2 eno ungu-iko mele topa nimbendo:

3 Eno lipu mundukuru yema eno sipisipi-melema, yembo owa-takera awili kerimene sipisipi topa nolemo-mele yemboma molemelena lipu mundukuru.^e ˻Nanga ungumu andoko ningu singe kinie pilku keri pilkulie yembomane eno mindili liku singe.˼

4 Pukulie, wale-tapi kepe, kou-mone kepe, méle-wale kepe, kimbu-su alowa teko mondongema kepe, naa meli we pangi! Aulkena pukulie yemboma kanoko enondo ungu te naa ningu we pangi!^f

5 “Kolea tenga sukundu pukulie akune molongendo ulke teluringe puku pe-pukulie ou kanu ulke pulu yembomando ningendo: “Eno konopu peanga pepili molangi!” niengi!

6 Aku ninge kinie kanu ulkena ‘Konopu peanga pepili molambo!’ nimbé yembo te molomu liemo yu konopu peanga pepili molomba. Molo aku ninge kinie kanu ulkena ‘Konopu peanga pepili molambo!’ nimbé yembo te naa molomu liemo eno akune ‘Pangi!’ nimbu mundukuru yema enono konopu peanga pepa umbune te naa tepili molonge.

7 Kongono telemo yemo yu méle papu kalemele kene^g punge ulkena peko, ulke pulu yemone langi simbema nangi! Ulke pinie-pinie naa andoko, ulke telune mindi langi nongo peangi!

8 “Kolea tenga suku pukulie ningemone, kanu kolea pulu yembomane enondo “Papu ongi. Olio pea molamili waa!” ningi liemo eno langi singema nongo,

9 akune kuru tomba yemboma teko konde liku, enondo ningendo: “Pulu Yemo omba ye-nomi-kingimu molopa olio nokomba walemo^h eno molemelena nondopa ombá.” niengi!

10 “Molo kolea tenga suku pukulie kanu kolea pulu yembomane enondo “Eno nambemu-ne ongiye?” ningu, “Pea peamili waa!” naa ningi liemo ˻kanu koleamo munduku siye kolko pungendo˼ aulkena puku angilkulie yembomando ningendo:

11 “Enone olio liku su singimunge ‘Eno kamu molko kenjengi! Pulu Yemone eno lipe naa tapondomba mele paa piliengi!’ nimbu, olionga kimbune ya koleamonga ma angilkimume kepe kulu topolie pukumulu.” niengi! ‘Akumu piliengi!’ ningu aku-siku ningulie pe ungu te pea enondo kamu ningendo: “˻Eno liepi-liepi tamili piliengi!˼ Pulu Yemo omba ye-nomi-kingimu molopa yemboma nokomba walemo nondopa ombá.” niengi!

12 “Nane enondo paa sike nimbu sikirumu: “Kote-walemo wendo ombá kinie kolea-awili Sodomo-˻yembomaⁱ ou ulu-pulu-keri awisili sike teringi^j nalo˼ enonga kote kanga-mele pemba. Nalo i yembo ˻enondo “Pea molamili waa!” ni naa ningu, enonga ungu pilku naa linge yemboma,˼ kote-walemo wendo ombá kinie enonga kote awili-mele pemba.” nikiru.” nirimu.^k

13 “Kolea Korasini kinie Besaida taonoselo ˻akune molemele yemboma˼ mindili nongo paa molko kenjinge. Kanu koleaselonga sukundu ulu-tondolo awisili terindu ˻nalo akune molemele yemboma konopu alowa naa telemele˼. Kolea-awili Taya kinie Saidono-selonga sukundu^l ulu-tondolo naa terindu^m nalo kanu koleaselonga sukundu nane ulu-tondolo aku-sipu telka kanolemelanje kanu koleaselonga ˻yembomane˼ eno ulu-pulu-keri telemelema koronga munduku siye kolko, bulu siku, konopu alowa telemela.

14 ˻Akumunge˼ kote-walemo wendo ombá kinie kanu kolea-awili Taya kinie Saidono-selonga ˻yemboma ulu-pulu-keri sike telemelemonga˼ enonga kote kanga-mele pemba. Nalo eno kolea Korasini kinie Besaida-selonga ˻yemboma˼ ˻na ulu-tondoloma terindu kinie kanokolie konopu alowa naa teringimunge˼ kote-walemo wendo ombá kinie enonga kote awili-mele pemba.

