Taa, on wara tî xatken̂e Isaka mumuru kom hara, Tora, Pua, Xasube, Siniron. 4 makî tî xatken̂e yumumuru komo.

2 On wara tî xatken̂e Tora mumuru komo, Usi, Hepaias, Xeriew, Xamai, Ibsaw, Semuew, ero wara tî xatken̂e. Tîyanan komo yantoman̂e re tî mîkyam xatken̂e. Karitî komo tî mîkyam xatken̂e erasîn komo. Yaake takî tî xatken̂e n̂examro Tora yepamtho komo kayaritomo me exitaw Tapi. 22.600 tî mîkyam xatken̂e karita yaka mewrexapu, osotî komo.

3 Isiraias tî xakn̂e Usi mumuru yosotî. On wara tî xatken̂e Isiraias mumuru kom hara, Mikaw, Obacias, Xoew, Isias, 5 tî xatken̂e. Tîyanan komo yantoman̂e re tî mîkyam xatken̂e.

4 Mer̂pora tî xatken̂e n̂examro yepamtho komo. 36.000 tî xatken̂e sowtatu me cehsom komo. Ero wa tî n̂epamyatken̂e mer̂pora exirî ke yipici komo, yîmxîkrî komo marha.

5 On wicakî tî xatken̂e ahnoro Isaka yepamtho komo, kîrkomo, karitî kom ha, 87.000 tî mîkyam xatken̂e.

6 Taa, on wara tî xatken̂e Benxamin mumuru kom hara, Bera, Beke, Xeciaew. 3 makî tî xatken̂e.

7 On wara tî xatken̂e Bera mumuru komo, Esbon, Usi, Usiew, Xerimoce, Iri, ero wara. 5 tî xatken̂e. Tîyanan komo yantoman̂e me tî xatken̂e. Yaake tî xatken̂e n̂examro yepamtho, kîrkomo, karitî kom ha. 22.034 tî mîkyam xatken̂e. Karita yaw tmewreso ti xakn̂e n̂examro yosotî.

8 On wara tî xatken̂e Beke mumuru kom hara, Semira, Xoas, Eriese, Erioenai, Onhi, Xerimoce, Abias, Anatoce, Aremece. Ero wara tî xatken̂e Beke mumuru komo.

9 Mer̂pora xatken̂e n̂examro yepamtho, kîrkomo. Karita yaka tmewreso nas osotî komo. Tîyanan komo yantoman̂e me tî xatken̂e. Karitî komo tî mîkyam xatken̂e. 20.200 tî xatken̂e.

10 Xeciaew mumuru tî xakn̂e, Biran tî osotî. On wara takî tî xatken̂e Biran mumuru kom hara, Xeus, Benxamin, Euce, Kenaana, Seta, Tahsis, Aisa, ero wara tî xatken̂e.

11 Tîyanan komo yantoman̂e me tî xatken̂e ahnoro Xeciaew mumuru komo. Karitî komo mîkyam xatken̂e. Yaake takî tî xatken̂e n̂examro yepamtho komo, sowtatu me cehsom komo, 17.200 ha tî. Ero wa tî xatken̂e Xeciaew yepamtho komo.

12 On wara tî xakn̂e Iri mumuru, Supin, Upin, ero wara. Usini tî xakn̂e Aerî mumuru hara. Ero wara tî xatken̂e.

13 Taa, on wara tî xatken̂e Nahtari mumuru kom hara, Xasiew, Kuni, Xese, Sarun, ero wara. Bira mrerî komo re tî mîkyam xatken̂e.

14 Taa, Manases yepamtho tan wekatîmyas hara. Siriu wosîn tî nahsîyakn̂e Manase cipici wara cehsom me. Noro mrerî tî xakn̂e Asîriew, Maki kom ha, Xireace yîîm.

15 Taa, on wara tî xakn̂e Maki, cipici tî nahsîyakn̂e Upin yepeka, Usin komo yepeka ha. Maaka tî xakn̂e yipici yosotî. Anarî tî xakn̂e hara Manase yepamtho Seropeace tî osotî. Noro yemsîrî komo mak xatken̂e, yumumuru exihra xakn̂e.

16 N̂ewruyakn̂e takî tî Maaka, Maaki pici, kîîrî ciki tî n̂ewruyakn̂e. Peres me tî nosohcekn̂e tîmrerî. Noro yakno takî tî xakn̂e hara, Seres tî osotî. On wara tî xakn̂e Seres mumuru, Uraw, Haken, ero wa tî xatken̂e.

17 Betan tî xakn̂e Uraw mumuru. Ero wa tî xatken̂e Xireace yepamtho komo. Maki mumuru tî mîk xakn̂e Xireace, Manases parî ha.

18 Taa, Maki yepeka tî xakn̂e hara, Amorekece tî osotî. Osorwaw tî xatken̂e noro mrerî komo. Isoce, Abiese, Maara, ero wa tî xakn̂e yîmrerî komo yosotî.

19 On wara tî xakn̂e Semita mumuru komo yosotî, Aian, Siken, Riki, Aniaw, ero wara. Ero wara tî xatken̂e Manases yepamtho komo.

