E Jiud to kino roho teo leta vai.

Eove na sue vo naen tea ves 1,

‘Enaa a too kiu kokoraa te Jisu Karisito bara e keara te Jemis.’

A naba natanata o bero,

to boha vo rien,

e Jiud,

Jemis ae Jisu Karisito,

amaa tom keara.

A meha papana he na boha vo rien,

a meha Jiud komana to kino roho teo leta vai,

ge a meha aba komana to pokaa koana bona henane Jiud.

O leta vai na tei me nana bona bero amaa kaku moroko tea ta Jiu komanae.

Ei meara kona vo raen,

e Jiud a too Jiu vai to vamanamana nana bene Jisu Karisito,

bara eve mee to kino kiri roho bona ta Jiu.

Eove na kino bau kiri roho bono peho vaagum lotu to nata ri nae,

tea tabae na moroko ni nana bona maa taba to tatana riori.

Eara na toku ni rara o vinu to kino roho e Jiud bono leta vai,

eori he na boha vo rien,

o leta vai na kino momohu roho e Jiud,

e Piitaa he mei nana tea kino bono vaabuaku o leta teve.

O buo leta vai na tei me nana bona meha maa moroko vai to vaapeha nana.

E Jiud na sue kanom araara bona pusuna kino eve bono leta vai:

“Enaa na rake nom tea vaakikisi ameam,

eam re vaasuasun kahikahi bata ni nom a omana vai to vamanamana raara” (ves 3).

O meho aba na kao hovo ma teo vaagum lotu teori,

meori paa piku ribari bona maa taba to saka mana haana,

bara na boha bata voen a meha maa matapaku hata,

saka hata haana (tara teo ves 4).

Me Jiud na kino kiri na bari,

eori re sun vakikisi teo koma vamanamana teori (ves 20),

beori matatopo batari,

eori re goe tea paku to matapaku hata.

Eove mee na vaa-upehe ribari voen,

o aba to paku rori bona maa matapaku hata (beori saka tabin haa vo rori te Hunavaan),

pasi gonou bona vaherehereke teori (ves 5-16).