2 Yu kote tendekolie Paillatendo ningendo: “I yemone nimbendo: “Romo-gapomanomone olio Juda-yemboma naa nokopili!” nimbe, “Romo-Gapomano Ye Paa Awili Kumbine Sisamo kou-takisi naa tangi!” nimbe,^b “Yu-yuyu “Pulu Yemone olio nokopa kondomba ye te lipu mundumbo.” ou nimbe mako torumu ye Kirasimu, ye-nomi-kingimu molio.” nimbe molemomo olio pilipu kanolemolo.” niringi.

3 Eno aku-siku niringi kinie pilipelie Paillatene ˻Yesusinge kotemo˼ yu walsipe pilipelie nimbendo: “Nu Juda-yembomanga ye-nomi-kingimu moleno molo móloye?” nirimu.

4 Yuni aku nirimu kinie pilipelie Paillatene Pulu Yemo popo tondoringi ye-awilime kinie, we-yemboma akune liku máku toringime kinie, enondo nimbendo: “I yemo ulu te naa tepa kenjemu.” nirimu.

5 Nalo enone karaye teko tondolo-munduku ningendo: “Yuni ungu-mane sipelie “We-yemboma ulu teko kenjiku, mongo liku teangi!” nimbe mane sirimu. Yuni ou-pulu-pulu kolea Gallilli-Disiriki ungu akumu mane sipe, pe yandopa kolea Judia-Disiriki koleama pali silipe andopalie, pe kamu ya kolea-awili Jerusalleme omba ungu akumu mane sipe molemo.” niringi.

6 “Kolea Gallilli” niringi kinie pilipelie Paillatene enondo walsipe pilipelie nimbendo: “I yemo yu Gallilli ye teye?” nirimu kinie

7 enone “E.” niringi pilipelie yuni nimbendo: “˻Ye-nomi-kingi˼ Erote, Gallilli-Disiriki nokolemo yemo, Yesusinge kotemo yuni piliepili yu molemona mengo paa!” nirimu. Aku walemonga kanu ˻ye-nomi-kingi˼ Erote yu Jerusalleme omba molorumu kulu pilipelie, “Yu molemona mengo paa!” nirimu. ˻Paillate yu Jerusalleme lierimu kolea Judia-Disiriki nokorumu yemo.˼

8 Erote ˻molorumune mengo puringi kinie˼ yu Yesusi kanopalie konopu sirimu. Yu Yesusini ulu terimu mele ungu awisili pilipelie, ‘Kanu yemo kanamboa!’ nimbe molopa, ‘Yuni ulu-tondolo te tepili kanamboa!’ konopu lepa molorumu kulu^c yu orumu kinie kanopa konopu sirimu.

9 Akumunge, Erotene Yesusi ungu awisili walsipe pilierimu nalo Yesusini ungu te topondopa naa nimbe we molorumu.

10 Pulu Yemo popo tondoringi ye awilime kinie, Pulu Yemonga ungu-manemanga pulume pilku mane siringi yema kinie,^d akune angilkulie enone Erotendo ningendo: “Yesusini i-sipe ungu nimbe kenjipe, i-sipe ulu awisili tepa kenjipe molemo.” ningu tondolo-munduku niringi.

11 Kanu-kinie Erote kinie yunge ami-yema kinie enone ‘Yesusi yu ye-nomi mólo! Yu we-yere.’ ningu ye-nomimene pakolemele mulumbale komindi te liku pakondoko, yu ungu-taka tondoko tawe tenderingi. Kanu-kinie Paillate molorumune Erotene Yesusi lipe yando mundorumu.

12 Paillatene Erote molorumune Yesusi ou naa lipe mundopili Paillate kinie Erote elo opa-pulue moloringili. Nalo Yesusi-kinie aku teringili walemonga pe elo angenungulu mele moloringili.