15 “Kapeniame taono ˻yemboma enone˼ ‘Mulú-koleana pupu molamili!’ konopu lekemeleye? Aku manda mólo! ˻Enone nanga ungume alieli pilimele nalo konopu alowa naa telemelemonga˼ eno kolea-kerine puku molonge.” ˻nirimu.˼

16 ˻Aku nimbelie yuni lipe mundumbe terimu yemando ungu te pea nimbendo:˼ “Enone ungu ningema pilipe limbe yembomone nane ungu nilio ungumu pilipe limbela. Enone ungu ningema naa pilipe ‘Olio pea molamili!’ naa nimbe temba yembomone na-kinie ‘Pea naa molambili!’ nimbéla. Nando ‘Pea naa molambili!’ nimbé yembomone na ma-koleana lipe mundorumu ye kanumundu ‘Pea naa molambili!’ nimbéla.” nirimu. Yesusini aku nimbe pora sipelie ‘Yunge kongonomo tende-pangi!’ nimbe eno lipe mundorumu.

17 ˻Walse˼ Yesusini lipe mundorumu ye tokapu yepoko yu molorumune paa konopu siku yando ongolie enone yundu ningendo: “Awilimu, olione nunge imbi lepolie kurume kepe olione ungu nirimulume pilku liku teringi.” niringi.

18 Yesusini enondo nimbendo: “Aku-siku teliku andoringi kinie ˻kurumenga nomi˼ Setene^o kariapá-mele tepa, topa ˻mana˼ manie mundorumu nane kanorundu.

19 Pilieme! Eno tondolo te sirindu. Yembo nomba kondoli kongi-ka-wambiye molo kiriwara^p aku mélema eno naa kanoko kambilinge kinie aku mélemane eno nanga yemboma ‘Uluri naa tepili!’ nimbu eno kanu tondolomo sirindu.^q Olio-kinie opa-pulue ˻kuru Setene˼ yu sike tondolo pulimo nalo eno kanu tondolo sirindumunge yuni eno uluri manda naa temba.

20 Nalo aku-sipu nikirumunge konopu naa siku, kurume enonga ungumu pilku liku telemelemonga konopu naa siku; ˻Pulu Yemone˼ mulú-koleana ˻molopa˼ enonga imbime topa mondorumumunge konopu siku molangi!” nirimu.

21 Yesusini Pulu Yemonga Mini Kake Telimu-kinie konopu awili-tepa sipelie Pulu Yemondo nimbendo: “Tata, Mulú-Maselo Kinie Nokoko Moleno Ye-Nomimu, nane nu-kinie “Ange.” nikiru. ‘Olio pilipe konginjeli pelemo. Olio-oliolio ungumenga pulume pali pilipu kondolemolo.’ ningu pilimele yemboma eno nane telio ulumenga pulumu ‘Naa piliengi!’ ningu naa ningu sirinu. Yembo ambolango-pame ˻mele˼^r molko, nane nilio ungume komu tendeko molemele yemboma mindi nane telio ulumenga pulumu ‘Piliengi!’ ningu, eno ningu sirinu kanumunge nu kapi nimbu “Papu terinu.” nikiru. Sike Tata, nuni ‘aku-sipe wendo ombá kinie konopu simbo.’ ningu aku-siku terinumunge ˻aku-sipe wendo okomo.˼” nirimu.

22 ˻Pulu Yemondo aku-sipe nimbelie kelepa yembo moloringimendo nimbendo:˼ “Mélema pali Tatane na sirimu. Yembo tene Malo paa sike molemo mele pilipe kanopa imbi silimo yembo te mólo; Lapane mindi yu kanopa imbi silimo. Yembo tene Lapa paa sike molemo mele pilipe kanopa imbi silimo yembo te mólo! Malone mindi kanopa imbi silimo; Malone ‘Lapa lipu ora siembo!’ nimbé yemboma eno Lapa kanoko imbi singela.” nirimu.

23 Kanu-kinie yu lombili andoli yema eno-enono moloringine pupe ‘Eno mindi piliengi!’ nimbe enondo nimbendo: “Eno mongone kanolemele mélema kinie ulume kinie kanolemele yemboma Pulu Yemone “Konopu peanga pepili molko kondangi!” nilimo aulkena molemelemonga eno malo.

24 Nane enondo paa sike nimbu sikirumu: “Ou moloringi yemboma, Pulu Yemone ungu-umbu tondorumume pilku yemboma ningu siringi yema kinie, ye-nomi-kingime kinie, kanu yembo awisili kinié eno mongone kanoko molemele mélema kinie ulume kinie kanongendo “Kanamola!” ningu moloringi nalo naa kanoringi. Eno kinié komuni pilku molemele mélema pilingendo “Piliemola!” ningu moloringi nalo naa pilieringi.” nikiru.” nirimu.

