2 Corĩtu
Paulu hã, maparane ãma te te duré irob'ui'érézé, Corĩtu ãmam norĩ ma
Ibaihâ wasu'uzé
Imorĩ'rata na Paulu hã te te Corĩtu ãmam norĩ ma rob'ui'éré parimhã, ma tô duré aimawi na tãma rob'ui'éré za'ra, ibaihâ 're, dama ihâimana õ na. Rob'ui'éré hã itẽme wisi za'ra wamhã, ma tô tiwi tirobzei'õ za'ra, tinhimi'ui'éré na hã iwasété na te te tãma nharĩ za'ra wa, Paulu hã. Nima norĩ hã ma tô duré Pauluhu ãma rosa'rata za'ra, sena na Zezusihi zadawa wasu'u'wa na 're imorĩ õ na hã. Ma tô duré tãma nharĩ za'ra, isazei'wa norĩ hã tiwasédé hã te te i'manharĩ za'ra norĩ ma, te te rowairébé 'ru te. Tahawa, Paulu hã tinhimi'ui'éré na ma tô asa sa'ẽtẽ tãma nharĩ za'ra, sada ihâimana za'ra norĩ ma. Ma tô duré tãma siwasu'u za'ra, Zezu Cristu hã sena na te te itẽme isatõrĩ za'ra na hã. Ma tô duré wama rowasu'u za'ra, sena na Zezusihi nhirã zarina si 're idanomro mono zém na hã, duré 're iwanomro mono zép tém na, Zezusihi nhimi'manharĩ wẽ zéb zarina.