1-2 Taa, on wara tî xatken̂e Ixaw mumuru komo, Huben, Simeaw, Repi, Xuta, Isaka, Zeburon, Taan, Xose, Benxamin, Nahtari, Kace, Ase. Ero wara tî Ixaw mumuru komo xatken̂e.

3 On wara tî xatken̂e Xuta mumuru kom hara, Ere, Onan, Sera. Ero wa tî xatken̂e yumumuru komo, Sua pen yemsîtho mrerî komo, Kananew wosîn tî mîk xakn̂e Sua. On wara tko tî xakn̂e Ere pen, poturme ewruxapunhîrî pen, kicicme tî noro pen n̂een̂akn̂e Kporin komo. Ero ke noro pen tî waihkekn̂e okwe.

4 Anarî marha tî xakn̂e Xuta mumuru, Peres, Sera, ero wara. Tamara pen mrerî komo tî mîkyam xatken̂e, Xuta mumutho pen cinho mretho ha.

5 On wara tî xakn̂e Peres mumuru Esîron, Amu, ero wara.

6 On wara tî xakn̂e Sera mumuru hara, Sinhi, Etan, Eman, Kawkow, Tara, ero wara. 5 tî xatken̂e noro mumuru komo.

7 Anarî tî xakn̂e Kahmi pen mumutho, Aka. Ixaw Yana komo yîwîrîman̂enho pen tî mîk xakn̂e okwe. Kaanî mtapotarî yanwekn̂enho tî mîk xakn̂e, Ero ahsîra ro mak men ehcoko, kachonho yanwekn̂enho ha.

8 Etan mumuru tî xakn̂e cewn̂e mak, Asarias tî osotî.

9 On wara tî xatken̂e Esiron mumuru komo, Xeramew, Haw, Kerubai, ero wara.

10 Haw mumuru tî xakn̂e Aminatabe, Aminatabe pen mumutho hara tî xakn̂e Naason. Xuta yepamtho komo yantoman̂e tî mîk xakn̂e Naason.

11 Naason mumuru hara tî xakn̂e Sawma, Sawma pen mumutho hara tî xakn̂e Boas.

12 Boas mumuru tî xakn̂e Obece, Obece mumuru tî xakn̂e Xese.

13-15 On wara tî xatken̂e Xese mumuru komo, potuthîrî Eriabe, 2-înhîrî Abinatabe, 3-înhîrî Simeia, 4-nhîrî Natanaew, 5-nhîrî Hatai, 6-înhîrî Osem, 7-nhîrî Tapi, ero wara.

16 Asakî tî xakn̂e n̂examro yepeka, Seruia, Abikaw. On wara tî xatken̂e Seruia mrerî komo, Abisai, Xoabe, Asaew, osorwaw mak.

17 Amasa tî xakn̂e Abikaw mrerî. Xete pen tî xakn̂e Amasa yîîm. Ismaew yepamtho tî mîk xakn̂e yîîm ha.

18 Taa, Karebe mumuru komo xatken̂e hara, Esiron parî kom ha. Asuba yenakan komo. Xerioce mrerî komo marha tî xatken̂e Karebe mumuru komo rma, Xeese, Sobabe, Ahton, ero wara.

19 Ero yinhîrî takî tî waihyakn̂e Karebe cinho pen, Asuba pen. Ero ke Eprace takî tî nahsîyakn̂e hara Karebe cipici me hara. Uru tî xakn̂e noro yenakan ha.

20 Ero yinhîrî Uri tî sakn̂e Uru mumuru, Besareew tî xakn̂e Uri mumuru hara.

21 Ero yinhîrî takî tî Maki yemsîrî poko xakn̂e Esîron, Xireace yîîm yemsîrî poko ha. 60 cimn̂ipu tî xakn̂e noro poko cexitaw. Yumumuru me tî n̂ewruyakn̂e Sekube osotî.

22 Xai takî tî xakn̂e Sekube mumuru hara. Yaake tî xakn̂e noro pen yewtonî mko, Xireace pono mko, 23 tî xakn̂e.

23 Xai yewtonî mko tko tî nahsîyatken̂e Xesu, Aran kom ha. Kenace marha tî nahsîyatken̂e yîmîtwono komo yakro, 60 ewto mko okwe. Ero wa tî ka xakn̂e Maki mumuru komo yewtonî mko, Xireace yîîm mumuru komo yewton ha.

24 Ero yinhîrî takî tî Esîron pen waihyakn̂e Karebe Eprata po. Noro pen waipuche yihcinhîrî takî tî n̂ewruyakn̂e yumumuthîrî ciki Asu tî osotî. Tekoa yîîm tî mîk xakn̂e Asu.

25 On wara tî xatken̂e Xeramew mumuru komo, Esîron mumuru tî mîk xakn̂e Xeramew poturme ewruxapu ha. Haw tî xakn̂e Esîron mumuru hara, poturme ewruxapu. Buna, Oren, Osen, Aias, ero wa tî xatken̂e Xeramew mumuru komo.

26 Anarî marha tî xakn̂e Xeramew pic hara, Atara tî osotî. Onan tî xakn̂e noro pen yenakanînho yosotî.

27 On wara tî xatken̂e Haw mumuru komo, Xeramew parî komo, Maasî, Xamin, Eke, ero wara.

28 On wara tî xatken̂e Onan mumuru Samai, Xata, ero wara. On wara tî xakn̂e Samai mumuru kom hara, Natabe, Abisu.

29 Taa, Abisu pici tî xakn̂e Abiaiw. Noro yenakan tî xakn̂e Aban, Morici, ero wara.

30 On wara tî xakn̂e Natabe mumuru komo, Serece, Apain, ero wara. Ero yinhîrî waihyakn̂e takî tî Serece, yumumuru exihra ro makî tî xakn̂e okwe.