25 Pulu Yemonga ungu-manemanga pulume pilipe kondorumu ye tene ‘Yuni nimbe kenjimbenje manda manjipu piliembo!’ nimbe Yesusindu walsipe pilipelie nimbendo: “Ungu Mane Silimu, na nambe-embo kinie konde molopo kondopo mindi puli ulu-pulumu limboye?” nirimu.^t

26 Yesusini yundu nimbendo: “Pulu Yemonga ungu-manema Mosisini bokune torumu bokune kanokolie nambolka nimbe molemo kanolenoye?” nirimu.^u

27 Yemone topondopa nimbendo: “Pulu Yemonga ungu-manemane nimbendo:

28 Yesusini yundu nimbéndo: “Nu paa sike nikinumu. Nu aku-siku tenu liemo molopa mindi puli aulkena puni.” nirimu.

29 Nalo Pulu Yemonga ungumenga pulume pilipe yemboma mane sili yemone^w ‘Yembomane ‘Na paa pilimo yemo’ ningu piliengi!’ nimbelie kelepa nimbendo: “Nanga pulu lemo yemboma nameleye?” nirimu.

30 Yesusini ungu te topondopa nimbendo:

31 “Kanu-kinie Pulu Yemo popo tondoli ye te^x kanu aulkemonga maniendo pumbe pupelie nirimumuni, yemo aulkena lierimumu omba kanopalie yu lierimune siye kolopa aulke-kiririme ekendonga omba purumu.

32 “Pe aku-sipela Pulu Yemonga kongono tendeli talape-LLipai ye te^y yemo toko noseringine omba kanopalie yu liepili siye kolopa aulke-kiririme ekendonga omba yu purumula.

33 “Nalo Sameria-ye te^z kanu aulkena pumbe ombalie yemo lierimune omba kanopalie yu kondo kolopa,

34 lierimune nondopa pupe kangi toringimenga kopongo kinie no-waene kinie ondopa kandondopalie ka-banisini ka tondopalie nirimumuni, pe yuni yu kangulupe ola lipe yunge kongi-dongi bulu-mingine ola nosipe memba pupelie yembo-ponenge ongo pe-pou-pou teringi ulke tenga memba pupe nosipe nokopa molorumu.

35 Peringili kinie ipulueli-ou yu pumbe tepalie nirimumuni, kou pape kina mele wendo lipe ulke pulu yemo sipelie nimbendo: “Yu nokoko kondoyo! Pe i sikiru koumu manda naa tepa nunge kou mare olandopa pumu liemo pe kelepo yando ombolie nunge kou pundu tombo.” nimbe Sameria yemone nirimu.”

36 ˻Aku nimbelie Yesusini kelepa nimbendo:˼ “I ye yepoko ongo puringimenga ye wa nolimene toko noseringi yemonga pulu lierimu yemo naweye? Juda-ye ou pulu-pulu ongo kanokolo we ongo puringili yeselonga te molo Juda-yemboma-kinia anjo-yando konopu keri panjilimele yembomanga ye akilipe orumu yemoye?” nimbe walsipe pilierimu.

37 Pulu Yemonga ungumenga pulume pilipe yemboma mane sili yemo yuni nimbendo: “Yemone yu we kondo kolorumu yemo lemo.” nirimu.

38 Kanu-kinie Yesusi kinie yu lombili andolime kinie eno ongo pukulie kolea tenga pupe ambo Mata yunge ulkena “Pea molamili ou!” nirimu kinie yu akune purumu.

39 Mata yunge angenu Maria molopalie yu Yesusini ungu peanga nilimo nimbémo ‘Piliembo!’ nimbe Yesusi molorumune omba nondopa manie molopalie nirimumuni, Yesusi ungu nimbe molorumu mele yu pilipe molorumu.

40 Nalo Mata yuyu langi kalondopa, kongono tepa molopalie yu kongono takaraki lierimu kulu kanu kongonomo mindi pilipelie Yesusi molorumune pupe nimbendo: “Awilimu, nanga angenuni na lipe naa tapondokomo-na na-nanu mindi langi simbondo kongonomo tepo molkoro kanokolie kondo naa kolkonoye? Yuni na ‘Omba lipe tapondopili!’ ni!” nirimu.

41 Aku nirimu kinie pilipelie Yesusini yundu topondopa nimbendo: “Ambo Mata, ulu awisili-mele nu konopu awisili liku munduku konopu umbune tepili moleno

42 nalo ulu telu mindi nu naa pilku teleno. Kanu ulu-peangamo Mariane ‘Teambo!’ nimbelie ˻nanga ungumu pilipe˼ molemo. Kanu ulu-peangamo yuni naa temba aulke te mólo!” nirimu.