2 Aku teringi kanokolie Parisi-yemane^e Yesusi yundu ningindu: “Kána! ˻Koro molemolo˼ Wale-Sambatemonga ‘Kongono naa teangi!’ nimbe pelemo ungu-manemo^f nambemu-na nunge lombili andoli yemane ungu-manemo pulue tokolie aku-siku tekemeleye?” niringi.

3 Yesusini pundu topa nimbendo: “Ene Pulu Yemonga bokuna sukundu ˻anda-kolepa ye-nomi-kingi˼ Depisini^g terimu mele nimbe molemo temanemo kanokolie temanemonga pulumu naa pilimeleye? Depisi kinie yu pea puringi yema kinie ene engelene kolkolie niringimuni,

4 Depisi Pulu Yemo molorumu sele-ulkena sukundu pupe, Pulu Yemonga kumbi-kerena lerimu pillawa kalolime lipe nomba, yu pea puringi yema sirimu noringila kanumu.^h Kanu pillawa kalolimendo Pulu Yemone ungu-mane sipelie nimbendo:

5 “Manie Omba Mana-Ye Au Lerimu Yemone Sambate-Walema nokolemo-na ˻Sambate-Wale kinie yamboma molko konjingindu tenge mele manda nimbé kanumu˼.” nirimu.

6 Pe walse, koro mololi Wale-Sambate tenga, Yesusi omba Juda-yamboma máku toko Pulu Yemonga ungumu piliringi ulkena suku pupelie ungu-mane sirimu. Kanu ulkena ye te molorumu, yunge ki-umbukundu kamu kolopa kukurumu.

7 Kanu-kinie akuna moloringi Parisi-yema kinie, Pulu Yemonga ungu-manemanga puluma pilku mane siringi yema kinie,^j enene ‘Yesusini ulu te tepa kenjimbe kinie yu kote tenjimulú.’ ningu ulu te tepa kenjimbe te ˻alieli koroko molkolie˼ ‘˻Koro molemolo˼ Wale-Sambate kinie yuni yemo tepa konde limbenje.’ ningu yu mimi siku kanoko moloringi.

8 Ene konopuni piliringi mele pilipelie Yesusini kanu ki kolopa kukurumu yemondo nimbendo: “Yamboma molemelena ongo ola angilieni!” nirimu kinie yemo yu akuna omba ola angilirimu.

9 Kanu-kinie yemando nimbendo: “Ene i-sipu walsipu pilkiru. ‘Sambate-Wale kinie ulu nambolka ulu te manda temoloye? ‘Sambate-Walemonga ungu-manemone “Teangi!” nilimo mele teamili!’ nimbu yamboma lipu taponjimulú kinie manda molo yamboma tepo kenjimulú kinie mandaye? ‘Naa kolangi! Konde pangi!’ nimbu temolomo manda molo topo konjimulúmu mandaye?’ nimbu walsikiru.” nirimu.

10 Aku-sipe ene nimbe walsipelie yuni ene pali nemo-nemo nimbe kanopalie ki kukuli yemondo nimbendo: “Nunge kimu sinio si!” nirimu kinie yemone yunge kimu sinio sirimu kinie ki kolopa kukurumumu altopa kamu peanga lerimu.

11 Aku terimu kanokolie mumindili aili-teko kolko enene eneno anju-yando ungu-mele teko ningindu: “Tepa kenjikimumunge yu nambe-teamiliye?” ningu moloringi.

12 Pe walse ipulueli Yesusi yu Pulu Yemo-kinie ungu nimbendo ma-pangi tenga ola pupe Pulu Yemo-kinie ungu nimbe molopili kolea tangorumu.