31 Isi tî xakn̂e Apain mumuru, Sesan tî xakn̂e Isi mumuru hara. Arai tî xakn̂e Sesan mumuru hara.

32 On wara tî xakn̂e Xata mumuru, Samai yakno mumuru ha, Xete, Xonatas, ero wara. Ero yinhîrî Xete pen tî waihyakn̂e yumumra rma okwe.

33 On wara tî xatken̂e Xonatas mumuru komo Perece, Sasa, ero wara. Ero wa tî xatken̂e Xeramew yepamtho komo.

34 On wara tî xakn̂e Sesan, yumumuru exihra ro makî tî xakn̂e. Emsîrî komo re makî tî xatken̂e. Xakn̂e tko noro yanton Exipsiu, Xara tî osotî.

35 Ero ke cemsîrî takî tî nîmyakn̂e Sesan Xara ya, tanton ya rma. Noro takî tî n̂ewruyakn̂e kîîrî ciki Atai tî osotî. Sesan mumuru me tî n̂ewruyakn̂e.

36 Atai mumuru tî xakn̂e Natan. Natan mumuru tî xakn̂e hara, Sabace.

37 Sabace mumuru tî xakn̂e hara Epraw. Epraw mumuru tî xakn̂e hara Obece.

38 Obece mumuru tî xakn̂e hara Xeu. Xeu mumuru tî xakn̂e hara Asarias.

39 Asarias mumuru tî xakn̂e hara Erese. Erese mumuru tî xakn̂e hara Ereasa.

40 Ereasa mumuru tî xakn̂e hara Sismai. Sismai mumuru tî xakn̂e hara Sarun.

41 Sarun mumuru tî xakn̂e hara Xekamias. Xekamias mumuru tî xakn̂e hara Erisama tî osotî. Ero wa tî xatken̂e Xeramew yepamtho kom hara.

42 Taa, on wara tî xatken̂e Karebe yepamtho kom hara, Xeramew yakno yepamtho ha, Mesa tî n̂ewruyakn̂e poturme, Sipe yîîm ha. Sipe mumuru tî xakn̂e hara Maresa. Maresa mumuru tî xakn̂e hara Ebron tî osotî.

43 On wara tî xatken̂e Ebron mumuru komo yosotî, Kore, Tapua, Heken, Sema, ero wara.

44 Sema mumuru tî xakn̂e hara Haaw. Haaw mumuru tî xakn̂e hara Xohkeaw. Taa, Heken mumuru marha tî xakn̂e Samai tî osotî.

45 Samai mumuru tî xakn̂e hara Maon tî osotî. Maon mumuru tî xakn̂e hara Bece-Suu tî osotî. Ero wa tî xatken̂e Ebrom yepamtho komo.

46 Taa, Karebe pici wara cehsom tî xakn̂e hara Epa tî osotî. On wara tî xatken̂e noro mrerî komo, Aran, Mosa, Kases. Ero yinhîrî Aran mumuru tî xakn̂e hara Kases tî osotî.

47 Taa, on wara tî xatken̂e Xatai mumuru komo, Hexen, Xotaw, Kesan, Perece, Epa, Saape, ero wara.

48 Taa, anarî tî xakn̂e hara Karebe pici wara cehsom, Maaka tî osotî. Noro mreri tî xakn̂e asakî, Sebe, Cirana, ero wara.

49 Anarî komo marha tî xakn̂e noro mrerî komo, Saape, Macimana yîîm ha, Sepa, Makbena yîîm, Xibea komo yîîm ha, ero wara. Karebe yemsîrî marha tî xakn̂e Aksa tî osotî.

50 On wara marha tî xatken̂e Karebe yepamtho komo, Ur tî xakn̂e Eprata mrerî, noro yemasîn yakanî rma. On wara tî xatken̂e Ur mumuru komo, Sobaw, Kiriace Xearin yîîm ha.

51 Sawma, Berenita komo yîîm, Arepe, Bece-Kate yîîm, ero wara tî xatken̂e Eprace mrerî komo.

52 Yaake tî xatken̂e Sobaw yepamtho, Kiriace Xearin yîîm yepamtho ha. Aroe tî xakn̂e noro yepamtho, Menuita komo raconho marha.

53 On wara marha tî xatken̂e Sobaw yepamtho komo, Kiriace Xearin pono komo, Itîri pono komo, Putu pono komo, Sumata pono komo, Misira pono komo. N̂examro yepamtho tak xatken̂e Sora pono kom hara, Estaow pono komo marha.

54 On wara tî xatken̂e Sawma yepamtho, Beren, N̂etopa pono komo, Ataroce Bece Xoabe pono komo, Manati pono komo marha poyino komo mak, Soro pono komo. Ero wa tî xatken̂e Sawma yepamtho.

55 Taa, Xabes po tî xatken̂e karita mewren̂e ro komo. Anarmerpan komo mîkyam xatken̂e iitono komo. Cira yepamtho komo, Simea yepamtho komo, Suka yepamtho komo, ero wa tî xatken̂e Xabes pono komo. Ken̂e yepamtho re tî mîkyam xatken̂e. Amace yepamtho xa tî mîkyam xatken̂e, Hekabe yîîm yepamtho ha. Ero wa tî xatken̂e.