20-21 Taa, on wara tî xatken̂e Eprain pen yepamtho komo yosot hara, Sutera tî xakn̂e noro mumuru yosotî, Berece tî xakn̂e noro mumuru, Taace tî xakn̂e noro mumuru, Erata tî xakn̂e noro mumuru, Taace tî xakn̂e noro mumuru, Sabace tî xakn̂e noro mumuru, Sutera tî xakn̂e noro mumuru. Ero wara tî xakn̂e Sutera mumuru yosotî kom hara. Xatken̂e marha Ese komo, Erace komo, n̂examro pen tî waihketken̂e Kace po ewruxapu komo. Iyokuthîrî komo yahsîso tî cetken̂e, ero poyero waihketken̂e.

22 Ero ke yîpînîn yaw so tî nîwracekn̂e Eprain, yîîmînhîrî pen. Pahkî tî nîwracekn̂e. Ero ke noro yahworeso tî mokyatken̂e iyanan komo. Ero wa tî mokyatken̂e.

23 Ero yinhîrî tî cipici poko xakn̂e hara Eprain. N̂etahsîyakn̂e takî tî, kîîrî cikî tî n̂ewruyakn̂e. Berias me tî nosohcekn̂e yîîm. Tahwokacho chew tî xakn̂e okwe, ero ke tî ero me nosohcekn̂e.

24 Sera tî xakn̂e Eprain yemsîrî yosotî. Noro tî ewto mko n̂irpekn̂e. Bece Oron tî n̂irpekn̂e asakî, uuman, yaasîno, ero warai tî Bece Oron n̂irpekn̂e. Usen-Seera marha tî n̂irpekn̂e.

25-27 On wara tî xakn̂e Berias yepamtho komo yosotî, Repa tî xakn̂e yumumuru, Resepe tî xakn̂e noro mumuru, Tera tî xakn̂e noro mumuru, Taan tî xakn̂e noro mumuru, Ratan tî xakn̂e noro mumuru, Amiuce tî xakn̂e noro mumuru,, Erisama tî xakn̂e noro mumuru, Nun tî xakn̂e noro mumuru, Xoswe tî xakn̂e noro mumuru.

28 On wara tî xakn̂e Eprain yepamtho komo rowon, ewton komo marha, Betew, ero mîtwono komo yakro. Resce n̂ixa xakn̂e ewto hara, Naaran. Kaamo yemicitopo n̂ixa xakn̂e anarî hara, Xese ha, yîmîtwono komo yakro. Siken, yîmîtwono komo yakro, Asa meero tî xakn̂e n̂examro yewton me yîmîtwono komo yakro.

29 Manases yepamtho komo rowon yemyatwo meero tî xakn̂e Eprain yepamtho komo yewton me, Bece-Sean, yîmîtwono komo yakro, Taanake, yîmîtwono komo yakro, Megito, yîmîtwono yakro, Tor, yîmîtwono komo yakro. Ero wara tî xakn̂e Xose yepamtho komo yewton, Ixaw pen mumutho yepamtho komo yewton ha.

30 Taa, on wara tî xakn̂e Ase pen mumutho komo yosot hara, Imna, Ispa, Ispi, Berias, ero wara. N̂examro yepeka yosotî tî xakn̂e Sera.

31 On wara tî xakn̂e Berias mumuru yosotî, Ebe, Mawkiew. Mawkiew mumuru tî xakn̂e hara, Bihsaice tî osotî.

32 On wara tî xatken̂e Ebe mumuru komo yosotî, Xaprece, Some, Otaw, ero wara. N̂examro yepeka tî xakn̂e hara, Sua tî osotî.

33 On wara tî xatken̂e Xaprece mumuru komo yosotî, Pasake, Bimaw, Aspace, ero wara tî xatken̂e Xaprece mumuru komo yosotî.

34 On wara tî xatken̂e Seme mumuru komo yosotî, Ai, Hoka, Xeuba, Aran, ero wara.

35 Seme yakno tî xakn̂e hara, Eren tî osotî. On wara tî xatken̂e noro mumuru komo yosot hara, Sopa, Imna, Seres, Amaw, ero wara.

36-37 On wara tî xatken̂e Sopa mumuru komo yosot hara, Sua, Ahnepe, Suaw, Beri, Inha, Bese, Oce, Sama, Siwsa, Iciran, Beera, ero wara.

38 On wara tî xatken̂e Xete mumuru komo yosot hara, Xepone, Pispa, Ara, ero wara.

39 On wara tî xatken̂e Ura mumuru komo yosot hara, Ara, Aniew, Hisia, ero wara.

40 Ero wa tî xatken̂e Ase pen yepamtho komo. Tîyanan yantoman̂e komo re tî mîkyam xatken̂e. Takîhsom komo tî mîkyam xatken̂e, karitî komo marha. Antoman̂e rin̂e komo yenîn̂e me cehsom komo tî mîkyam xatken̂e. Karita yaw tmewreso tî xakn̂e osotî komo, Sowtatu Me Tîtosom Komo Yosotî Tan, kacho yaw. 26.000 tî mîkyam xatken̂e. Ero wicakî tî xatken̂e.