13 Ipulueli-ou yu lombili andolimendo “Wai!” nimbelie ‘Enenga ye engaki-rurepo nanga kongonomo teangi lipu mundembo!’ nimbelie aku yema mako topalie enendo nimbendo: “Ene ‘Nanga kongonomo tenji-pangi!’ nimbu lipu mundukuru yema.” nirimu.^l

14 ˻Kanu ye engaki-rurepo mako torumumanga imbime i-sipe:˼

17 Kanu-kinie yu kinie, yuni “Nanga kongonomo tenji-pangi!” nimbe lipe mundurumu yema kinie, ma-pangine manie oringi kinie yu lombili andoringi yambo aisili kinie, kolea Judia-Disiriki moloringi yambo aisili kinie, kolea-aili Jerusalleme peringi yambo aisili kinie, nomú-kusa kélona lerimu kolea-aili Taya kinie Saidono-tolonga peringi yambo aisili kinie, yu molorumuna sukundu sukundu ongo liku máku toringi.

18 Yu temane peanga topa, ungu-mane sipe terimu pilingindu ongo, yuni ene kuru torumuma ‘Tepa konde lipili!’ ningu oringi. Enenga yambo mare konopuna kuru keri molorumuma tepa konde lirimula.

19 Kuru toli yamboma tepa konde lili tondolomo yu-kinie pepili molorumu-na ene oringime pali ‘Yu ambolamili!’ ningu yu molorumuna nondoko-nondoko oringi. Kanu-kinie ongo yu amboloringi kinie kanu tondolomone ene pea pali tepa konde lirimu.

20 Kanu-kinie Yesusi manie molopa yu lombili andoringime olando-sipe kanopalie enendo nimbendo:

23 “˻Yambomane ene aku-siku mele telemelemonga˼ ene mulú-koleana pungí kinie kanuna ˻Pulu Yemone˼ ene méle kalopa konjimbe kene ˻kanu yambomane ene aku-siku teko kenjingí˼ kinie konopu aili-teko siku, konopu paa peanga pepili molangi!^r Yambomane kinié ene mindili silimele mele, aku-siku ene naa molangi koro-ou Pulu Yemone ungu-umbu tonjirimuma pilku yamboma ningu siliku andoringi yamboma we-yambomane ene kepe mindili siringila kanumu.

24 “Nakolo ene kamako lemelema,

27 ˻Aku nimbelie Yesusini we moloringi yambomando nimbendo:˼ “˻Akumu na lombili andolimendo nikiru˼ nakolo nane ungu nikiruma pilku molemele yamboma, enendo ungu te pea niembo piliengila!

32 “Ulu-pulu-keri telemele yamboma kepe eneno anju-yando kondo kolemele pilkulie ene yando kondo kolemele yamboma mindi kondo kolonge manda mólo! Ene kanoko keri kanolemele yamboma pea kondo kolangi!

33 Ulu-pulu-keri telemele yamboma kepe eneno anju-yando kondo kolko teko konjilimele pilkulie ene yando kondo kolko teko konjilimele yamboma mindi teko konjingí manda mólo! Ene teko kenjilimele yamboma pea teko konjengi!

34 Ulu-pulu-keri telemele yamboma kepe eneno anju-yando pundu anjiku, ‘Walse altopo sukundu limbu,’ ningu pundu anjilimele pilkulie, ene yando pundu tolemele yamboma mindi pundu anjingí manda mólo! Ene pundu naa tolemele yamboma pea pundu anjengi!

35 “˻Ulu-pulu-keri telemele yamboma eneno anju-yando telemele mele ene ulu te olandopa teangila!˼ Enene enenga opa-touma kepe kondo kolko, teko konjiku, pundu anjiku, teangi! ‘Enene pe walse altoko aku-siku yando teangi!’ ni naa ningu, we teangi! Aku-siku tenge kinie Pulu Yemonga ambolangoma molkolie,^v yuni ene méle aisili kalomba lingí. Pulu Yemo yuni mana-yamboma-kinie aku-sipe tepa molemola. Yu teko kenjilimele yamboma kinie, yundu ‘Ange.’ naa ningu we molemele yamboma kinie kanuma tepa konjilimo.

