal. Te xajan ix ilji vin̈ yuj ebꞌ yetchon̈abꞌ chiꞌ, yujto ix sayjiecꞌ svachꞌil ebꞌ yuj vin̈, ix yacꞌan val yip vin̈ yic vachꞌ tzalajcꞌolal yedꞌ juncꞌolal tzꞌaj ebꞌ.