13 Yesusi Paillate molorumune yando mengo oringi kinie Paillatene Pulu Yemo popo tondoringi ye-awilime kinie, Juda-yembomanga tapu-yema kinie, we-yemboma kinie, “Eno waa!” nimbelie

14 enondo nimbendo: “I yemo na moliona mengo ongolie “Yuni yembomando ‘Romo-gapomanomone olio naa nokopili!’ nimbe ‘Eno mongo liku teangi!’ nimbe molemo.” ningu^f na moliona mengo ongi. Kanu-kinie eno kanoko molangi nane kote pilipulie enone ‘Yu tepa kenjerimu.’ ningi mele na ulu te naa pilkiru.

15 ˻Gallilli-Disiriki ye-nomi-kingi˼ Erote, yu pea i yemo ulu te tepa kenjerimu te naa-la pilipelie yu altopa yando mundomu. Pilkimiliye? Yu ulu te tepa naa kenjemu. Yu we nambemu-ne topo kondomoloye?

16 Ulu te tepa naa kenjemumunge nane yu we kopene topolie “Kelko pu!” niembo!” nirimu.

17-19 (Kolea-awili Jerusalleme sukundu ye te, yunge imbi Barapasi, ˻yu kinie ye mare kinie˼ ‘Romo-gapomanomone olio Juda-yemboma naa nokopili!’ ningu ou Romo-gapomanomo-kinie opa tekolie yembo mare toko kondoringimunge yu ka siringi. ˻Romo-gapomanomonga ka-ulkena kanu ye Barapasi we pepili Juda ye-awilimene Yesusi kote tenderingi˼. Juda-yembomane ponie tenga-tenga kolea-awili Jerusalleme ongo akune suku Pulu Yemone enonga anda-kolepalime Naa Topa We Omba Purumu mele pilieringi walemo^g wendo orumu kinie Romo-gapomano ye-awilimuni ka-ye te ka-ulkena wendo lipe mundupe “Pu!” nirimu.)^h ˻Aku-sipe terimu mele pilieringimunge Paillatene “Yesusindu “Pu!” niembo!” nirimu kinie pilkulie˼ enone pali yundu tondolo-mundukulie ningendo: “I yemo mólo! Yu ˻kolopili˼ mengo pukulie, Barapasi ˻ka-ulkena˼ wendo liku si!” niringi.

20 Paillatene ‘Yesusi we pupili!’ nimbelie enondo ungu te pea nirimu

21 nalo enone yundu wale awisili tondolo-munduku ningendo: “Yu kolopili unjo-perana uku toko panjei!” ningu moloringi.

22 Aku niringi kinie yuni enondo altopa wale yepoko-sipe walsipelie nimbendo: “Aku nambemu-neye? Yu mongo nambolka mongore limuye? Yu ulu te tepa naa kenjemu. Yu we nambemu-ne topo kondomoloye? Nane yu we kopene topolie “Kelko pu!” niembo!” nirimu.

23 Nalo enone karaye teko ungu tondolo-mundukulie ningendo: “Yu kolopili unjo-perana uku toko panjei!” niringi kinie enone tondolo-munduku niringi mele pilipelie Paillatene eno niringi mele temba terimu.

24 Kanu-kinie Paillatene kote pilipelie enone yu-kinie “Paa tei!” ningu karaye teko mawa teringi mele ‘Aku-sipe tepili!’ nirimu kinie

25 ˻ye Barapasi,˼ ‘Romo-gapomanomone olio Juda-yemboma naa nokopili!’ nimbe ou Romo-gapomanomo-kinie opa tepalie yembo mare topa kondorumumunge ka-ulkena perimu kanu yemo, wendo lipe eno sipelie nirimumuni, pe enone ‘Yesusi unjo-perana kolopili!’ niringi mele pilipelie “Yu-kinie aku-sipe wendo opili!” nimbe ami-yema sirimu.

26 ˻Romo ami-yemane˼ Yesusi mengo punge pukulie niringimuni, kolea Sairini^j ye te, yunge imbi Saimono, yu Jerusalleme pumbe orumu kinie kanoko yu ambolko liku ka-mele siku Yesusi kolomba unjo-peramo liku pendekona ola nosindikulie “Imu mendeko yu lombili aki-liku pu!” niringi.

