Nap ornu mbecy rcay losaꞌy: tub riidz ni Dabi
133
Dzi ga nap,
ornu de mbecy nap yuꞌ dey nu de bicy yu.
2 Ndeꞌ nañ gal nu na asecy nap nu rcoo dey too uz,
ornu dugyiy nu gyicy yu riiñ ni Ñgyoozh.
Rgoñ tooy.
Orzeꞌ yet ñi gal lat gyich loy nu gal lo cyu yeñ yu.
3 Niꞌ ziꞌl nañ gal nu na gup nu yet too bicy Hermon,
nunu gal nu na de gup nu yet too de bicy nu zub gaab ga Sión.
Gun lugaar zeꞌ Ñgyoozh mniim tub riidz nu waded la gyicy mi.
Mniim nu nap gyicy num dey,
nunu gyicy mi nu cui mbañ dey tub la.