Ebꞌ sbꞌitan yedꞌ syamcꞌabꞌ
25
A vin̈aj rey David yedꞌ ebꞌ yajalil ebꞌ soldado, ix siqꞌuel ebꞌ vin̈ yin̈tilal vin̈aj Asaf ebꞌ, vin̈aj Hemán yedꞌ vin̈aj Jedutún, yic scuchbꞌan ebꞌ anima ebꞌ ayic tzꞌoch ebꞌ ejmelal dꞌa Dios, yic syalanel slolonel Dios ebꞌ yedꞌ sonal arpa, salterio yedꞌ pax platillo. Aton sbꞌi ebꞌ ayoch dꞌa yopisio tic:2 A ebꞌ vin̈ yin̈tilal vin̈aj Asaf chiꞌ, aton ebꞌ vin̈ tic: Vin̈aj Zacur, vin̈aj José, vin̈aj Netanías yedꞌ vin̈aj Asarela. A vin̈aj Asaf chiꞌ scuchbꞌan ebꞌ vin̈. A vin̈ tzꞌalanel slolonel Dios ayic syalan vin̈ rey chiꞌ dꞌa vin̈.
3 A ebꞌ vin̈ yin̈tilal vin̈aj Jedutún, vacvan̈ ebꞌ vin̈: Aton vin̈aj Gedalías, vin̈aj Zeri, vin̈aj Jesaías, vin̈aj Hasabías, vin̈aj Matatías yedꞌ vin̈aj Simei. A vin̈aj Jedutún chiꞌ scuchbꞌan ebꞌ vin̈, syalanpax slolonel Dios ebꞌ vin̈ yedꞌ arpa yic tzꞌalji yuj diosal yedꞌ yalchaj vachꞌ lolonel dꞌa Jehová dꞌa bꞌital.
4 A ebꞌ vin̈ yin̈tilal vin̈aj Hemán, aton ebꞌ vin̈ tic: Vin̈aj Buquías, vin̈aj Matanías, vin̈aj Uziel, vin̈aj Sebuel, vin̈aj Jeremot, vin̈aj Hananías, vin̈aj Hanani, vin̈aj Eliata, vin̈aj Gidalti, vin̈aj Romanti-ezer, vin̈aj Josbecasa, vin̈aj Maloti, vin̈aj Hotir yedꞌ vin̈aj Mahaziot. 5 A ebꞌ vin̈ chiꞌ yuninal ebꞌ vin̈ vin̈aj Hemán. A vin̈aj Hemán chiꞌ, schecabꞌ Dios yaj vin̈, a vin̈ tzꞌacꞌan razón dꞌa vin̈ rey. 14 yuninal vin̈ ix yacꞌ Dios yedꞌ oxvan̈ yisil vin̈, yic tzꞌelcꞌoch stiꞌ Dios yacꞌnac dꞌa vin̈, ayic yalannac to nivan ol ajelcꞌoch vin̈. 6 Masanil juntzan̈ ebꞌ vin̈ chiꞌ, a vin̈ smam ebꞌ vin̈ scuchbꞌan dꞌa bꞌit yic tzꞌoch ejmelal dꞌa stemplo Jehová yedꞌ juntzan̈ yamcꞌabꞌ, aton platillo, salterio yedꞌ arpa.
A vin̈aj Asaf, vin̈aj Jedutún yedꞌ vin̈aj Hemán ayoch ebꞌ vin̈ dꞌa yalan̈ schecnabꞌil vin̈ rey. 7 A sbꞌisul ebꞌ vin̈ cꞌaybꞌannac sbꞌitan dꞌa Jehová chiꞌ yedꞌ yin̈tilal, 288 ebꞌ vin̈ dꞌa smasanil.
8 Dꞌa sorteoal ix aj yoch ebꞌ vin̈ sbꞌitani, tzꞌoch ebꞌ vin̈ ichamtac vinac yedꞌ ebꞌ vin̈ quelemtac, ebꞌ vin̈ cꞌaybꞌumxo yedꞌ ebꞌ vin̈ vanto scꞌaybꞌani.
9-31 Ayic ix lajvi yoch sorteo chiꞌ, icha tic ix aj yoch ebꞌ vin̈ dꞌa stzolal, 24 macan̈ ebꞌ vin̈ dꞌa smasanil. Lajchavan̈ sbꞌey ebꞌ vin̈ dꞌa junjun macan̈, ayn̈ej yuj sbꞌa ebꞌ vin̈. A dꞌa scal junjun macan̈ ebꞌ vin̈, ay junjun ebꞌ vin̈ scuchbꞌan ebꞌ vin̈, aton ebꞌ vin̈ tic, schael yich dꞌa vin̈ bꞌabꞌel masanto dꞌa vin̈ slajvubꞌ: Vin̈aj José, vin̈aj Gedalías, vin̈aj Zacur, vin̈aj Izri, vin̈aj Netanías, vin̈aj Buquías, vin̈aj Jesarela, vin̈aj Jesahías, vin̈aj Matanías, vin̈aj Simei, vin̈aj Azareel, vin̈aj Hasabías, vin̈aj Subael, vin̈aj Matatías, vin̈aj Jeremot, vin̈aj Hananías, vin̈aj Josbecasa, vin̈aj Hanani, vin̈aj Maloti, vin̈aj Eliata, vin̈aj Hotir, vin̈aj Gidalti, vin̈aj Mahaziot, vin̈aj Romanti-ezer.