27 Yembo awisili yu lombili puringi. Ambo mare yu toko kondongemonga kola teliku puringi.

28 Kanu-kinie Yesusini topele topa kanu ambomando nimbendo: “Jerusalleme-amboma, eno na kolombomonga pilkulie kola naa teangi! Eno-enono kinie enonga ambolangoma kinie ulu pe wendo ombámonga pilkulie kola teangi!^k

29 Aku-sipu nikirumu, nambemune nikiruye? Niembo! Walse eno Jerusalleme yemboma ˻teko kenjiku mongo limelemonga umbune singe˼ walemo wendo ombá kinie eno kinie enonga ambolangoma kinie mindili nonge kinie yembomane ningendo: “Ambo ambolango te naa mengo, ambolango ame naa siku, waengono molemele amboma, enonga ambolango te mindili nombá eno naa kanongemonga eno maloya.” ninge.^l

30 Pe

31 ˻Nimbelie pe kamu ungu-iko te topa enondo nimbendo:˼ “Unjo konde angilimomo peke tokomele. Aku liemu pe unjo kololimu nambe-engeye?ⁿ Akumunge ˻enone eno aku-siku umbune singe, mindili nonge˼.”

32 Ye talo pea ‘Yesusi-kinie kolangi!’ ningu unjona ola uku toko panjingendo mengo puringi. Aku yeselo mongo lsingili yeselo.

33 Kolea ‘Penge-Ombele’ níline oringi kinie yu kinie mongo lsingili yeselo kinie unjo-pera yepokonga ola uku toko panjeringi. Mongo lsingili yeselonga te Yesusi yunge ki-umbukundu uku toko, te Yesusi yunge ki-tarokondo uku toko panjeringi.

34 Aku teringi kinie Yesusini nimbendo: “Tata, na-kinie tekemele mele akumu yembomane naa pilkimili kene nuni tekemelemonga “Mindili nangi!” naa ningu siye kolou!” nirimu.

35 We-yemboma enone yu-kinie teringi mele kanoko we angilieringi nalo enonga ye-awilimene yundu ungu-taka tondoko ningendo: “Yu yembo-wema ‘Naa kolko konde pangi!’ nimbe lipe tapondorumu mele kinié yuni ‘Naa kolopo unjo-perana wendo pambo!’ nimbe yu-yuyu lipe tapondopa unjo-perana wendo opili! Yu sike Pulu Yemone mako topa olio ‘Nokopa kondopili!’ nimbe lipe mundorumu ye-nomi Kirasimu omba molomu liemo kinié yu-yuyu aku-sipe lipe tapondopili!” niringi.

36 Ami-yema pea yu ungu-taka tondoko molkolie no-waene kombili teli te ‘Nopili siemili!’ ningu singe tekolie

37 yundu ningendo: “Nu Juda-yembomanga ye-nomi-kingi molonu liemo ‘Naa kolopo unjo-perana wendo wambo!’ ningu nu-nunu liku tapondou!” niringi.

38 ‘Yu mongo lsimu mele yemboma kanangi!’ ningu

39 Mongo lsingili yeselo unjo-perana ola uku toko panjeringi yeselonga tene Yesusindu ungu-taka tondopalie nimbendo: “Nuni “Pulu Yemone mako topa olio ‘Nokopa kondopili!’ nimbe lipe mundorumu ye-nomi Kirasimu ˻molio.” nilino mele sike molo móloye? Sike aku-siku˼ moleno liemo nu kinie olto kinie pea ‘Naa kolamili!’ ningu liku tapondoko unjo-perana wendo li!” nirimu.

40 Nalo mongo lsingili yeselonga tene yuni nirimu mele pilipelie yu iri topalie nimbendo: “Nu kinie yu kinie telu-siku mele mindili nongo kolongele mele tengimunge Pulu Yemo pipili naa kolkonoye?

41 Nu kinie olto tepo kenjerimbulumunge mindili papu singi. Nalo i yemo yu mongo te naa lsimu.” nirimu.

42 Aku nimbelie yuni ˻Yesusindu˼ nimbendo: “Yesusi, nu ye-nomi-kingimu molko mélema nokokolie ninimuni, na pilí!” nirimu kinie

43 Yesusini topondopa yundu nimbendo: “Nane nundu paa sike nimbu sikirumu: “Kinié nu na-kinie pea Yemboma Molko Kondolemele Kolea Peangana^o pupu molombolo lemo.” nikiru.” nirimu.

