O vabuaku o leta to kino roho e
Jon
O moroko momohu te Jon
1
Sahata moon!
Enaa na kino ki nasu unoman bara o baiko tean.a
E Hunavaan kou to viana komana roho vuan.
Enaa e beera teo vaagum lotu.
Menaa na sue vasuuna kiu noman,
enaa na uruuru kurusu ni kanom ameam.
Eori to nata ni rori bona omana mee,
na uruuru ni kanom ameam.
Saka enaa koa haana.
Ahiki.
2 Enam na uruuru ni kanom ameam suku bona koara vai a omana na tei nana teara bara pasi pate tei tamuana me kanom araara.
3 O koma uruuru,
koma uru ae koma murun te Hunavaan e Tamaraara bara tea Baiko teve,
e Jisu Karisito,
na pate tei tamuana me kanom araara komana uruuru ae a koara vai a omana.
Murina o vamora te Hunavaan
4 Enaa na moramora kurusu,
enaa he baitono voen,
o meho baiko tean na pita murina rori bona koara vai a omana,
voen to sue me ka roho araara e Tamaraara.
5 Sahata moon!
Enaa na hino nom araara tea va-uruuru vatatana.
Enaa saka paa kino haa nasuu tea sue ta taba ta voon.
Ahiki.
A lo vai na baitono ni roho ara,
eara he taneo vamanamana e Jisu Karisito.
6 A uruuru kou eiei:
Beara pita murina amaa lo te Hunavaan vai to baitono ni ma roho ara teo boni to taneo vamanamana ma roho ara e Karisito.
Mea lo bona eiei:
Eara toro va-uruuru vatatana.
7 O bero o poropita piipiku na vataviri rori teo munana ei.
Eori na voonihi vo rien,
e Jisu Karisito na nomaa va aba vo roho teo kasuana.
O kaku aba bari,
o piipiku bara na koma hata ni rori bene Karisito.b
8 Meam toro matatopo rio kaku aba bari.
Eori to mene ma mee vahoara ameam,
eam re saka paa gono haa a voni to kiu vahihivaa suku nomeam.
Eam he toro sun vakikisi,
eam re gono a ovosi na voni team.
9 A aba vai to paupau nana to peho hum tea maa vaasusu te Karisito bara to saka murina haana bona maa vaasusu bona,
na hiki ni nana bene Hunavaan vuhanae.
A aba vai he to murina vamataa nana bona maa vaasusu te Karisito,
na tei me nana bene Karisito bo Tamanae vuhanae.
10 Goe tea vaavoosu ge tea vaahovo ta aba to dee maana bono meho kaku vaasusu,
inu team.
11 A aba to vaavoosu nana bono kaku aba vai,
na haihai nana bona tea paku bona kiu vai a hata.
Amaa moroko vagegeana
12 Enaa na rake kurusu nasu nom tea sue kameam amaa taba amaa bero.
Enaa he saka rake haa nom tea kino e.
Enaa na matamatana nom tea nao nasu,
eara re no vamoromoroko komana.
Rerau,
eara repaa pate mararae viravira.
13 O vahara baiko te keara teanc vai mee to viana roho e Hunavaan,
na vaanao nasu rori bona uruuru teori vo tean.