Cha Jon Baptais awirai ya God-a kairai
(Matyu 3.1-12; Mak 1.2-8; Jon 1.19-28)
3
Kope namba 15 ainini ya Cha Sisar Taiberius kakei king vo Rom tah kantri prumo kerinia Rom kaorerarire.
Tah yei aro vemo awere boko vemona minia kepiakepiroko Cha Sisar Taiberius yah kaorerariꞌiy,
Cha Pontius Pailat kaore rari Judia kope ya Cha Herota kaore rariꞌi Galili.
Raꞌai ya Cha Herot awoꞌo ya Cha Filip kaorerari Ituria re Trakonitis.
Cha Lisanias ya kaore rari Abilene.
2 Yah taim vemona,
Cha Anas re Cha Kaiapas kerekepi hetprisb vo tempel.
Yah ma biam ya Cha Sekaraia awoꞌo ya Cha Jon,
kanoi kakei bo yin kanapo beyo kebaun yah God-a awirai-a pina kairai roa.
3 Yah kanoi rorore boko koka kerinia kakuke ri raka Jodan.
Yah awirai ya God-a kairai roiy vora riꞌi va nerovoru yah baptais-a neko,
vora God-a sin yei naririkeki.
4 Ao vemona kokai pava koreke awirai kwinia buk ya profet Aisaia.
“Poko ya bio raꞌa kaꞌai bo yin kanapo beyo kebaun yah kairai veka,
‘Mopu va rara ya Biapako nopao naꞌao noneman
yah nuinia notopan pon.
5 Bo meꞌri kere reireiyo,
meꞌri noputitare
yah tou mememe awere tou ipipo nopu chori nere raro pika.
Rara rororoka va nere topan pon,
yah rere rara kere vorivoriko va nopu riririka yah nere toto pon.
6 Tah aro bombiam koka vo meꞌri va nepirikeo boꞌo God-a karao emo vora nako memi varu.’ ” c
7 Aro prumo inia kekape piya Cha Jon vora baptais-a neko yah kairai roiy veka,
“Mopu me yei mini taipei,
nape kairai ropu tah kopao nopepe ao taipo aka God-a karake narao nokai emo?
8 Mopu va ao ovu nopare pare vora noririta veka mopu riva kopuroworu.
Toh mopu beya nopirai veka,
‘Cha Abraham ya apo raiyau memi vai.’
Kanairai nopu,
God-a kuiniari akairi ve kerinia narao nereraka me ya Cha Abraham.
9 Aimonkamo kwinia veꞌen ku rere aꞌai.
Yah aꞌai voro beya aka awaka keriave ero,
va nyiro nere pururu pika tah nevere verekita aikera.”
10 Aro bombiam prumo ketere poa Cha Jon veka,
“Toh memi va arape nemao?”
11 Yah Cha Jon kairai roiy veka,
“Bio aimino riyempin nuinia riya,
va rava naoroa bio raꞌa aimino kobaun reya ero.
Yah bio akorom-a nuinia riya va narao minia veka emo.”
12 Yei beyo voro takis-a keko minia kekape vora nabaptisim yei.
Yah ketere poa veka,
“Mah Tikse,
toh memi va arape nemao?”
13 Yah kairai kire roiy veka,
“Mopu beya mani nopuko peiy beyo notawo mak veka gavman-a kairai va nopuko ero va.”
14 Yah yei soldia ovu ketere poa veka,
“Toh memi minia va arape nemao?”
Yah kairai kire roiy veka,
“Mopu beya ao toꞌre nopirai poiy beyo yah mani kakana nopao poꞌoiy vai.
Mopu va oꞌto notepu roꞌo pon mani voro gavman-a karopu ero.”
15 Aro bombiam prumo kekepi keiya Krais unake vora neyaraka.
Tah ao vemona keyarare,
yah ova kekinakina romoꞌo kuro yei veka,
“Era Cha Jon-e,
ya Krais vai?”
16 Cha Jon kairaikire roiy aro vemona veka,
“Nena baptais-a kanopu pi kanapo,
toh kope ya bio raꞌa va nakai wona pa,
kupuana ya kopako kotawo kupuana nena.
Tah nena beya kana neman revo kuiniari tiꞌi vo sendel ya nana rarito vai.d
Ya va baptais-a naropu ro Holi Spirit re aikera.
17 Sawol ya kavo kwinia eno ya vora wit-a naroworu yah aka vo nairiri narere nerinia oꞌro are ya.
Toh kope rere amo vo wit va nakirari aikera ve beya kuiniari nochoki vai.”
18 Cha Jon awirai prumo minia kairai roiy vova vora riva nokokoꞌo naꞌaiy.
Karao veka tah Awirai Neman ya God-a kairai konoi roiy aro bombiam.
Cha Herot kareriaki Cha Jon kakei kalabus
19 Yah taim vemona,
Cha Jon katovia Cha Herot,
gavana ve kaore rariꞌiy emo,
rore ao taipere karao ero.
Kwa Herodias kako vo,
om ya raꞌai ya,
yah pasin taipere aka karare rare minia.
20 Cha Herot ao taipo rava karao minia,
kareriakire Cha Jon kakei rokire kalabus.