44-45 Yesusi unjo-perana ola we pepili awi-tangoli ena tuwellepo killoko terimu kinie kolea pali sumbulu topalie pe ipupene ena tere-killoko terimu kinie ena kelepa topa kolea tangorumu. ˻Ulu awili te walsikele wendo orumula. Pulu Yemo popo toko kaloringi˼ ulke-tembele ˻Jerusalleme suku angilierimu akune sukundu Pulu Yemo molorumu˼ suluminia paa kake telimunge kerepulune ˻‘Yemboma sukundu naa pangi!’ ningu ou alieli˼ mulumbale awili tene pipi siku panjeringi angilierimu. Kanu mulumbalemo awi-suku-singine maniendo-sipe olá topa ulsu purumu.^q

46 Yesusini ungu te tondolo-mundupe nimbendo: “Tata, nanga minimu ‘Nu molenona opili!’ nimbu nu sikiru.” nirimu. Aku nimbelie yu kolorumu.

47 ˻Romo˼ ami-ye wane-anderete nokorumu ye te Yesusi toringi ami-yema nokopa molorumu kanu yemone Yesusi ungu te nimbe kolorumu mele pilipe kanopalie yuni Pulu Yemo kapi nimbelie nimbendo: “I yemo yu paa sike ye konopu sumbi nili te lepamo.” nirimu.

48 Kanu-kinie ‘Yu unjo-perana uku toko panjinge kanomolo.’ ningu ou liku máku toringi yemboma yu terimu mele kanoko bulu-balu ningu ungu awisili konopu liku munduku kondo kololiku ulkendo puringi.

49 Yu-kinie ou tapu toko andoringi yema kinie, kolea Gallilli-Disiriki munduku siye kolko yu lombili andoko ˻Jerusalleme˼ pea oringi amboma kinie^r enone ˻yu-kinie teringi kolorumu mele˼ sulu-teko kanoko angilieringi.

50-51 Yesusi kolorumu kinie ye te, yunge imbi Josepo, yu Juda-yembomanga kanjollo ye-awili te molopa, ulu-peangama manjipe tepa molorumu. Yu konopu sumbi-nili ye te, kolea Judia-Disiriki Arimatia-taono yemo. Yu ‘Pulu Yemo ye-nomi-kingimu molopa olio nokomba walemo^t wendo opili!’ nimbe nokopa molorumu yemo. Yu Juda-yembomanga kanjollomo sike molorumu, nalo kanjollo-yemane ˻ou eno-enono kote pilkulie˼ “Yesusi kolopili!” niringi kinie^u yuni “E.” naa nimbe we molorumu.

52 Kanu yemone ˻Romo-gapomano ye-nomi˼ Paillate molorumune pupelie “Yesusinge ónomo na si!” nimbe mawa terimu.

53 Paillatene “Kapola.” nirimu kinie Josepo pupe ónomo manie lipe, mulu konde tene lipe ondopalie, kou-kande tenga memba pupe suku noserimu. Kanu kou-kandena yembo-óno te ou naa noseringi, yu mindi pulu-pulu noserimu.

54 Yesusi óno terimu wale akumu kinié mele, opali mele ˻koro moloringi˼ Wale-Sambatemo^v nondopa wendo ombá terimu. Sambate-Walemo wendo ombá kinie koro molongendo kinié mele, mélema liku undu-undu siringi walemo wendo orumu, aku walemonga Yesusi óno teringi.

55 Ou Yesusi-kinie kolea Gallilli-Disiriki munduku siye kolko yu pea ˻Jerusalleme˼ oringi amboma Josepone Yesusi óno terimu kou-kandemo kanoko akune suku ónomo noserimu mele neme-neme ningu kanokolie niringimuni,

56 pe kanoko pora sikulie yando ongo, ‘Yunge ónona kopongo-welema kinie méle lupe mune tolime kinie kandondamili!’ ningu teko mimi teringi. Nalo Sambate-Walemo wendo orumu kinie Pulu Yemonga ungu-manemone