36 Enenga Lapa Pulu Yemo teko kenjilimele yamboma kepe yu aku-sipe kondo kolopa we tepa konjilimo mele ene teko kenjingí yamboma aku-siku kondo kolko teko konjengi!” ˻nirimu˼.

37 “Enene yamboma telemele uluma naa apurungí kinie ˻Pulu Yemone˼ ene ulu telemelema naa apurumbela. Enene anju yambomane telemele mele apuruku kanokolie “Teko kenjikimili. Tekemele mele ˻Pulu Yemone˼ kanopa keri kanopili!” naa ningí kinie ˻Pulu Yemone˼ enene telemele mele apurupe kanopalie “Teko kenjikinu. Tekeno mele kanopo keri kanokoro.” naa nimbéla.^x Yambomane ene-kinie teko kenjingí uluma ‘Manie pupili!’ ningu siye kolonge kinie ˻Pulu Yemone˼ enenga ulu-pulu-kerime ‘Manie pupili!’ nimbe siye kolombala.^y

38 Enene yamboma pe pe kepe ‘Pundu naa tangi!’ ningu mélema we singí kinie yuni ene aku-sipe we simbela. Mélema simbendo layetolo naa simbe; olandopa-olandopa simbe. Enene anju singí kanopalie ene yando aku-sipe simbela.” nirimu.

39 Yesusini enendo ungu-iku te topa sirimula. Akumu i-sipe:

40 Ungu-mane pilku mololi yamboma enenga ungu-mane sili yambomo toko manie naa mundulimele. Ou ungu-mane pilku puku pora silimele kinie pe mindi enenga ungu-mane sili yambomo pea kapola-kapola mele molemele.^a

41 “Nuni angenanga mongona nurupulu te lemo kanoleno nakolo nunge mongona unju aili te lemomo naa kanoleno akumu nambemu-na telenoye?

42 Nunge mongona unju aili lemomo naa kanokolie angenando “Ano, nunge mongona nurupulu te lemomo wendo linjembo!” nambe-teko nilinoye? Topele-mapele toli yambomo,^b nuni nunge mongona lemo unju ailimu ou wendo lieni! Aku tekolie pe kanoko konjiku angenanga mongona lemo nurupulumu manda wendo linjiní.” ˻nirimu.˼

43 ˻Kanu-kinie Yesusini ungu te pea nimbelie ungu-iku pokore topalie nimbendo:˼

44 Unju-mongo te kanokolie kanu mongo torumu unjumu imbi manda silimele.^d ‘Amu nambo!’ ningu, takeme manda olko toko naa nolemelka. Molo ‘Me te nambo!’ ningu, silipu manda mengo naa nolemelka. Amu lupela takeme lupela kanoko, me lupela silipu lupela kanolemele kanumu.^e

45 Aku-sipe mele, yambo peanga tene yunge konopuna ulu peanga pelemoma telemo, nakolo yambo keri tene yunge konopuna ulu keri pelemoma telemo. Yambo te yunge konopuna pelemo unguma mindi kerena nilimo.” ˻nirimu.˼

46 “Nane nilio unguma pilku liku naa tekolie enene nando “Ailimu” we nambemu-na nilimeleye?” ˻nimbelie pe yuni ungu-iku te pea enendo topa nimbéndo:˼

47 “I nanga unguma pilku liku tenge yamboma ene ye te molemo mele niembo:

48 Ye te yuni yunge ulkemo ‘Ingi nimbe angilipili!’ nimbe we ma kinie okia kinie akupe ele-tepalie, akuna manie kou-polona ola takorumu. Ulkemo aku-sipe takopa konjirimu-na pe no topa ulkemo paa topa kalalu simbe terimu kinie topa tekisi naa tekisipe ingi nimbe we angilirimu.

49 “Nakolo i nanga unguma pilku liku naa tenge yamboma ene ye te molemo mele niembo: Ye te yunge ulke we ma pange teline ola walu takorumu. Pe no topa ulke kanumu walsikale topa kalalu sirimu.” nirimu.