Cha Jon baptais-a karoa Jisas
(Matyu 3.13-17; Mak 1.9-11)
21 Taim aro bombiam koka inia baptais-a keko,
yah Jisas-a minia baptais-a kako.
Yah kope beten-a karao,
yah heven-a koruriki.
22 Yah Holi Spirit-a koraro riya Jisas veka ruꞌu maimpai.
Taim vemona awirai rava koraro heven yah kwirai veka,
“Mema Ma nena,
nena kanere noma revo yah ova korona roma.”
Aro apo ya Jisas
(Matyu 1.1-17)
23 Taim Jisas-a boꞌo ya inia karao,
ainini ya korao veka 30.
Aro bombiam-a kepitoro veka Jisas-e,
ya ma ya Cha Josep.
Aka ya Cha Josep emo,
Cha Heli.
24 Kope aka ya Cha Heli,
Cha Matat,
kope aka ya Cha Matat,
Cha Livai,
kope aka ya Cha Livai,
Cha Melki,
kope aka ya Cha Melki,
Cha Janai.
Kope Cha Janai aka ya,
Cha Josep.
25 Cha Josep aka ya Cha Matatias,
kope aka ya Cha Matatias,
Cha Amos,
kope aka ya Cha Amos,
Cha Nahum,
kope aka ya Cha Nahum,
Cha Esli,
kope aka ya Cha Esli,
Cha Nagai.
26 Kope aka ya Cha Nagai,
Cha Mat,
kope aka ya Cha Mat,
Cha Matatias,
kope aka ya Cha Matatias,
Cha Semen,
kope aka ya Cha Semen,
Cha Josek,
yah kope aka ya Cha Josek,
Cha Joda.
27 Kope aka ya Cha Joda,
Cha Joanan,
kope aka ya Cha Joanan,
Cha Resa,
kope aka ya Cha Resa,
Cha Serubabel,
kope aka ya Cha Serubabel,
Cha Sealtiel,
kope aka ya Cha Sealtiel,
Cha Neri.
28 Kope aka ya Cha Neri,
Cha Melki,
kope aka ya Cha Melki,
Cha Adi,
kope aka ya Cha Adi,
Cha Kosam,
kope aka ya Cha Kosam,
Cha Elmadam,
kope aka ya Cha Elmadam,
Cha Er.
29 Kope aka ya Cha Er,
Cha Josua,
kope aka ya Cha Josua,
Cha Elieser,
kope aka ya Cha Elieser,
Cha Jorim,
kope aka ya Cha Jorim,
Cha Matat,
kope aka ya Cha Matat,
Cha Livai.
30 Kope aka ya Cha Livai,
Cha Simeon,
kope aka ya Cha Simeon,
Cha Juda,
kope aka ya Cha Juda,
Cha Josep,
kope aka ya Cha Josep,
Cha Jonam,
kope aka ya Cha Jonam,
Cha Eliakim.
31 Kope aka ya Cha Eliakim,
Cha Melea,
kope aka ya Cha Melea,
Cha Mena,
kope aka ya Cha Mena,
Cha Matata,
kope aka ya Cha Matata,
Cha Natan,
kope aka ya Cha Natan,
Cha Devit.
32 Kope aka ya Cha Devit,
Cha Jesi,
kope aka ya Cha Jesi,
Cha Obet,
kope aka ya Cha Obet,
Cha Boas,
kope aka ya Cha Boas,
Cha Salmon,
kope aka ya Cha Salmon,
Cha Nason.
33 Kope aka ya Cha Nason,
Cha Aminadap,
kope aka ya Cha Aminadap,
Cha Atmin,
kope aka ya Cha Atmin,
Cha Arni,
kope aka ya Cha Arni,
Cha Hesron,
kope aka ya Cha Hesron,
Cha Peres,
kope aka ya Cha Peres,
Cha Juda.
34 Kope aka ya Cha Juda,
Cha Jekop,
kope aka ya Cha Jekop,
Cha Aisak,
kope aka ya Cha Aisak,
Cha Abraham,
kope aka ya Cha Abraham,
Cha Tera,
kope aka ya Cha Tera,
Cha Nahor.
35 Kope aka ya Cha Nahor,
Cha Seruk,
kope aka ya Cha Seruk,
Cha Reu,
kope aka ya Cha Reu,
Cha Pelek,
kope aka ya Cha Pelek,
Cha Eber,
kope aka ya Cha Eber,
Cha Sela.
36 Kope aka ya Cha Sela,
Cha Kainan,
kope aka ya Cha Kainan,
Cha Arpaksat.
Kope aka ya Cha Arpaksat,
Cha Siem,
kope aka ya Cha Siem,
Cha Noa.
Kope aka ya Cha Noa,
Cha Lamek.
37 Kope aka ya Cha Lamek,
Cha Metusela,
kope aka ya Cha Metusela,
Cha Enok,
kope aka ya Cha Enok,
Cha Jaret,
kope aka ya Cha Jaret,
Cha Mahalalel,
kope aka ya Cha Mahalalel,
Cha Kenan.
38 Kope aka ya Cha Kenan,
Cha Enos,
kope aka ya Cha Enos,
Cha Set,
kope aka ya Cha Set,
Cha Adam.
Kope Cha Adam,
ya ma ya God.