Gyabic na gyel mbecy ni Ñgyoozh
150
¡Gyabic na gyel mbecy ni Ñgyoozh!
¡Gyabic na gyel mbecy ni Ñgyoozh,
biñ nu zu lugaar yon nim!
¡Gyabic na gyel mbecy ni Ñgyoozh,
biñ nu zu gyibaa!
2 Gyabic na gyel mbecy nim nu nac de coz ily nu bicy mi.
Gyabic na gyel mbecy nim
nu nac nu bded ruꞌ gaꞌ la zily nac mi.
3 Gyabic na gyel mbecy nim nu trompet.
Gyabic na gyel mbecy nim,
nu beeñ arpa,
gal nu beeñ salterio.
4 Gyabic na gyel mbecy nim
ornu rshet na lo gyid panderet ornu dulgyiꞌn lom.
Orzeꞌ gyabic na gyel mbecy nim nu di ni beeñ,
nu di ni bdzi.
5 Gyabic na gyel mbecy nim ornu cheel lon plati nu losaꞌñ.
Gyabic na gyel mbecy nim ornu ye la rshet nañ lo losaꞌñ.
6 Dela bañcyug,
gal nu dela mbecy nu ryash lagy,
rlagy ñi nu gyabic dey gyel mbecy nim.
¡Gyabic na gyel mbecy ni Ñgyoozh!